Gunnlaugur Harðarson

Gunnlaugur Harðarson

Saturday, 09 January 2016 10:47

BMW R 1200 RS 2016

Gleðilegt ár og þakka það liðna.

 

 

 

Jæja þá er komið að fyrstu grein minni fyrir árið 2016 og vegna mikilla skrifa á heimasíðu vora um að það sé bara fjallað um bresk mótorhjól (breskt er best !!!) og orðið SKO sé ofnotað þá reyni ég mitt besta að verða við óskum ykkar um að skrifa um eitthvað annað en breskt, reyndar svona okkar á milli vildi formaður vor að aðeins yrði skrifað um Súsúkkí, en sjáum til hvort þessi grein verði að veruleika á heimasíðu vorri !!

 

 

 

BMW R 1200 RS 2016

 

Förum nokkur ár aftur í tíman ja svona ca. fimmtán ár og sjáum hvað framleiðendur mótorhjóla voru að bjóða okkur þá, jú allavega eina týpu af hjóli sem hentaði vel í hraðan akstur í gegnum beygjur en samt gott til ferðalaga með jafnvel farþega og farangur. En með árunum hefur þessum tegundum hjóla í raun fækkað, en áður en lengra er haldið þá veit ég að sumir sem nenna að lesa þetta munu segja: Það er alveg hægt að ferðast á t.d. Súkku GSXR1000 með farþega og farangur, jú eflaust rétt en ég ætla ekki að ræða þau þægindi !! Þessum touring sport hjólum hefur fækkað og í stað þeirra hafa komið hjól sem líta út eins og hægt sé að fara í torfærur á þeim en líka hugsuð fyrir malbikið sem í raun er þeirra notkunarsvæði að mestu leiti. Og fremstir í flokki í þessum Off Road/utanvega ferðagræjum eru BMW, en þeir vilja líka ná til stærri hóps kaupenda og því framleiða þeir græjuna sem fjallað verður um hér: BMW R1200RS.

 

 

Þessi nýja græja er með nýja 1170cc vatnskælda mótorinn og afl þessa mótors er sagt 125 hestar og og togið 92 fet pund, fjöðrun þessa nýja hjóls er líka aðeins öðruvísi en á mörgum öðrum Bimmum eða nokkuð hefðbundnir upside down framdemparar að framan, að aftan er einfaldur (öðru megin) gafall með drifskafti eins og flestir Bimmar. Felgur eru að framan og aftan eru 17 tommur. Bremsur eru góðar að framan eru tveir 320mm diskar og Brembo bremsuklossar með fjórum dælum hvor, að aftan er 276mm diskur og bremsudæla er með tveimur stimplum, að sjálfsögðu er ABS kerfi í hjólinu.

 

 

Ágætis vindhlíf er á hjólinu og hægt að stilla hana allavega á tvo vegu, sætishæð er um 32.2 tommur svo allir svona venjulegir ættu að ná niður án mikilla erfiðleika, en fyrir þá styttri þá má lækka sætið alveg niður í 29.9 tommur og uppí 33.1 tommu fyrir þá hærri. Hjólið er að sjálfsögðu útbúið hinum ýmsa tölvubúnaði og hægt að stilla átak til afturhjólbarða ofl. ofl. Já líka regnstilling, fjöðrun er líka stillanleg. Áseta er sögð mjög góð, þú situr í nokkuð eðlilegri stöðu, án þess að reyna mikið á hendur eða úlnliði. Eins og áður sagt er stillanleg vindhlíf á hjólinu og virkar bara nokkuð vel þó hún sé ekki há. Mælar eru analog og eru sagðir ágætir til álesturs en mættu vera betri. Mælaborðið gefur þér hinar ýmsu upplýsingar sem ættu að duga í flestum tilfellum. Hægt er að eins og alltaf hjá BMW að bæta við aukabúnaði eins og t.d. búnaði sem gerir það að verkum að hægt er að skipta um gír án þess að nota kúplingu, bæði upp og niður.

 

 

Fjöðrun er mjög góð og kemur líka í ljós þegar hemlað er hressilega, hjólið leggst ekki á nefið við hressilega hemlun. Hjólið “höndlar” vel í gegnum beygjur og stýrið liggur vel fyrir ökumanni og gefur þér góða öryggistilfynningu og þá sérstaklega með auka búnaðinum sem kallaður er Dynamic ESA og virkar vel í beygjum þegar tekið er vel á því og bremsur notaðar hressilega líka, aðeins er kvartað um að stundum verði fjöðrun aðeins of stíf við hemlun. Hjólið fer vel yfir holur (hentar sem sagt vel í Reykjavík) og jafnvel þær stærri. Hjólbarðar eru frá Metzeler og virka vel í þurru sem og bleytu. Þetta hjól er vel heppnað á flestan máta og ætti að höfða til nokkuð margra hjólamanna sem hafa gaman af því að ferðast og þá nokkuð “hratt” en ekki yfir 90km á klst !!! Lesa má meira um tæknileg atriði á netinu eða bara kaupa sér græjuna.

 

Stolið og stílfært af netinu:

 

Óli bruni

 

bimmi 3

 

 bimmi 1

 

 

 

Specifications

2016 BMW R 1200 RS

MSRP

$14,950 base model; $18,919 as tested

ENGINE

Type

Liquid-/air-cooled, DOHC horizontal opposed twin, 4 valves/cyl.

