Heyrst hefur að Súkku (besta hjólið í heiminum) verksmiðjurnar ætli að setja á markað nýjan Banditt með boxermótor, rafmagnsskipt og ABS, að auki er rafmagns miðju standari, rafmagnsrúða, hituð handföng og sæti, led perur í öllu, í dýrari útgáfu verður hægt að fá Banditinn með rafmagnsmótor í stað boxermótors. Nú er bara að sjá hvort ég eða formaðurinn verður á undan að panta einn nýjan Banditt.

Sælir félagar.
Það er komin tími til að Evrópubúar steli smá hugviti Japana......?þeir stálu öllu hugviti
í bíla og mótorhjólahönnum og betrumbætti það aðeins frá 1960 og upp.
Þetta þekkjum við úr sögunni.Boxermótorar eru "æðislegir"og ættu öll mótorhjól að vera með boxer...
Sjálskipt eða rafskipt var hugsað fyrir fatlaða eða þá sem eru með bilaðar lappir og geta ekki skipt venjulega, þessi hjól hafa ekki selst vel.Þessi samlíking Óli með konuna og sjálfskipt er
bara nokkuð góð.
Eigum við að fara í umræðuna um ABS og ekki ABS???(kannski ekki viturlegt).

Kv.S.A.

BMW er bara lang lang lang besta hjólið !!!, spyrjið bara ökukennara einn, svo segir Sigurjón formaður að allir boxer bimmar séu bara fallestu hjólin !!! Hvort sem hjól eru fjögurra-fimm eða sex gíra gerir þau ekki að besta hjólinu það árið, nei getur ekki verið, jafnvel blaðamenn mótorhjólablaða eru ekki svo vitlausir !!! En munið að nær öll skrif mín eru stolin frá öðrum snillingum !!! í útlandinu, þ.e.a.s. skrif um hin ýmsu mótorhjól. En að aka sjálfskiptu/rafstýrðu mótorhjóli er það ekki eins og sofa hjá konu í huganum !! Öll neikvæð skrif um mín skrif verða skráð sérstaklega og viðkomandi settur á svartan lista !!!.

Jæja,

Þjóðverjum er trúandi til alls....ætli þessir skrattar hjá BMW hafi ekki beitt sömu bolabrögðum til að komast fram fyrir Yamaha eins og þegar þjóðverjar létu bola okkur íslendingum út úr HM í handbolta....
Gæti samt verið að vöntun á sjötta gírnum í FJR1300 hafi aðeins hjálpað BMW hér enda hafa "mótorhjólaprófunarökumenn" verið að setja út á þennan 5 gíra kassa síðustu misserin.

Óli, ekki taka þetta illa upp :
FJR1300 A (Evrópa) er ekki með Up-side down framdempurum en slíkir demparar eru á FJR1300 AE (eins og mínu) og AS gerðin er með rafstýrðum gírkassa að auki (stýrisskipting / sjálfskipting ??).
Í Ameríkuhreppi er FJR1300 A að ég held sambærilegt við Evrópugerðina og svo eru þeir með FJR1300 ES sem mér sýnist sambærilegt við AE í Evrópu en þeir virðast vera hættir að selja hjólið með rafstýrða gírkassanum "AS í USA" enda seldist það víst lítið.

Yamaha - Europe

Yamaha - USA

Kveðja
Arnar

Besta „Sport“ ferðahjólið BMW R1200RT

Undanfarin ár hafa BMW verksmiðjurnar komið með betri og betri mótorhjól í nær öllum flokkum, t.d. eins og S1000R/HP$, K1600GT/GTL og hið þekkta hjól R1200GS. Og í ár hefur R1200RT hjólið verið valið besta „sport“ ferðahjólið. Hjólið er með hinum hefðbundna boxer mótor, er hlaðið alls konar rafmagns/tölvubúnaði þannig að það má nær stilla allt sem hugsast getur, þessi nútíma hjól eru orðin einn stór tölvukubbur og eitthvað bilar þá kemur bara á skjá í mælaborðinu Game Over !! Meðal stillibúnaðar er stilling sem kalla má rennur ekki afturábak í brekku þegar hjólinu er startað í brekku. Það má skipta um gír án þess að kúpla (eitthvað nýtt ??). Þetta hjól á nokkuð langt í land með afl og tog miðað við K1600GT hjólið en er með alveg nóg afl og tog í flest, en ekki má gleyma að K hjólið er með sex stokka. Svo er líka R1200 hjólið léttara, eyðir minna er styttra o.s.frv. Hjólið er mjög stöðugt og „höndlar“ virkilega vel, er létt miðað við svipuð hjól, vigtar um 600 pund með fullum bensíntank. Hjólið er með nýja grind sem gerir hjólið stöðugra í akstri og gefur ökumanni betri tilfinningu fyrir því undirlagi sem hann ekur á. En Adam er ekki alltaf í paradís því einhverjir gallar hafa komið fram í afturfjöðrunarbúnaði, þ.e.a.s. afturdempari eða hluti hans er ekki nógu öflugur fyrir hjólið fullhlaðið, þetta á eingöngu við hjól sem búin eru ESA. En BMW verksmiðjurnar hafi boðið eigendum ýmislegt í staðinn auk afsökunar t.d. aukahluti eða smá endurgreiðslu, sumar aðrar mótorhjólverksmiðjur mættu læra af þessu.





Hvaða hjól kemst næst ofangreindu hjóli jú það er hið gamla góða FJR1300A/ES sem elstu menn muna eftir, það er búið að framleiða það svo lengi að fyrstu hjólin eru komin á Árbæjarsafnið !! En af hverju að vera breyta einhverju sem virkar vel, ef löggan getur notað þetta og já þeir eru hættir með Harley, þá hlýtur þetta hjól að vera gott. Þetta hjól var valið númer eitt í fyrra í þessum flokk með 1300A hjólið, geri aðrir betur. Hjólið er með 1298cc línumótor og búið tölvustýrðri bensíninngjöf Ride By Wire togið er um 90 ft.lb miðað við 6800 snúninga. Beina innspýtingin virkar mjög vel, ekkert hik eða hökt. Hliðartöskur er auðveldlega hægt að taka af. Framrúða er rafmagnsstillanleg, þ.e. til að hækka og lækka, kemur með „krúsi“ og hita í handföngum= hjól fyrir eldri borgara !! Framdemparar eru nýir og eru það sem kallað er Up side down eða inverted og eru stillanlegir á ýmsan máta. Í þessu hjóli eru menn að kaupa langa góða reynslu.





Stolið og stílfært af netinu
Óli bruni