Hér kemur síðasta greinin frá Óla bruna (a.m.k. í bili, engin veit hvað framtíðin ber í skauti)

Sögumaður hefur átt og notað mótorhjól í mjög mörg ár og skemmtilegustu ferðalögin eru sem lengst og þá vill hann helst ferðast einn, en stundum er gott að hafa ferðafélaga ekki rétt. Jæja ferðalagið hefst á góðum sumardeginn, minn maður er búin að yfirfara hjólið sitt, hlaða það farangri þ.e.a.s hliðartöskur, topptösku með tjaldi og svefnpoka þar ofaná, sem og tösku á bensíntank. Hjólið er ekki nein léttavigt lengur, en minn maður er vanur svona ferðalögum með hjólið fullhlaðið.

Eftir að vera búin að vera á ferðalagi í nokkra daga og alltaf gist í tjaldi eins og alvöru menn gera !! Hann stefndi á lítinn bæ sem hann hafði heyrt af, þarna væri gaman að skoða sig um og einnig að fá sér að borða, einnig væri frábær staður að tjalda þar rétt hjá. Jæja í þessum litla bæ fær hann sér að borða, skoðar sig um og að lokum áður en haldið er af stað aftur þá setur hann bensín á hjólið.

Hjólið og hann eru svona fulllestuð á við smábíl svo það fer aðeins að reyna á minn mann þegar hann ekur frekar þröngan málarveg (var óvanur að aka á möl) í átt að sögðu tjaldstæði, húsum fækkar og það er engin á ferli, hann mætir engum bílum, reyndar væri það frekar erfitt. Hann er búin að aka lengra en kortið hafði sagt honum og nú ekur hann upp nokkuð háa brekku og svo allt í einu þá bara endar vegurinn og hann þarf að snúa við á þessum þrönga vegi og þar að auki í halla oh shit.

Jæja vanur maður þetta ætti að vera ekkert mál er það nokkuð, en nei hann tekur þessa u-beygju alltof hægt og fellur á hliðina og það er ekki nóg með heldur rennur hann með hjólinu niður nokkurn hluta brekkunnar, mölin er laus í sér og hann nær ekki að stöðva hjólið. Hjólið og hann stöðvast nokkuð mikið neðar í brekkunni. Minn maður er bölvandi allan þann tíma sem hjólið rennur með honum niður hallann. Jæja hann er óslasaður og hjólið virðist ekki mikið skemmt, jæja svona tvö stefnuljós á Súkkunni skipta ekki svo miklu máli og smá rispur á pústi og bensíntank, allt hægt að laga. Hann skammast sín mjög mikið, hann svona vanur maður !!

Jæja hann reynir að lyfta hjólinu og það gengur ekkert, hann fer að tína af hjólinu og reynir aftur en ekkert gengur. Hann nær hjólinu aðeins upp en missir það alltaf niður aftur, bölvið heyrist örugglega marga kílómetra í burtu. Nú hugsar hann ég þarf hjálp en það er engin umferð svo nú er það gemsinn sem er tekin fram, andskotinn, helvítis, djöfulsins, drul ja þið skiljið: Það er ekkert GSM samband. Hann skammast sín enn meir við þá tilhugsun að labba alla leið til baka að litla bænum til að biðja um aðstoð. En það er ekkert annað í stöðinni. En hann reynir einu sinni enn við helvítis súkkuna og þegar hann er orðin rauður í framan eins og rautt epli af átökunum, þá heyrir hann kvenmanns rödd segja rólega: Vantar þig aðstoð sæti strákur ?

Minn maður sleppir hjólinu eina ferðina og snýr sér að röddinni sem kemur frá fallegri dökkhærðri stúlku sem er klædd í þröngan bol og í stuttubuxum sem og vönduðum gönguskóm. Hún er bara glæsileg á að horfa, hún segir ég er bara í fjallgöngu og sá þegar þú fórst á hausinn og renndir þér á hjólinu niður brekkuna eins og á magasleða !! En það næsta sem minn maður veit er að þessi sæta og alls ekki stóra stelpa tekur af sér bakpokann gengur að hjólinu, snýr sér við þannig að bakið snýr að hjólinu, beygir sig í hnjánum og tekur um mitt hjólið og bara rífur það upp og segir: Þú mátt alveg setja það á standarann og hafðu það í gír !! Þetta gerist allt á nokkrum sekúndum. Nú er minn maður ekki rauður í framan hann er svona fjólublár og stynur upp: TAKK

Ekkert mál segir sú sæta og bætir við: Þið karlmenn eruð svo viðkvæmir er þið þurfið hjálp frá kvenmanni við eitthvað sem þið ráðið ekki við og ég tala nú ekki um “bikera” og hlær svo !! Minn maður sem er um 190cm á hæð um 95 kg og í góðu formi stynur upp: Ég er slæmur í bakinu !! Sú sæta fer að tala um fallegt umhverfi og stundum sé leiðinlegt að ferðast einn, jæja hún ætli sér að gista á tjaldstæðinu hér rétt fyrir ofan bara beint upp þessa litlu brekku. “bikerinn” er svo annars hugar að hann bara setur hjólið í gang, fer að hrúga farangri á það og sú sæta spyr hvort hún geti aðstoðað !! En hvað gerir stóri sterki “bikerinn” jú hann þakkar aftur fyrir aðstoðina og ekur af stað í átt að litla bænum og fer að leita að stað til að tjalda á eða ódýru hóteli og það er ekki fyrr en þá að hann FATTAR hvað sú sæta dökkhærða var í raun að benda honum á þegar hún var að tala um að vera ein á ferð og tjaldstæðið sem hann ætlaði upphaflega að nota !! Já hann hugsar: Ég er alveg HJÁLPARVANA

Sönn saga !