Displacement

1170cc

Bore x stroke

101.0 x 73.0mm

Compression ratio

12.5:1

Induction

MS-X EFI, 52mm throttle bodies, single injector/cyl.

CHASSIS

Front tire

120/70ZR-17 Metzeler Roadtec Z8 Interact M

Rear tire

180/55ZR-17 Metzeler Roadtec Z8 Interact C

Rake/trail

28°/4.8 in. (122mm)

Wheelbase

60.1 in. (1527mm)

Seat height

2.3 in. (820mm)

Fuel capacity

4.7 gal. (18L)

Claimed wet weight

519 lb. (235kg)

 

Friday, 01 January 2016 14:33

Stóra helgarferðin 2016

Ágætu félagar

STÓRA helgarferðin verður farin dagana 16 - 19 júní n.k. til Akureyrar.

Sjá nánar á VIÐBURÐIR þar sem skráning í ferðina er.

Það verður á skrá sig inn á  vefinn til að sjá viðburðinn og skrá sig í ferðina.

Kveðja

Stjórnin

 

Triumph Bonneville Street Twin 900cc.

 

Nýtt hjól frá Triumph og þessi nýja græja er sótt í fortíðina þ.e.a.s. hvað varðar útlit og það er óhætt að segja að þessi nýju hjól hafi hitt beint í mark, meira segja okkar á milli eins og áður er fram komið þá er formaður vor ástfanginn í annað sinn á æfinni ! Hver er munurinn á þessum nýja Bonnie og þeim sem komu á undan ? Aðeins eitt: Allt, = Nýr mótor, ný grind, nýtt mælaborð, ný rafmagnsstýrð inngjöf, spólvörn,  ABS, nýtt útlit að mestu ofl. ofl. ofl.

 

Kannski ja fyrir þá sem skoða hjól ekki mikið hefur útlit ekki breyst mikið, en samt er allt breytt og þú bærði sérð það og finnur þegar hjólinu er ekið, en aðal atriðið er að þessu gamla góða útliti er haldið og það er markaðurinn sem hefur stýrt þessari för, því engin framleiðir hjól nema að þeir geti selt þau.

 

Snúum okkur (sko) að þessum nýja mótor í þessari útgáfu af Bonnie hjólinu en þetta hjól er með minni mótornum sem er 900cc (var 865cc) og aðal breytingin er að þessi er vatnskældur, átta ventla, sveifarás er 270°og strokkhús (cylinder) er ekki með slífum heldur Nikasil húðaður (úff hver nennir að lesa allt þetta tæknibull SKO ég !!) og það skrýtna er að aflið hefur farið niður en ekki upp !! en togið hefur aukist, en meira um það seinna, því öll hin Bonnie hjólin eru með 1200cc mótor svo ef það er meira afl sem menn leita eftir þá er bara að taka stærri græjuna.

 

Þessi nýi vatnskældi mótor er með “þyngdarstilltum” sveifarás= two counterbalancers.  Hámarki hestafla er náð við 5900 snúninga og græjan snýst aðeins meira, Triumph hefur örugglega leitað til HD til að fá upplýsingar um hvernig hægt er að fækka hestöflum !!!. Til að halda “retro” útliti þá er mótor með kæliraufum á strokk þrátt fyrir að vera vatnskældur, en þær gera sitt gagn. Gírkassi er fimm gíra. Mótor er með beinni innspýtingu og eru hús innspýtingar (að heddi) 39mm. Útlit þessa búnaðar er eins nálægt útliti blöndunga og hægt er, allavega að vissu marki.

 

Eyðsla hefur minnkað verulega frá fyrri ágerðum, en hverjum er ekki sama um það !! En á þessu hjóli er bensíntankur frekar lítill eða hann tekur rétt rúma 12 ltr. Grindin í þessu hjóli er úr stáli, fjöðrun er frá Kayaba, með 41mm framlappir sem er með stillanlega fjöðrun, sama að aftan allavega að hluta. Felgur eru steyptar og að framan 18” og 17” að aftan, hjólbarðar að framan 100/90 og 150/70 að aftan.  Bremsur eru ágætar með tveggja stimpla dælum bæði framan og aftan frá Nissin, bremsudiskar eru einn að framan 310mm og aftan 255mm. Sætishæð er 29.5 tommur og þyngd er sögð 437 lbs. Þó nýir mælar/mælir séu á þessu hjóli með flestu sem þú þarft þá er ekki snúningshraðamælir á þessum litla Bonnie. Handföng fyrir bremsu og kúplingu eru stillanleg. Þetta hjól fer í hóp “aflmiklra” hjóla eins og t.d. HD sportster 883, Moto Guzzi V7, Dukati Scrambler ofl. En væntanlegir kaupendur þessa hjóls eru örugglega ekki að leita af ofurhjóli með ofur afli, þarna er það “lúkkið” og togið sem og sjálfsögðu útlitið sem selur, sko strákar og stelpur þið mynduð örugglega ekkert vera að pæla í einhverjum mjög ófríðum þó hann færi hratt 100 metrana er það nokkuð !!!

