Nú er talsvert liðið á sumarið og ég lítið hjólað. Ég er staðfastur í þeirri trú minni að klukkan átta sé hentugri tími en sjö. Þá erum við flestir í faðmi fjölskyldunnar að snæða grillaða villibráð eða saltfisk.
Ég get skilið að sjö sé góður tími þegar myrkur læðist að, en nú yfir hábjargræðistímann er ég allavega ekki tilbúinn klukkan sjö. Þess vegna missi ég af ykkur, en mér skilst að þáttaka hafi verið minni í sumar en oft áður. Kannski að hún yrði meiri ef við hittumst klukkustund seinna.
Svo er lausn fyrir þá sem ekki vilja flytja sig um klukkutíma. Þið gerið það sem bæjarstjórn Seyðisfjarðar og Vilhjálmur Egilsson hafa reynt en ekki tekist: breytið klukku ykkar um einn tíma.
Bara hugmynd, en ég er ekki vanur að fá þær slæmar.