Óli bruni

tekið af  bifhjol.is

Engir tollar lengur á hlífðarfatnað mótorhjólafólks

Það mun hafa komið upp í umræðunni um baráttumál Bifhjólasamtakanna að búið er að fella niður tolla á hlífðarfatnað mótorhjólafólks. Að sögn Einar Magnúsar Magnússonar, upplýsingafulltrúa Samgöngustofu vorutollar afnumdir af fatnaði um áramótin og þar með talið hlífðarfatnaði. Engir sérstakir tollar voru á hjálmum en hins vegar á öðrum fatnaði og skóm, en það mun vonandi leiða til einhverrar lækkunnar á verði á mótorhjólafatnaði í framhaldinu þegar söluaðilar fara að panta inn nýjan fatnað með vorinu. 

Hér er næst síðasta óbirta greinin frá Óla bruna

Nú er öruggt að allavega margir halda áfram að lesa er það ekki ??!! En er ekki að öllu jöfnu gaman að sjá sumt nakið (spurt eins og sálfræðingur !!), Jú er nokkuð öruggt svar hjá mörgum því hvað hafa menn/konur í huga þegar svona er spurt. Í þessu tilfelli erum við að tala um Yamaha XSR900 sem er nakinn græja í café racer stíl, þetta er 115 hestafla græja, sem er þriggja strokka. Það er nokkuð öruggt að það er hægt að segja að Yamaha hefur hitt naglan á höfuðið í hönnun þessa hjóls. Það er virkilega flott að horfa á (nakið!!), er svona með “retro” útlit og síðan er hægt að kaupa á það alls konar aukahluti og gera það þannig að þínu og hver vill virkilega orginal hjól með sama útliti og öll hin, sem og að ekki skemmir verðið (erlendis!).

Hjólið er sagt “höndla” virkilega vel já beint úr kassanum. Það heldur vel línu sinni þó tekið sé hressilega á því útúr beygjum, jafnvel þó vegur sé ósléttur og það lætur þig vita hvað er í raun að gerast og svarar vel öllu sem því er boðið ef segja má svo. Fjöðrun er sögð góð og þá sérstaklega miðað við verð, sama með bremsur, en hjólið kemur með ABS. Blaðamenn gefa því fimm í einkunn af fimm mögulegum vegna aksturseiginleika sem og hemla.

Eins og áður sagt þá er mótor þriggja strokka 847cc og skilar 115 hestum miðað við 10.000 snúninga, tog er sagt 64.5 fet.lbs. miðað við 8.500 snúninga. Það er bein innspýting og hún virkar vel í nær öllum gírum þó hægt sé ekið í háum gír, en hjólið er sex gíra. Blaðamenn gefa mótor næstum hæðstu einkunn eða fjóra af fimm mögulegum ekki slæmt það.

Allur frágangur og útlit fær hæðstu einkunn eða fimm af fimm mögulegum, sem er ekki alltaf raunin þó hjólin komi frá Japan, t.d. það sem er yfirleitt úr plasti á mörgum hjólum í þessum verðflokki er úr áli á XSR900, semsagt flott græja. Hjólið er búið ABS og inngjöfs stýringu, með þrjá stillimöguleika, sem og átaksstillingu til afturhjóls og sú stilling gefur þér tvo möguleika, þannig að engin ætti að fara á hausinn en geta samt tekið einn Bacon (prjóna) þegar þú vilt. Hér semsagt á ferðinni frábær nakinn græja. Lesa má hér að neðan þetta tæknilega.

Stolið og stílfært af netinu

Óli bruni

2016 Yamaha XSR900 Specs 
Engine: 847cc liquid-cooled Inline Three,
12-valve, DOHC
Bore x Stroke: 78.0 x 59.1mm
Compression Ratio: 11.5:1
Fueling: Fuel-injection
Transmission: Six-speed
Clutch: Wet multi-plate; cable actuation
Final Drive: Chain; 16/45 gearing
Frame: Twin-spar aluminum
Front Suspension: KYB 41mm inverted fork with spring preload and rebound damping adjustment; 5.4 inch travel
Rear Suspension: KYB gas-charged shock with spring preload and rebound damping adjustment; 5.1 inch travel
Front Brakes: 298mm discs with Advics four-piston calipers w/ ABS
Rear Brake: 245mm disc with single-piston caliper and ABS
Tires: Bridgestone Battlax S20 120/70-17, 180/55-17
Curb Weight: 430 pounds (claimed, ready to ride)
Wheelbase: 56.7 in.
Rake/Trail: 25.0 degrees / 4.1 in.
Seat Height: 32.7 in.
Fuel Tank: 3.7 gallon
MSRP: $9,490 (Matte Gray), $9,990 (60th Anniversary Yellow & Black)
Warranty: One year, unlimited mileage

Enn einn Hippi

og þessi er frá USA

Indian Scout Sixty 2016

(ath. þessi grein er ferkar stutt og er sérstaklega hugsuð fyrir þá sem voru í Flensborg)

Margir segja að Indian sé í raun mikið merkilegra mótorhjól sögulega séð en Harley Davidson, ja allavega búið að fara á hausinn nógu oft !, en Harley var bjargað á sínum tíma af AMF (eða eyðilagt á tímabili). En snúum okkur að hjóli dagsins sem er Scout Sixty hjólið frá Indian og þó sumir segi Bigger is better þá ákvað Indian að fara hina leiðina því þetta hjól er með 999cc mótor en sá gamli var 1133cc (enn notaður í stóra bróðir). Þetta hjól er með hið hefðbundna Hippa útlit, þ.e.a.s. V-mótor og skiptipedali sem og afturbremsa framarlega á grind og stýrið er frekar hátt.