 

Áseta er sögð mjög góð og eins og áður sagt sætishæð fyrir nær alla, hjólið fer vel í gegnum flest sem því er boðið og nýja grindin virðist vel heppnuð. Það má halla hjólinu vel inní beygjur án þess að eitthvað fari í malbikið. Þetta hjól er með mikin “character” (persónutöfra !!) og eins og einn góður maður sagði: Ef þú getur ekki verið sá sem fer hraðast þá er bara að vera sá sem er flottastur !!

 

Ef þessi Bonnie höfðar ekki til þín þá er bara að skoða stóra bróðir með 1200cc mótornum og ég tala nú ekki um Bonnie Thruxton hjólið sem kemur í tveimur útgáfum og ég allavega er þegar farin að segja við húsbónda minn: Ég fæ aldrei neitt, mig langar svo í Thruxton, má ég –má ég- má ég,- allir hinir fá svona !!! Síðan má lesa miklu meira um þessa nýju Bonnía á netinu og ég veit að formaður vor er orðin mjög fróður um þessi hjól !!! Svona að gamni þá hef ég lesið að dýrara Thruxton hjólið muni kosta rúm 11þús pund í Englandi sem gera rétt rúmar tvær milljónir

 

Stolið að vanda af netinu.

 

Óli bruni

Bonnie 2

Bonnie 3

Bonnie 4

Bonnie 5

 

 

 

 

 

2016 Triumph Street Twin Specs
Engine: 900cc liquid-cooled Parallel Twin, eight-valve, SOHC with 270° crank angle
Bore x Stroke: 84.6 x 80mm
Compression Ratio: 10.55:1
Maximum Power: 55 horsepower @ 5900 rpm
Maximum Torque: 59 lb-ft @ 3230
Fueling: Multipoint sequential electronic fuel injection
Exhaust: Brushed two-into-two exhaust system with twin brushed silencers
Final Drive: O ring chain
Clutch: Wet, multi-plate assist clutch
Transmission: Five speed
Frame: Tubular steel cradle
Swingarm: Twin-sided, tubular steel
Front Suspension: Kayaba 41mm forks, 4.7 inches travel
Rear Suspension: Kayaba twin shocks with adjustable preload, 4.7 inches travel
Front Wheel: Cast aluminum alloy, multi-spoke 18 x 2.75 inches
Rear Wheel: Cast aluminum alloy, multi-spoke 17 x 4.25 inches
Front Tire: 100/90-18
Rear Tire: 150/70 R17
Front Brake: Single 310mm disc, Nissin two-piston floating caliper, ABS
Rear Brake: Single 255mm disc, Nissin two-piston floating caliper, ABS
Seat Height: 29.5 inch
Wheelbase: 56.7 inch
Rake/Trail: 25.1° / 4 inch
Dry Weight: 437 pounds (claimed)
Fuel Capacity: 3.2 gallons
Emissions: Euro4 Standard
Standard Equipment: ABS, Traction Control, Ride-by-Wire, Immobiliser, USB Socket, LED rear light

 

Wednesday, 23 December 2015 17:44

Mótorhjól bönnuð í Pikes Peak

tekið af visir.is

Mótorhjólakappi klárar Pikes Peak keppnina.

Mótorhjólakappi klárar Pikes Peak keppnina. JALOPNIK

Frægasta brekkuklifurkeppni heims er Pikes Peak keppnin í Colorado í Bandaríkjunum. Þar keppa ökumenn á hverju ári hver er fljótastur að klifra upp fjallið Pikes Peak um 20 km leið og í leiðinni klifra upp 1.440 metra.

Þessi keppni hefur krafist margra mannslífa og í síðustu tveimur keppnum dóu tveir mótorhjólamenn og í kjölfar þess hafa keppnishaldarar bannað mótorhjól í næstu keppni. Mótorhjól hafa aðeins tekið þátt síðustu fimm ár, en fyrir það var partur af leiðinni ennþá ómalbikaður og því ekki grundvöllur fyrir þátttöku þeirra.

Mikil reiði er á meðal þeirra mótorhjólamanna sem hugsað höfðu sér að taka þátt í næstu keppni. Met mótorhjóla í Pikes Peak var sett fyrsta árið sem brautin var öll malbikuð, árið 2011 og tími þess 9:52,82 mínútur, en besti tími sem náðst hefur á bíl er 8:13,88, sett af rallökumanninum Sebastian Loeb árið 2013, en hann ók Peugeot 208 T16 bíl.

Tuesday, 22 December 2015 17:14

Minna er svo miklu meira

tekið af mbl.is

 
Það verður ekki minna – eða eigum við að segja meira – af öllu þegar ... stækka

Það verður ekki minna – eða eig­um við að segja meira – af öllu þegar mótor­hjól eru ann­ars veg­ar.

Minna er meira“ sagði þýski arki­tekt­inn og hús­gagna­hönnuður­inn Ludwig Mies van der Rohe. Hon­um myndi því ef­laust þykja þetta hjól frá Bandit9 heill hell­ing­ur þar sem það er ekki neitt neitt!

Bandit9 eru van­ir að smíða mótor­hjól sem tekið er eft­ir og næg­ir í því sam­bandi að nefna mód­el á borð við Nero MKII, The Bis­hop og núna þetta silf­ur­litaða lista­verk sem nefn­ist Ava. Hún sver sig í ætt­ina því hjól­in frá fyr­ir­tæk­inu eru iðulega list sem má hjóla á.

Aðeins níu stykki smíðuð

Ef­laust munu færri kom­ast að en vilja þegar hjól­in verða sett á sölu því aðeins níu ein­tök voru smíðuð í það heila.

Grunn­ur­inn er 125cc Honda Su­per­sport en boddíið er hand­smíðað úr hápóleruðu stáli, eins og sjá má, enda geta sæl­leg­ir og stál­heppn­ir eig­end­ur speglað sig um leið og þeir dást að nýja hjól­inu sínu.

jonagn­This email address is being protected from spambots. You need JavaScript enabled to view it.

Thursday, 17 December 2015 18:21

Triumph Bonneville T-140- 750cc-1976

Hjólið sem fjallað er um hér er Triumph Bonneville T-140, 750cc, fimm gíra, keypti ég í lok ársins 2014 af vini mínum í Englandi, en hann hafði átt hjólið í þó nokkuð mörg ár, hann keypti hjólið í sögðu góðu ástandi og þar sem hann er alls ekki mikill "mekki" þá bara notaði hann hjólið sér til ánægju og gerði ekkert við það nema að setja á það bensín og olíu á mótor þegar það átti við.

DSCF7713

 

En skoðum hjólið aðeins betur því Bonneville hjólið kom til sögunar árið 1959 með hinum svokallaða Pre-unit mótor sem var í hjólinu til ársins 1963 ef ég man rétt. Hjólið þróaðist í raun ekki svo mikið í gegnum tíðina en flestir segja að 1968-1970 hjólin séu þau fallegustu og verðið eftir því. Árið 1971 komu Triumph verksmiðjurnar með nýja grind sem byggð var þannig að olían á mótor var geymd, (já svo smá grín svo menn viti að ég SKO er að skrifa þetta, frá grind fór olían í mótor og þaðan í götuna !!): Þ.e.a.s. í stað hefðbundins olíutanks í ca. miðju grindar þá var grindin hönnuð þannig að hluti hennar er í raun olíutankur. Við þetta hækkaði hjólið í sæti þ.e. ekki heppilegt fyrir ökumenn með stutta leggi, en þykir ekki hátt í sæti í dag.

 

Hjólið mitt er því “oil in frame” og er fyrsta útgáfan af Bonneville með skiptinguna “vitlausu” megin þ.e.a.s. vinstra megin. Hjólið er eins og áður er fram komið 750cc og er svokallaður parallel twin sem segir okkur að stimplar mótors fara saman upp og niður. Áður en ég keypti hjólið fékk ég myndir af því og miðað við þær þá leit það bara nokkuð vel út og vinur minn sagði mér að hjólið væri “A lovely bike”. Eftir kaup á hjólinu þá ákvað ég að flytja það ekki inn fyrr en það væri orðið fullra 40 ára gamalt vegna tollaákvæða o.s.frv.

 

Hjólið var því geymt áfram í Englandi hjá sameiginlegum vini seljanda og mín. Sá er mikill hjólamaður og hefur gert upp mikið af hjólum af öllum gerðum og þau framleidd í hinum ýmsu löndum. Sá sem geymdi hjólið gerði mér þann “greiða” að taka ljósmyndir af hjólinu sem teknar voru svona “close up” og þá runnu nú tvær grímur á mig því “The lovely bike” leit út fyrir að vera í raun “Not such a lovely bike” (=dapurt). Svona okkar á milli þá kannski sleppi ég því að sína myndir af hjólinu áður en yfirhalning hófst því ekki má koma blettur á Breskt er best !!!!!

 

 

 

Þær myndir sem ég læt fylgja sögu þessari sýna hjólið þegar búið er að þrífa það og mála grind aðeins, skipta um felgur og setja ryðfría teina, búið að kaupa nýtt pústkerfi, nýjan bensíntank og sætiskúpu ofl. Myndirnar fara ef segja má svo svona fram og til baka í ferlinum, því eins og allir vita þegar gera á hjól upp í ALGJÖRLEGA orginal útliti, þá verður að raða á, taka af, smíða hitt og þetta, bæta og breyta breyta breyta svo maður nái þessu “alveg” eins og orginalið eða þannig sko !!

 

Eins og málin standa þá er mér sagt að mótor og gírkassi séu í góðu ástandi, en spurning með blöndunga, hjólið er með tölvustýrða kveikju og sko það verður það eina sem ekki er orginal í þessu hjóli !!!! Ef Gulli síðustjóri, peningastjóri, kaffistjóri ofl. ofl. birtir þessa grein og myndir þá læt ég ykkur fylgjast með þróun þessa mál með máli og myndum, ja eflaust aðallega myndum.

 

Óli bruni

DSCF7729

20150308 113140

DSCF7722

DSCF7716

DSCF7725

DSCF7727

DSCF7729

20150308 110000

20150308 113140

20150308 105944

 

 

Sunday, 06 December 2015 09:53

Tíu bestu mótorhjól ársins 2015 ??