Þrátt fyrir þessa “afturför” þá er hjólið sagt í raun skemmtilegra í akstri en fyrri útgáfa og jafnvel flottara, einnig hefur verðið lækkað og hvað vilja menn meira, því það er hægt að kaupa aðrar útgáfur af Indian hjólinu með stærri mótor. En ekkert af þessum Indian hjólum er sporthjól nei þetta eru Hippar í ýmsum útgáfum og þessi hjól eru hugsuð til að “krúsa” með iljar beint uppí vindinn og hendur hátt uppi. En hafðu ekki áhyggjur því þú kemur þessari græju hraðar en 100 mílur og er örugglega þægilegur hraði á svona græju !! Aflið er sagt 78 hestar og togið 65 pund fet. Togið er það gott að þú ferð flestar brekkur í efsta gír og þá með farþega.

Hver er munurinn á Scout og Scout Sixty, fyrir utan mótorstærð, jú Sixty hjólið er meira og minna með svörtum mótorhlutum, sem og felgur og jafnvel lofthreinsari og grind. Svo spara þeir með vinil sæti frekar en leðri, Sixty hjólið tapar einum gír er fimm gíra í stað sex og jú svo eins og áður sagt minni mótor. Heilabúið (tölfustýringar) eru nær þær sömu en “prógrammaðar öðruvísi. Hjólið er með beinni innspýtingu. Við að fækka gírum þá segja þeir að hjólið titri aðeins meir í hæðsta gír sem er eðlilegt því það snýst að sjálfsögðu meira en sex gíra græjan í sjötta gír. Sixty hjólið er að snúast um 3700 snúninga á 70 mílum.

Fjöðrun er sögð nokkuð góð og hefur batnað verulega frá fyrri árgerðum, eldri hjólin voru með alltof mjúka fjöðrun var sagt. Sixty græjan er sögð skemmtileg í akstri fari vel með ökumann og þó ótrúlegt sé þá má halla því nokkuð vel í beygjum, en samt mætti fjöðrun vera enn betri, já það má alltaf bæta sig ekki satt ?? En þessi hjól eru miðuð við að útlit þeirra selji=töff hippi, ef þú ert að leita að hraða og miklum látum þá færðu þér Súkku Bandit og helst bláa !! Lesa má miklu meira um hjólið á internetinu en ég tel að myndir selji þessa græju frekar en einhverjar tæknilegar “spekkur”.

Fengið lánað af netinu

Óli bruni

Allir “alvöru” mótorhjólamenn muna eftir þessum bókstaf þ.e.a.s. Z-unni sem var fjarlægð úr íslensku máli vegna mikils þrýstings frá Honda verksmiðjunum (alveg satt) vegna þess að þegar Kawasaki Z1 kom til sögunnar árið 1972 þá leit Honda CB750 út eins og gamall breti bæði í útliti sem og afli !!! (já já Honda var fyrst með superbike). Jæja þá eru aðdáendur/eigendur gamalla breta sem og CB750 hættir að lesa svo við getum þá snúið okkur að verkefni dagsins Kawasaki Z 800.

Kawasaki verksmiðjurnar vöknuðu til lífsins fyrir ekki löngu því að “nakta” sporthjólið frá Yamaha sem heitir FZ-09 hefur selst eins og aðgangur að hugmyndum Pí-rata (uss enga pólitík). En eins og áður sagt er FZ-09 hjólið virkilega vel heppnað “nakið” sporthjól. En Z800 hjólið er svo sem ekki alveg ný hugmynd því það var kynnt til sögunar í Evrópu árið 2013 og hefur verið með því söluhæðsta hjá Kawasaki, svo það er nokkuð öruggt að 2016 útgáfa af hjólinu er enn betur heppnað og ekki spillir verðið segja þeir.

Mótorinn í græjunni er fjögurra strokka í línu 806cc vatnskæld og sögð mjög svo “mjúk”, með mjög gott tog miðað við stærð mótors, tekur hressilega við sér við inngjöf, kúpling sem og sex gíra kassi vinna vel saman ef segja má svo. Áseta er þægileg fyrir nær alla, þó sætið sé frekar stíft, ekki má samt gleyma að þetta er sporthjól, hjólið er “mjótt” um mittið og hné leggjast vel að bensíntank, sætishæð er 32.5 og ættu flestir að ná þægilega niður. Þó mótorinn sé sagður svona frekar þýðgengur þá fer nokkuð að finnast fyrir titring þegar menn snúa græjunni uppfyrir 6000 snúninga en útsláttur er við 12000 snúninga og hjólið togar vel í, allt að útslætti. Hjólið tekur alltaf vel við sér þegar gefið er í útúr beygjum og lítið mál að spara framdekkið “ala” Bacon, en Ztan er samt ekki eins hress og FZ-09 Yamminn, það þarf aðeins að nota kúpplinguna til að prjóna hressilega.