Þegar stór er spurt þá er kannski erfitt að svara og þó. En að sjálfsögðu er þetta allt smekkur manna hvaða hjól er betra en hitt, síðan hvað ætlar þú að nota hjólið í ? en allavega ágætis tími að hugleiða þetta þar sem 2016 árgerðirnar eru farnar að láta sjá sig.

Valið er ekki í neinni sérstakri röð þ.e.a.s. hjólið sem fjallað er um fyrst er alls ekki það besta o.s.frv.

1. Ducati Scrambler kom ekki á óvart að það yrði valið, en við höfum fjallað áður um þetta hjól á síðum Gaflara. Hjólið höfðar til mjög margra, því þarna er ferskt og nokkuð nýtt útlit frá Ducati, þetta er svona græja sem hentar í mjög margt og ekki sakar að nútíma fatnaður og hjálmar hugsaðir fyrir hjólafólk passar mjög vel við þessa græju, retró en samt ekki, “off” road en samt ekki, smá café racer en samt ekki. Hjólið er bara flott og þá sérstaklega hjólið á teinafelgum. Kom flestum á óvart sem prufuðu það. Ég sá þetta hjól í sumar í USA og verð að segja að mér fannst það flottara á myndum heldur en sjá það “life” var nokkuð minna en ég bjóst við. Fékk aðeins að prufa það á bílastæði í umboðinu sem ég heimsótti og það lofaði bara góðu. Allavega fær flesta til að brosa.

 mynd1

 

2. Suzuki GSX-S750 hér er sambland af “street” fighter og café racer á sterum. Nakinn græja þar sem þú sérð allt sem máli skiptir, ekki allt falið með einhverjum plasthlífum. Einnig er það ekki með allt tölvustýrt, né er grind ekki það nýjast o.s.frv. En það er frábært að aka hjólinu og þú lætur þér ekki leiðast með þessari frábæru 4 strokka línuvél. Hjólið virðist vera nokkuð mikið léttara en þessi uppgefnu 470 pund. Þetta hjól er frábær prjóngræja (já ég veit alveg bannað), létt og lipurt innanbæjar sem og frábært  á vegum þar sem nóg er af beygjum, hvað er hægt að biðja um meira ?

 mynd 2

3. KTM 1290 Super Adventure þarna er græja sem segir við þig: Komum í ferðalag og tökum með slatta af farangri og okkur mun sko ekki leiðast. Nóg afl enda vélin tekin úr Super Duke hjólinu, góð fjöðrun sem er að hluta til tölvustýrð, góðar vindhlífar, nóg pláss fyrir þig og allt sem þú vilt taka með þér. Malarvegir eru ekkert mál svo lengi sem þú heldur ekki að þetta sé endúró hjól.

 mynd 3

4. Hver man ekki nafninu Indian, nei ekki amerískur indjáni á tveimur fótum heldur á tveimur hjólum. Nafnið er allavega mjög þekkt í heimi áhugamanna um mótorhjól. Margir hafa átt nafnið og reynt að hefja framleiðslu en alltaf endað frekar illa. Nú hefur stórt fyrirtæki eignast nafnið og upphafið hefur lofað mjög góðu. Þarna er komin verðugur keppinautur Harley Davidson og þessi græja sem valin er til umfjöllunar er kölluð Indian Scout. Hjólið er með vatnskældum mótor og alls ekki af stærri gerðinni. Þarna er retró útlit, en nokkuð nútímalega útfærsla á mörgu. Þetta er bara flottur “krúser” af smærri gerðinni, en sögð hestaflatala lofar góðu þ.e.a.s. 100 hestar og uppgefið verð líka ágætt um 10þús dollarar.

 mynd 4

5. Kawasaki Versys 1000 LT, sumir vilja meina að þetta sé góð græja til að ferðast á utan vega eða á mjög slæmum malarvegum, en nei hentar ekki í svoleiðis brölt frekar en t.d. GS1200 Bimmi. Er flottur á hefðbundnum malarvegum Kawinn og frábært almennt ferðahjól með alvöru fjögurra strokka línuvél. Sagt “höndla” virkilega vel, góð áseta, góðar vindhlífar og hægt að taka með farangur og farþega og öllum líður vel, þrátt fyrir að hjólið sé ekki hlaðið alls konar tölvustýringum.

 mynd 5

6. Ducati Monster 821, þarna er dúkki sem búin er að vera í framleiðslu lengi með ýmsar vélar. Það er til stærri Monster dúkki þ.e.a.s. með stærri vél, t.d. 1200 hjólið, en þessi græja getur alveg eins gert þig próflausa með hraði. Uppgefin hestöfl er nokkuð yfir 100 hestar og hjólið vigtar ekki mikið. Slit á framdekki verður örugglega lítið og að horfa beint upp gerist örugglega oft. Hjólið kallar á að því sé ekið hratt og hefur alla eiginleika í það, eflaust ekki margir sem getað notað alla eiginleikana til fulls: Frábærir aksturseiginleikar og fullt af tölvustýringum sem hjálpa þér að verða betri ökumaður.

 mynd 6

7. Einn drullumallari verður að fylgja í þessari upp talningu og sá kemur frá Yamaha og heitir YZ250FX. Þarna er græja sem er byggð á cross hjólinu YZ250F. Margir telja að WR250F hjólið væri hentugra fyrir stærri hóp og sérstakla þá sem eru kannski frekar óvanir brölti utanvega, en nei hjólið er frábærlega hannað,  dreyfing afls, fjöðrun gerir hjólið að virkilega meðfærilegri græju.