Framdemparar eru KYB inverted/upsidedown, en ekki er hægt að segja að fjöðrun hjólsins sé af dýrari gerðinni en dugar þó alveg, bæði fram og afturfjöðrun er stillanleg í báðar áttir. Hjólbarðar eru Dunlop Sportmax D214 og þeir virka vel á þessu hjóli, bremsur eru frá Nissan og hjólið kemur með ABS (allavega það sem prufað var). Eins og áður sagt er þetta ekki ný græja en þó samt að miklu leiti. Sagt er að eftirmarkaðurinn bjóði uppá alls konar aukadót fyrir hjólið. Já stærðin skiptir ekki öllu máli er það ?! En þessi Kawi sannar það að margur er knár þó hann sé smár sem og auðvitað eins og allir vita er Kawasaki lang besta japanska hjólið er það ekki eða var það Suzuki ?! (man ekki hvað formaður vor sagði !!). Lesa má nær allt tæknilegt hér að neðan.

Svona til upprifjunar þá örfáir punktar sem við auðvitað vitum öll um !! en góð vísa er aldrei of oft kveðin er það nokkuð ??!!

1. 1.Að vera öruggur á hjólinu er ekki bara að vera góður hjólari sem fylgist vel með öllum öðrum í kringum sig þegar hann ekur hjólinu sínu, nei það þarf líka að hugsa vel um hjólið sitt með einföldu eftirliti á græjunni áður en lagt er í hann, t.d. loft í hjólbörðum, ástand hjólbarða, mæla olíu, athuga ljósbúnað sem og barka þar sem það á við.

1. 2.Að reyna hjóla hraðar en miklu betri hjólamenn ehh nei !!. Þú sjálfur ættir að vita manna best hvað þú getur og það er í raun heimska að reyna eitthvað sem þú ræður bara ekki við. Við getum flest okkar hjólað mjög hratt á beinum vegi, en ef hindrun eða beygja verður á vegi okkar getur ýmislegt farið á annan veg en áætlunin er. Keppnisharka er af hinu góða ef þú ræður við aðstæður og hraða, svo ein góð regla; “ekki taka meira uppí sig en þú getur tuggið” !!!

1. 3.Að aka hægt og þá mjög hægt er alls ekki eins auðvelt og við höldum. Nei það er nokkur kúnst að halda inngjöf réttri - láta kúplingu taka rétt - sem og að getað  notað hemla og haldið jafnvægi. Í mikilli umferð gerist þetta oft og verður oft þreytandi, því sjáum við oft hjólamenn með lappirnar niðri og láta þær svona dragast með jörðinni til að halda jafnvægi. Því er keppt í þessu og það er mjög góð æfing fyrir okkur öll að æfa sig í því að aka mjög hægt.

1. 4.Að kunna að taka vinstri beygjur af öryggi á akvegi sem er með merkta miðjulínu getur verið hættulegt ef þú hugsar ekki um hvað þú ert að gera. Hvað er átt við þarna ?? Jú þú hallar þér inní vinstri beygju og hjólið er innan við hvítu línuna en þú hallar þér hressilega yfir hana og ert þannig komin yfir á hina akreinina allavega með efri hluta líkama þíns og höfuðið, svo kemur annar jafn góður á móti og hvað ?? Já jafnvel stórt ökutæki.

1. 5.Að hugsa um þá sem eru fyrir framan þig og þá um leið þitt öryggi með því að aka alls ekki of nálægt næsta ökutæki. Við þekkjum öll hverning á að hjóla í hóp ekki rétt og flestir gera það rétt, en svo eru það hinir sem hanga beint fyrir aftan þig og þú sérð viðkomandi aldrei í speglinum. Reglan er að þú sjáir alltaf hjálm þess sem á undan fer í spegli hans því annars sér hann þig ekki. Það þarf einnig að huga vel að þessu þegar við ætlum að taka framúr, ekki fara of nálægt ökutækinu sem er fyrir framan þig, gefðu þér pláss og þú sérð þannig einnig miklu betur til umferðarinnar á móti.

1. 6.Þetta atriði er eiginlega að mörgu leiti það sama og það sem sagt var hér á undan, passa sig að vera alltaf sjáanlegur bæði fyrir þá sem aka á undan þér sem og þá sem koma á móti. Litur mótorhjóla búnaðar þ.e. sá búnaður sem hjólamenn klæðast var til margra ára bara keyptur í einum lit: Svart, en sem betur fer hefur þessi tíska tekið miklum breytingum og litagleði er af hinu góða, þeim fjölgar líka sem nota gul vesti með endurskyni: Betur sjáanleg !

1. 7.Að aka framúr framljósi sínu !!! Hvernig er það nú hægt ??!! Jú þú horfir fram á veginn lengra en framljósið þitt lýsir. Það býr margt í myrkrinu ekki rétt og það sem þú sérð ekki getur verið þér hættulegt, því ætturðu að halda þér innan þess svæðis sem þú sérð greinilega. Þú getur æft þig í að hemla á því svæði sem þú sérð greinilega. Reyndar gerum við alltof lítið í því að æfa okkur að hemla hressilega, allavega innan þeirra marka sem þú ræður við án þess að fara á hausinn, sem betur fer er ABS orðið algengt á hjólum og koma þannig oft í veg fyrir að menn læsi framdekki og fari á hausinn.

1. 8.Að láta fagmann yfirfara hjólið sitt reglulega er í raun mjög svo gáfulegt, nema að þú sért jafn klár og fagmaðurinn og það erum við mörg okkar. Mest af þessu er einfalt að miklu leiti t.d. að smyrja keðju – skipta um olíu og síu – skipta um hjólbarða – athuga olíu á drifi (ala BMW) – smyrja barka - sem og að skipta um bremsu og kúplingsvökva þar sem það á við – skoða pakkdósir á framdempurum o.s.frv.. Ef þú ræður ekki við eitthvað af þessu þá fá fagmann í verkið eða góðan vin sem örugglega kann þetta.