 mynd 7

8. Já það voru örugglega nokkrir farnir að spyrja hvað engin Bimmi uss ekkert að marka þessa upptalningu !! En jú BMW R1200R er bimminn sem er eitt af þessum tíu hjólum. Þarna er hjól með 1200cc vél og er vatnskælt, uppgefin hestöfl eru 125, fullt af tölustýringum til að aðstoða ökumann við flestar aðstæður. Frábær græja til að njóta akstur á góðum vegum og skilar þér brosandi heim, bara að muna að panta hjólið í svokölluðum Premium pakka því eins og allir vita þá kemur ekkert standard frá Þýskalandi þú verður að borga fyrir það.

mynd 8 

9. Annar Yammi og nú er það götuhjól sem kallað er Yamaha FZ-07 og segja má strax að Margur er knár þó hann sé smár. Vigtar lítil 400 pund og er tveggja strokka, frábært hjól innanbæjar sem og á vegum með fullt fullt af beygjum, ótrúlega mikið tog af svona í raun lítilli vél, en eins og áður sagt hjólið er létt og virkilega meðfærilegt og ekki fælir verðið eitthvað undir 7000 dollurum.

mynd 9

10. Þeir sem lögðu það á sig að lesa hingað voru farnir að örvænta um ? Hvað engin Harley !! Jú það er Harley Davidson Low Rider, þetta hjól hefur ekki verið í boði í nokkurn tíma hjá Harley, en er nú boðið aftur aðallega vegna þess að (já smá grín í lokin) maður einn sem stundum er kallaður HÚNI sagði Harley mönnum að hann vildi að fara að endurnýja og fá sér nýjan Low Rider ! Nýjan græjan kemur með 103 c.inc vél og uppgefin hestöfl eru ekki til frekar en venjulega, en togið er gott um 100 ft/lbs, en ef þú ert að leita af hestöflum í standard Harley þá færðu þér annað hjól. Hjólið kemur með tvöföldum diskabremsum og eins og áður sagt fullt af togi. Þetta er krúser og þú skalt ekkert vera að flýta þér í gegnum beygjur því þá bara rekur þú eitthvað niður enda heitir hjólið Low Rider. Ath. myndin af Hallanum er aðeins neðar.

mynd 10

Stolið og stílfært af netinu

Óli bruni

 

 

 

 

 

Friday, 27 November 2015 18:08

Formaðurinn fallinn ??

Já SKO ég er ekki að upplýsa neitt sem þið hafið ekki þegar lesið (allavega þeir sem skoða heimasíðu vora) því nýverið lýsti formaður vor því yfir að hann væri fallinn !!! Nú veit ég að sumir eru farnir að hugsa um eitthvað neikvætt, nei ekkert svoleiðis, nei formaður vor er fallinn fyrir BRESKT ER BEST og eins og áður er fram komið þá skrifaði hann þetta sjálfur og spáði því jafnframt að fleiri félagar vorir myndu einnig falla fyrir nýju hjólunum frá Triumph.

Til að minna hann aðeins á að maður skiptir ekki um lið í enska boltanum eða tegund af mótorhjólum þó það komi eitthvað betra (BRESKT ER BEST) fram í dagsljósið, því ætla ég að skrifa um “fyrrum” besta mótorhjól heimsins Súsúkki og nú er það alvöru nakin græja frá Japan:

Suzuki GSX-S1000

2015-GSX-S1000-2

 

Línur mótorhjóla þessa dagana eru þannig að nær allt er orðið kanntað og höfðar til nútímans eða hvað ? Kaupendahópurinn er margvíslegur og sumir blaðamenn segja að þetta séu í raun þrír hópar: Racer hópurinn sem vill vera eins og þeir bestu t.d. Rossi (verða það nær aldrei!!) og síðan krúser hópurinn sem vill fara hægt og rólega yfir jafnvel þó þeir vilji fara hratt þá bara gengur það ekki, svo er það þriðji hópurinn sem vill hjól sem hentar í nær allt sem gert er á malbiki, en hafa afl, þægindi o.s.frv. en hjólið þarf að líta út eins og mótorhjól, þ.e.a.s. þú átt að sjá hvernig græjan er byggð.

Þessi Súkka sem er reyndar ekki Bandit ! skilar mörgu af þessu sem hópur nr. 3 leitar eftir. Hjólið er flott í útliti, frábæra grind, skotheldur aflmikill 999cc motor. Þú situr nokkuð eðlilega ekki með hnén við eyrun, eða með lappirnar við framdekkið. Jafnvel þeir eldri munu “fíla” þessa græju (Formaðurinn). Mótor er í raun sá sami og í GSX-R græjunni, en hannaður með tog í huga og afl sem hentar flestum, þ.e.a.s. þeir sem aka á götum með almennri umferð. Ekki margir sem eru að mæla hvað þeir komast hratt einhvern hring eða t.d. til Keflavíkur jafnvel þó löggan sé ekki sjáanleg lengur vegna kvóta á akstur.