Við kaupum okkur dýr hjól en tímum oft ekki að halda þeim við og sköpum þannig hættu fyrir okkur sjálf og aðra í umferðinni. Verðum best í öllu sem við gerum ekki rétt eða allavega gerum okkar besta.

Endurtekið efni í nýju orðalag stolið og stílfært að vanda (allavega sumt).

Óli bruni.

Hverjum langar ekki í BMW ? Ég þekki allavega einn til tvo, en Bimminn er í flestum tilfellum skemmtilegt hjól og þetta hjól sem við ætlum að fjalla um er annar af tveimur Bimmum sem mig myndi langa í hinn er hin útgáfan af R nine T. En svona okkar á milli í algjörum trúnaði !! þá hef ég eins og allir átt leiðinleg mótorhjól (reyndar bara tvö “leiðinleg” hitt var frá Harley) og eitt þeirra var BMW en það er nú allt önnur og gömul saga.

Saga segir okkur að þegar við erum komin á vissan aldur þá horfum við til fortíðarinnar og kannski má segja svo að BMW menn séu að því eins og fleiri verksmiðjur og það er auðvitað útaf því að kúnninn horfir til baka og vill fá að upplifa ungdóminn aftur og aftur !! Þetta nýja hjól þ.e.a.s. 2016 árgerðin af R nineT Scrambler virðist falla að hugmyndum markaðarins um hvernig mótorhjól ætti að líta út, en þetta hjól er í raun breytt úgáfa af R nineT hjólinu sem kom á markaðinn fyrir ekki löngu og er svona í Café Racer útlíti og það hjól tel ég vera frábærlega vel heppnað.

Þessi nýi Scrambler leitar langt til baka í útliti að miklu leiti, jafnvel baka til áranna uppúr 1950 og allt til 1980, því á þessum árum voru framleidd hjól af ýmsum framleiðendum sem litu út eins og þau gætu verið notuð í utanvega akstur, sem sumir gerðu en voru í flestum tilfellum venjuleg götuhjól með uppliggjandi pústi, þarna má telja hjól eins og Norton (Matchless) P11, Norton Commando S og SS (byrja á því besta !!!) hjól frá Ducati, Triumph og ekki má gleyma öllum Scrambler útlítandi Hondunum ofl. ofl.

En það er öruggt að BMW fer ekki aftur í tímann tæknilega því þessi nýi Scrambler er nýtt hjól frá grunni með þeim búnaði sem hjólamenn krefjast í dag þó hugsað sé til baka í þá gömlu góðu daga með útlitið !! En samt ef við horfum á framenda þessa hjóls þá sjáum við hefðbundin framgaffal með gúmmíhosum og 19” framfelgu, frekar lítinn bensíntank að sjá með innfellum fyrir hné okkar. En eins og alltaf er það “classic” boxer mótorinn sem vekur alltaf mestu athyglina, en þetta fellur samt saman í eina flotta heild eins og við má búast frá BMW.

Stýrið liggur vel fyrir okkur og er ekki of hátt eða of breitt en fótpedalar eru staðsettir þannig að þú situr frekar svona: Fram/aftur heldur en alveg uppréttur og því er þetta hjól frábært í akstri í þröngum beygjum á góðu malbiki, en þú getur samt staðið uppréttur ef vegur er holóttur og erfiður yfirferðar, þessi græja verður samt aldrei neitt alvöru utanvega farartæki frekar en Scrambler frá Ducati eða Triumph. En horfum aðeins meir á útlitið og þá blasir við okkur frábærlega hannað pústkerfi og það gerist ekki oft þessa dagana beint frá verksmiðju að pústkerfi séu vel heppnuð í útliti.

Grind hjólsins er stálpípu gerðar og er vel heppnuð í svona anda Ducati ef segja má svo, ekki leiðum að líkjast !! Partur af grindinni er mótorinn sjálfur eins og á ofangreindu hjóli. Taka má farþega sætið af Scramblernum og þá virkar hjólið svona meira “röff”. Þetta hjól kallar á að því sé breytt eftir hugmyndum eiganda (uss hver vill ekki “orginal”), já þessi græja er eins og óklárað málverk. Að framan er hjólið búið tveimur bremsuklossum frá Brembo og eru þær fjögurra stimpla, diskar eru 320mm, en að aftan er einn 265mm diskur og hjólið kemur að sjálfsögðu með ABS, en ekki er hægt að breyta stillingum vegna ABS kerfisins og það mætti koma á næstu árgerð segja blaðamenn mótorhjólablaða. En við eigum ekki að vera tölvustýrðir við erum karlmenn sem getum tekist á við aðstæður eins og þær liggja fyrir okkur dag hvern ekki rétt !!!!!

Framdemparar eruu 43mm og ekki mikið hægt að stilla þá og því mætti einnig breyta segja sumir. Að aftan er gafallinn bara öðrum megin eins og oft á BMW og hann er úr áli, er með einum dempara og er stillanlegur í báðar áttir. En eins og áður sagt fjöðrun þessa hjóls er fyrir malbikið ekki torfærur. Hjólbarðar eru frekar grófir en henta samt vel á sléttu malbikinu. Vélin er 1170cc og þvermál stimpla er 101mm en slaglengd er 73mm, afl er gefið upp 110 hestar miðað við 7800 snúninga og tog er 88 pund fet á sexþúsund snúningum. Hjólið kemur með sex gíra kassa og hann virkar vel með þessum frábæra mótor. Mótorinn er að sjálfsögðu með beinni innspýtingu. Hjólið er sagt komast í rúmalega tvöhundruð, en það skiptir engu hér á landi er það nokkuð !!?

Það er ekki leiðinlegt að geta valið um nokkra Scramblera frá allavega þremur framleiðendum þ.e. Triumph sem reyndar virðist ætla að selja nýja Bonneville hjólið á þann máta að þú bara breytir hjólinu sjálfur í Scrambler með nýju pústi, sæti o.s.frv. og það verður líka spennandi að sjá hvað nýja Bonnie 1200cc vatnskælda hjólið frá Triumph gerir, svo er það Ducati Scrambler hjólið sem er bara flott en er frekar lítið fyrir minn smekk þegar maður sér það “life”, nýji Scrambler frá BMW á örugglega eftir að gera “lukku” bara spurning með verð, því þú færð varla ódýran bimma. Hér að neðan má sjá “spekkur” bimmans og skoðið hvort allt sé rétt í þeirri upptalningu þ.e. miðað við ljósmyndir, hann Gulli okkar veitir verðlaun fyrir þann sem getur bent á það (kaffi og kleina !!).

Stolið og stílfært af netinu:     Óli bruni

tekið af mbl.is

Auðvelt er að ná hjálm­in­um af þegar neyðar­til­vik

koma upp.

 

www.vozzhel­mets.com

Löng mótorhjólaferðalög eru góð fyrir heilsuna

“ekki spurning”

(ATH. hátíðlegar hugleiðingar um ofangreind ferðalög ! Lestur getur leitt til svefndoða !!)

Hvort sem um er að ræða ferðalag 23 ára gamals læknanema frá Argentínu sem fór um alla Suður Ameríku á eins strokka 500cc Norton og gerði það ferðalag frægt með bókinni Motorcycle Diaries eða aðrar góðar ferðasögur á mótorhjóli þá er það ekki spurning að þessi ferðalög hafa áhrif á þrennt a.m.k. Slökun - sjálfskoðun og endurhleðsla ef segja má svo !! Í svona ferðalögum þar sem þú þarft að treysta á sjálfan þig og græjuna sem þú ferðast á þá lærir þú margt um sjálfan þig og ef þú ferðast með öðrum þá lærir þú mikið um ferðafélaga þína.

En hvers vegna ætti ég að fara í mótorhjólaferðalag ? Þú átt að fara í gott ferðalag vegna þess að:

Mikið af skemmtilegum sögum:

Meðan við ferðumst verður á vegi okkar oftast mikið af ókunnu skemmtilegu fólki, við sjáum alltaf eitthvað nýtt, við borðum flest okkar öðruvísi mat, við skemmtum okkur þegar kvölda fer alltaf á nýjum stað. Þarna er aðeins lítillega farið yfir þau atriði sem verða á vegi okkar, en við munum lifa á þessu til æfiloka, því að kynnast náttúrunni sem og þeim sem við hittum er bara allt öðruvísi þegar ferðast er á mótrhjóli.

Við lærum að þekkja okkur sjálf miklu betur:

Að fara í lengri ferðir á mótorhjóli og þurfa að treysta á sjálfan sig að mestu leiti kennir okkur flestum mikið um okkur sjálf. Það kemur oft fljótlega í ljós á svona ferðalögum hvað mann þú hefur að geyma, hvort sem þú ferðast einn eða með öðrum. Þú kemst fljótlega að því hvort þú hafir tekið alltof mikið með þér af búnaði eða alltof lítið, hvort sem það er, þá er það lítið mál því oftast má bara kaupa nýtt eða þvo það sem er óhreint. Flestir taka alltof mikið með sér í sitt fyrsta langa mótorhjólaferðalag. Þarftu að fara í bað daglega ? Geturðu sofið í sama herbergi og margir aðrir, eða kemur tjaldnotkun ekki til greina. Það má lengi telja en margir segja að það sem reynir mest á menn eru ferðafélagar t.d. þegar þú hefur aldrei ferðast með viðkomandi ferðafélaga og ekkert hefur verið ákveðið fyrirfram, ekki hvernig og hvar á að gista, hvar á að borða og svo hver leiðir ferðina o.s.frv. Margir hafa vaknað upp við vondan draum þegar í ljós kemur að ferðafélaginn er bara fúll á móti ef ekki er farið eftir hans hugmyndum um allt og ekkert, t.d. það ekið of hægt of hratt, of stutt á milli hjóla ofl. Gist á röngum stöðum, matstaður ekki rétt valinn. Hefur ferðalagið heppnast eftir að hafa ferðast með öðrum ? Ef spurt er: Hvernig var ferðin og myndurðu fara aftur með þessum ferðafélaga þá er oft bara öðru atriðinu svarað. En af þessu öllu lærir þú mest á sjálfan þig og lífið er sem og mótorhjólaferðalög er einn stór gagnabanki þar sem þú lærir á sjálfan þig og í leiðinni er þetta besta skemmtun í heimi.

Þeir sem þú munt hitta á ferðalagi þínu:

Það eru ekki til neinar leiðbeiningar í raun hvernig þú átt að koma fram við þá sem þú hittir á ferðalagi þínu, þetta á oftast við ferðalög á erlendri grund, þú verður bara að læra allt svoleiðis með eigin reynslu. En að fara í langt ferðalag mun alltaf verða mikil upplifun og allir ættu að fara í svoleiðis ferðalag allavega einu sinni á æfinni. Þessi ferðalög eru yfirleitt ekki ódýr og tala nú ekki um ef þú býrð á eyju útí ballarhafi. Ferðin þarf oftast að vera nokkuð vel undirbúin og þá sérstaklega ef nokkrir ferðast saman, en það sem lagt er fram í peningum sem og undirbúningsvinnu, er borgað margfalt til baka með skemmtilegri upplifun og minningum sem lifa með þér til loka.