Það eru nokkrir framleiðendur sem framleiða svipuð hjól, t.d. frá Yamaha, Honda svo auðvitað Z1000 frá Kawasaki og ekki má gleyma Speed Triple frá Triumph. Þessi nýja Súkka er kannski ekki með allra þægilegustu ásetuna og þó svo lengi sem menn ætla ekki að fara í löng ferðalög, en allavega miklu betri áseta en á “púra” sporthjóli/racer. En það er frábær fjöðrun og virkilega góður bremsubúnaður á þessu hjóli. Það má leggja það hressilega inní beygjum og frábært tog útúr þeim.

 

Mælaborð er gott álestrar með þessum nútíma LCD ljósum og mælum. Sætishæð eru 31” svo ætti að henta flestum, sætið er einnig þannig að það mjókkar að tank. Stýrið liggur vel fyrir ökumanni svona hátt í líkingu við endúró stýri: Svona Renthal Fatbar útlit. Þessu hjóli er þægilegt að starta, þ.e.a.s. þú þarft ekki að taka í kúplingu til að starta, þ.e.a.s. ef hjólið er ekki í gír. Mótor er eins og áður sagt 999cc, kemur með nýrri hönnun á stimplum og knastás, S hjólið er sagt 145 hestöfl með 78 lb-ft tog. Þrátt fyrir allar þessar kröfur um minni hljóðmengun þá gefur hjólið frá sér bara nokkuð skemmtilegt purr ! Hjólið kemur með stillingu fyrir átak í afturdekk svo menn spóli sig ekki á hausinn, það eru þrjár stillingar, svo má einnig aftengja TCið (traction control).

Hjólið kemur að sjálfsögðu með sex gíra kassa, en engine afsláttar kúppling, nei þetta er hjól fyrir hjólamenn ekki tölvugúrúa (smá grin). Já höndlar vel og ekki nema von með þessa frábæru álgrind , 43 mm uppside down/inverted framdempurum sem hægt er að stilla. Vindhlífar gera ekki mikið en þó eitthvað á S hjólinu en virka vel á F hjólinu þó framrúða sé ekki stillanleg (skilst mér). Svo er bara að sjá og heyra hvað fyrsti eigandinn að þessari græju segir.

Því sem hælt er:

Sport hjól með “töffara” útlit og akstureiginleika

Fullt af afli en má samt nota í sæmilega löng ferðalög

Flott hljóð með orginal hljóðkút

Gott verð

 

Hvað mætti vera betra:

Ekki hægt að setja töskufestingar á F hjólið

Slær of snögglega af þegar inngjöf er slept

Kom helst til of seint fram á sjónarsviðið

 

Svo fylgir smá tæknibull fyrir þá sem eru allir fyrir tölur !!!

Engine: 999cc, liquid-cooled Inline Four

Bore x Stroke: 73.4 x 59.0mm (2.9 in x 2.3 in)

Compression Ratio: 12.2:1

Transmission: Six-gear with wet multi-plate clutch

Final drive: Chain

Fueling: EFI with SDTV with 44mm Mikuni throttle bodies

Exhaust: Stainless steel 4-2-1

Fuel Capacity: 4.5 gallon

Frame: Twin-spar aluminum

Front Suspension: 43mm inverted KYB fork with 4.7 inches travel; adjustable for preload, compression and rebound damping

Rear Suspension: Single KYB shock with 5.1 inches of travel, adjustable for preload and rebound

Front brakes: 310 mm floating dual discs, with four 32mm piston-equipped Brembo monobloc calipers

Rear brake: 220mm single disc, with single-piston Nissin brake caliper

Front/Rear Tires: Dunlop D214F 120/70ZR17 M/C; 190/50ZR17M/C

Rake/Trail: 25°/3.9 inch

Wheelbase: 57.5 inch

Seat Height: 31.9 inch

Curb weight: 459 pounds (F model 462 pounds)

MSRP: GSX-S1000 $9999, GSX-S1000 ABS $10,499, GSX-S1000F $10,999

Stolið og stílfært af netinu:

Óli bruni

2016-Suzuki-GSX-S1000-1 2

2016-Suzuki-GSX-S1000-2

2016-Suzuki-GSX-S1000-3

..fengið eitthvað langtum betra frá Englandi !!!

 

Jæja ég hef nú þegar fangað athygli ca. 10% lesenda heimasíðu Gaflara, því hverjum dettur í hug að fullyrða eitthvað svona vitandi að Sússúkki er “sko” lang lang best. En áður en lengra er haldið í smá bulli þá segir formaður vor að vörumerkið mitt sé orðið SKO og hverjum myndi detta í hug að mótmæla formanni sínum !!!

 

En snúum okkur að efni dagsins sem er að fjalla aðeins um alvöru Breskt er best mótorhjól (já já það koma örugglega greinar um eitthvað frá Japan), nú er það í raun fyrsta Street fighter græjan beint frá verksmiðju: Triumph Street Triple 1050cc og var fyrst kynnt til sögunar árið 1992 og náði strax miklum vinsældum og það muna allir ekki rétt eftir þessum vígalegu tveimur framljósum, ásamt frábæru afli, sem og að vera mikið örðruvísi með þriggja strokka mótor og góðum aksturseiginleikum.

 

Síðan þá hefur margt breyst t.d. vegna tilkomu hjóla eins og KTM 1290 Super duke og BMW S1000Rs og því er hugsanlega Speed Triple græjan ekki lengur aðal töffarinn á götunni og þó því með 2016 útgáfunni er S-T (hér eftir skammstöfun á þessu frábæra hjóli) hefur Triumph sótt sig í veðrið og ætlar aftur að vera aðal töffari götunnar, allavega í útliti og með betri akstureiginleikum.

 

Sumir segja að útlitið á hjólinu í dag sé svona meira Daniel Craig (Bond) heldur en Jason Stratham í ermalausum bol !! Hverju hefur verið breytt ? Hjólið virðist vera lengra, lægra og svona “ruddalegra” en samt svona fágað. Það eru sömu tvö flottu framljósin og nú í LED. Allt mæladótið og litla vindhlífin hefur verið fært neðar. Bensíntankur fær nýtt útlit og hæsti hluti hans er bensínlokið (já Triumph hefur fylgst með hvað línur eiga að vera í café racer/brat/street fighter sem menn smíða heima hjá sér). Speglar eru á enda stýris, vatnskassi er allur minni, sætið er mjórra við tank og allt þetta gerir hjólið svona “fágaðra”.

 

Mótor er sá sami og árið á undan þ.e.a.s. þriggja strokka og 1050cc, en nær öllu innihaldi hefur verið breytt Triumph segir að 104 hlutum hafi verið breytt !! Komið er nýtt hedd, sem og stimplar, ný hannað sprengihólf og þetta ásamt ýmsu öðru gefur miklu betra tog, er það ekki sem við viljum flest, hver hefur að gera við 200 hesta græju á þessu landi með okkar frábæru vegi !! og 90km hámarkshraða. Þrátt fyrir að togið hafi verið aukið verulega og þá aðallega á milli 4. og 7. þús snúningum þá hefur aflið ekkert minnkað. Eins og á flestum alvöru hjólum í dag er allt tölvustýrt og inngjöf er rafmagnsstýrð.

 

 

 

Hjólið kemur með spyrnustýringu (traction control), sem og “slipper clutch” og því ætti engin að spóla sig á hausinn eða renna til við niðurskiptingu gíra með hraði (ala Sigurjón), jú jú það er enn hægt að prjóna eins og maður vill, en vill benda á að það er alveg stranglega bannað !! Þeir segja að bensíneyðsla sé minni, en hverjum í veröldinni er ekki sama um það á svona græju, hver færi að spyrja sölumann: Hvað eyðir græjan á 100 km= öllu sem sett er á það !! Hjólið kemur með ABS bremsum og hægt er að stilla þær eitthvað ? Off and ON??

 

Hægt er að fá S-T í S útgáfu og þá kemur hjólið með alvöru fjöðrun frá Öhlins, sem hægt er að stilla á alla vegu þannig að þú ættir að verða jafn góður ökumaður og a.m.k. Valentino Rossi !! Svo fá menn alls konar Carbon hluti, ekki veitir af að létta hjólið aðeins ekki rétt ?!! En hér hafa Triumph menn hitt vel í mark með þessum nýja þriggja strokka Speed Triple, en dæmi hver fyrir sig. Hægt er að lesa miklu meira um hjólið á netinu, þ.e.a.s. hvað alvöru atvinnu ökumenn eru lengi í 100km hraða, hvað þeir fara ¼ míluna á, já allt þetta tæknital sem fæstir muna eftir eftir að hafa lesið það. Það er í raun alltaf útlitið sem selur og svona alveg í trúnaði okkar á milli þá er hér smá samlíking: Hver vill eiga ljóta og ja hægfara kerlingu !!!

 

p.s. lesa konur nokkuð þessar greinar ???!!!!

 

Stolið og stílfært af netinu

 

Óli bruni

SpeedTriple2

Thursday, 19 November 2015 07:49

50.000 hjól á árinu

tekið af mbl.is

50.000 hjól á ár­inu

 

Ítalski mótor­hjóla­smiður­inn Ducati sló öll fyrri met er hann af­henti fimm­tíuþúsund­asta hjólið á einu ári í fyrsta sinn í sögu sinni.

Það var hinn þann 10. nóv­em­ber síðastliðinn að Ducati af­henti 50 þúsund­asta hjólið á ár­inu. Er þar um að ræða 23% aukn­ingu miðað við sama tíma­bil í fyrra, en þá voru af­hent hjól 40.650.

Fjöldi af­hend­inga á eft­ir að aukast tals­vert þar sem enn voru eft­ir 50 dag­ar af ár­inu er metáfang­inn náðist.

Á mótor­hjóla­sýn­ing­unni EICMA sem nú stend­ur yfir í Míklanó á Ítal­íu frum­sýn­ir Ducati sjö ný mód­el sem koma á göt­una 2016. Í fylk­ing­ar­brjósti er XDia­vel ferðahjól­inu sem er eig­in­lega ný út­gáfa af Dia­vel-hjól­inu. Einnig sýn­ir Ducati nýja út­gáfu af Panigale 959, tvær út­gáf­ur af Multistrada 1200, tvær nýj­ar af Scrambler og þrjár af Hypermot­ard.

Á mynd­skeiðinu hér á eft­ir má sjá XDia­vel-hjólið.

https://youtu.be/s7ibGORIG48