Ferðalagið mun örugglega gera þig að sjálfstæðari einstaking:

Þetta á bæði við hvort sem þú ferðast einn eða með öðrum, en á meira við ef þú ferðast einn. Ef þú ferðast einn þarftu að taka allar ákvarðanir einn og sjá einn um hjólið þitt sem og annað sem þú tekur með þér. Gæturðu treyst ókunnum fyrir hjólinu þínu og farangri meðan t.d. að þú skreppur eitthvað til að borða eða annað og þér sýnist þú vera staddur í svona frekar vafasömu umhverfi ? En sagt er að öll svona reynsla skerpi bara meðvitund þína á umhverfi þínu sem og þeim sem þú kemst í kynni við. Að ferðast einn hefur líka marga kosti þú ræður hvort þú hjólar langt eða stutt, á hvaða hraða (löglegum), hvar á að gista, hvað á að borða og hvenær o.s.frv. Sem sagt þú ert þinn eigin húsbóndi.

Þú lærir á hjólið þitt:

Á lengri ferðalögum gætir þú þurft að strekkja keðju (já ég veit um Bimma með bílaskaft), skipta um kerti, perur, jafnvel bremsuklossa, já ekki má gleyma olíu og síuskiptum. Auðvitað vitum við það að þetta kunna allir ekki rétt ! En að gera við bilanir á nútíma hjólum er allt annað því oftast þarf einhvern tölvubúnað sem segir manni svo aftur að hjólið sé bilað !! En ekki er slíkur búnaður tekin með. Þá er eins gott að vita um næsta umboð eða einhvern sem gæti lagfært græjuna. Þess vegna er mikilvægt að yfirfara hjólið vel áður er lagt er í hann t.d. olíuskipti, hjólbarðar nýlegir og með réttum loftþrýsting, smyrja það sem smyrja þarf sem og barka, keðju og ef hjólið er ekið nokkuð marga km. þá að skoða vel ástand keðju og tannhjóla. Hlaða hjólið ekki of mikið af farangri og huga vel að því að fljótlegt sé að taka farangur af sem og að setja hann á. Semsagt læra vel á hjólið sitt áður en lagt er í hann, en svo sem ekkert að því að læra meira á græjunar á ferðalaginu. Ekki gleyma þeim búnaði sem þú ætlar að klæðast að hann henti vel til ferðalagsins.

Þú munt heimsækja staði sem þú taldir vera utan þinna marka:

Þröngar götur og sund eru oftast engin hindrun þegar þú ekur mótorhjóli og þannig kemstu á staði sem þú hefðir aldrei farið á bifreið. Síðan getur þú lagt hjóli þínu eiginlega hvar sem er án þess að verða fyrir því að fá sekt eða hjólið dregið í burtu en þetta gerist þó svo það er eins gott að skoða vel umhverfi sitt þegar þú leggur hjóli þínu, því sagan segir okkur að menn hafa komið frá því að bara að borða og hjólið er horfið, en því var ekki stolið nei það var bara bannað að leggja græjunni þarna og hún fjarlægð af einhverri dráttarbifreið. Sumir eru heppnir og aðrir hjólamenn hafa fært hjólið þitt á öruggan stað. En það miklu meira jákvætt við það að aka mótorhjóli heldur en hið andstæða.

Niðurlag:

Þessi skrif eru orðin líkari ritgerð meira segja ég er farin að “drepa tittlinga” (þið þessir eldri vitið hvað þessi setning þýðir) en ykkur til skemmtunar þá bendi ég á tvö ferðalög sem gerðir voru þættir úr og gaman að þeim báðum þó sumt sé svona “feik” í sumu þ.e.a.s. að menn séu alveg einir á ferð og verði að bjarga sér sjálfir, en þessir skemmtilegu þættir eru Long Way Round og Long Way Down. Benda má á að í seinni seríunni þá blanda eiginkonur ferðalanga í málið og þá vitið þið hvað gerist. Hvernig er hægt að bera saman að ferðast á bifreið eða mótorhjóli, nei það er bara ekki hægt, nei engin samanburður, eina sameiginlega er það að hugsanlega koma bæði tækin þér á áfangastað. En gleymum ekki einu það er ekki vegalengdin sem farin er, nei það er ferðalagið sjálft. Öfugt við marga aðra þá spyrja margir íslenskir mótorhjólamenn oft um hvað margir KM voru eknir en ekki hvort það hafi verið gaman. Jæja svo nú er bara að skipuleggja næsta mótorhjólaferðalag til fjarlægra landa ekki rétt.

Andlegra hugleiðingar stolnar héðan og þaðan:

Óli bruni

Markaðurinn fyrir þessi svokölluðu alhliða mótorhjól fer stækkandi með hverjum degi þ.e.a.s. hjól sem má nota jafnt á malbiki sem á grófum malarvegum, svona græju sem hentar bæði vel í Reykjavík (holubæ) og á Kjalvegi. BMW R1200GS hjólið hefur í raun átt þennan markað að miklu leiti og þessi “ódýri” bimmi hefur selst eins og heitar lummur um allan heim. Honda hefur ekki mikið sótt inná þennan “dual” markað undandarin ár en nú verður breyting á með tilkomu gamals vinar: CRF 1000L Africa Twin og það er ekki dónaleg endurkoma.

Þetta hjól var hannað af Hondu með tvö orð í huga FER ALLT. Og það má sjá á hjólinu að markmiðinu virðist vera náð. Þótt hjólið virðist geta farið yfir nær flestar ófærur þá er það ekki mjög hátt í sæti og þyngdarpunkturinn er neðarlega. Mótorinn er tveggja strokka (paralle twin) 998cc. Afhverju ekki V mótor ? Jú með þannig mótor hefði hjólið orðið of langt segir Honda, sem og að með þessum mótor verður hjólið “grant” um mittið ef segja má svo. Hönnun mótors sækir mikið til hefðbundinna “drullumallarra”, með alls konar vigtarendum á hreyfanlegum hlutum innan mótors, mýkra átak minni titringur.

Honda kynnti hjólið til sögunnar á viðeigandi stað þ.e.a.s. í suður Afríku á lokuðu svæði sem hugsað er fyrir veiðimenn sem vilja skjóta villt dýr löglega. Mótorhjólablaðamenn frá hinum ýmsu mótorhjólablöðum var boðið að prufa hjólið í tvo daga (ég sá reyndar enga mynd af Njáli ökukennara/blaðamanni !). Blaðamenn sögðu strax við fyrstu prufur að hjólið væri alveg sérstaklega meðfærilegt við flestar aðstæður, en byrjað var á malbiki síðan malar og moldarvegum. Mótorinn togar virkilega vel frá lágum snúning, titrar nær ekkert þó hressilega sé snúið uppá rörið. Hjólið slær ekkert slöku við þó tveir sitji á því og vel fer bæði um ökumann og farþega. Hjólið liggur virkilega vel í gegnum beygjur þó undirlag sé laust í sér, en ekki reyndi eins mikið á hjólið á malbikinu því án gríns þá svona flaut það vegna hita þegar hjólið var prufað, ja hérna þetta gerist líka annars staðar en á Íslandi !!!! Búum við þá í vanþróuðu landi ??!! Hjólið vigtar um 503 lbs. og uppgefin hestöfl eru 94, þannig að þetta er ekki nein CBR1000RR Honda.

Hjólið kemur með ABS sem og átakstýringu í afturhjól og allt stillanlegt miðað við aðstæður, t.d. bara hægt að hafa ABSið á afturhjólbarða og þetta ABS kerfi kom mönnum vel á óvart hvað það virkaði vel í möl og lausu undirlagi, öfugt við mörg önnur mótorhjól með ABS. Tölvustýrða átakskerfið í afturhjól er með fjórar stillingar: O.Af – 1.sport og þá rennur hjólið til að aftan í hressilegri inngjöf og grípur lítið inní – 2. Heldur þér nokkuð frá því að fara á hausinn en samt smá spól – 3. Þú mátt bara ekki gera neitt spennandi! Þessi búnaður þ.e. bæði ABS og spyrnuátakið (traction control) er einfaldur í notkun. Hondu hönnuðir lögðu nokkuð mikið á sig í því að hjólið tæki sem minnst vind á sig, hvort sem það er á hlið eða að framan. Vindhlífin þ.e. glerið veitir þér góða vörn og í raun of góða því ökumaður þurfti að standa upp þegar það rigndi því ekki var hægt að sjá yfir gler sitjandi.

Eftir hvern dag gátu blaðamenn spurt þá sem þekktu hönnun hjólsins, því Honda í allri sinni japönsku nákvæmni (lærðu þetta af Englendingum !) höfðu fengið þá sem eins og áður sagt hönnuðu hjólið frá A-Ö á staðinn til að svara öllum spurningum fagmannlega. T.d. svaraði einn aðalhönnuðirinn spurningum um hvað það væri sem gerði hjólið svona gott í meðförum við flestar aðstæður: Þrjú aðal atriði sagði hann: Grindin þarf að vera nógu stíf en ekki of stíf-hlutföl milli mótors og grindar þ.e. að mótor taki ekki of mikið pláss sé partur af grindinni – því er mótorinn festur í grindina á sex stöðum. Miðað við spurningar og svör prufuökumanna blaðanna þá sagði þessi hönnuður að nær öllum atriðum hefði verið náð og hjólið fengi nærri því 10 í einkunn ekki leiðinleg niðurstaða í nýhönnuðu hjóli, því oft er sagt að kaupa aldrei fyrstu árs framleiðslu af nýju hjóli.

Hjólið er með stillanlega fjöðrun bæði framan og aftan og jafnvel verksmiðjustilling virkaði vel við flestar aðstæður og misjafna þyngd ökumanna. Mjög gott er að standa á hjólinu þegar ekið er yfir ójöfnur því jafnvel standandi liggur stýrið vel fyrir flestum ökumönnum sem og hjólið er mittismjótt eins og áður sagt, stýrið leggur vel á svo hægt er að aka hægt í gegnum krappar beygjur án fyrirhafnar. Africa Twin hjólið er boðið velkomið aftur þín hefur verið saknað sögðu blaðamenn, Bimminn má fara að vara sig því: There is a new kid in town !! En hér að neðan má sjá tæknilegar “spekkur” sem og kosti og galla, því jafnvel Honda framleiðir ekki gallalaus hjól (úff ætli vinur okkar Tryggvi Bacon í Eyjum hafi heyrt þetta).

Stolið og stílfært af netinu

Óli bruni