Gunnlaugur Harðarson

Gunnlaugur Harðarson

Friday, 26 February 2016 16:19

Kawasaki Z 800 2016

Allir “alvöru” mótorhjólamenn muna eftir þessum bókstaf þ.e.a.s. Z-unni sem var fjarlægð úr íslensku máli vegna mikils þrýstings frá Honda verksmiðjunum (alveg satt) vegna þess að þegar Kawasaki Z1 kom til sögunnar árið 1972 þá leit Honda CB750 út eins og gamall breti bæði í útliti sem og afli !!! (já já Honda var fyrst með superbike). Jæja þá eru aðdáendur/eigendur gamalla breta sem og CB750 hættir að lesa svo við getum þá snúið okkur að verkefni dagsins Kawasaki Z 800.

Kawi 1

 

Kawasaki verksmiðjurnar vöknuðu til lífsins fyrir ekki löngu því að “nakta” sporthjólið frá Yamaha sem heitir FZ-09 hefur selst eins og aðgangur að hugmyndum Pí-rata (uss enga pólitík). En eins og áður sagt er FZ-09 hjólið virkilega vel heppnað “nakið” sporthjól. En Z800 hjólið er svo sem ekki alveg ný hugmynd því það var kynnt til sögunar í Evrópu árið 2013 og hefur verið með því söluhæðsta hjá Kawasaki, svo það er nokkuð öruggt að 2016 útgáfa af hjólinu er enn betur heppnað og ekki spillir verðið segja þeir.

Kawi 2

 

Mótorinn í græjunni er fjögurra strokka í línu 806cc vatnskæld og sögð mjög svo “mjúk”, með mjög gott tog miðað við stærð mótors, tekur hressilega við sér við inngjöf, kúpling sem og sex gíra kassi vinna vel saman ef segja má svo. Áseta er þægileg fyrir nær alla, þó sætið sé frekar stíft, ekki má samt gleyma að þetta er sporthjól, hjólið er “mjótt” um mittið og hné leggjast vel að bensíntank, sætishæð er 32.5 og ættu flestir að ná þægilega niður. Þó mótorinn sé sagður svona frekar þýðgengur þá fer nokkuð að finnast fyrir titring þegar menn snúa græjunni uppfyrir 6000 snúninga en útsláttur er við 12000 snúninga og hjólið togar vel í, allt að útslætti. Hjólið tekur alltaf vel við sér þegar gefið er í útúr beygjum og lítið mál að spara framdekkið “ala” Bacon, en Ztan er samt ekki eins hress og FZ-09 Yamminn, það þarf aðeins að nota kúpplinguna til að prjóna hressilega.

Kawi 3

 

Framdemparar eru KYB inverted/upsidedown, en ekki er hægt að segja að fjöðrun hjólsins sé af dýrari gerðinni en dugar þó alveg, bæði fram og afturfjöðrun er stillanleg í báðar áttir. Hjólbarðar eru Dunlop Sportmax D214 og þeir virka vel á þessu hjóli, bremsur eru frá Nissan og hjólið kemur með ABS (allavega það sem prufað var). Eins og áður sagt er þetta ekki ný græja en þó samt að miklu leiti. Sagt er að eftirmarkaðurinn bjóði uppá alls konar aukadót fyrir hjólið. Já stærðin skiptir ekki öllu máli er það ?! En þessi Kawi sannar það að margur er knár þó hann sé smár sem og auðvitað eins og allir vita er Kawasaki lang besta japanska hjólið er það ekki eða var það Suzuki ?! (man ekki hvað formaður vor sagði !!). Lesa má nær allt tæknilegt hér að neðan.

 

 

 

 

 

 

SPECIFICATIONS

2016 Kawasaki Z800

ENGINE

liquid-cooled, DOHC, inline-four, four valves per cylinder

DISPLACEMENT

806cc

BORE x STROKE

71.0 x 50.9mm

COMPRESSION RATIO

11.9:1

FUEL SYSTEM

DFI with 34mm Keihin throttle bodies

IGNITION

TCBI with electronic advance

TRANSMISSION

Six-speed

FINAL DRIVE

Sealed chain

FRONT WHEEL SUSPENSION / WHEEL TRAVEL

41mm inverted fork with rebound damping and spring preload adjustability / 4.7 in.

REAR WHEEL SUSPENSION / WHEEL TRAVEL

Bottom-link Uni-Trak horizontal monoshock with piggyback reservoir, stepless rebound damping, adjustable spring preload / 5.4 in.

FRONT TIRE

120/70ZR-17 Dunlop Sportmax D214

REAR TIRE

180/55ZR-17 Dunlop Sportmax D214

FRONT BRAKES

Dual 277mm petal-type rotors with four-piston calipers, ABS

REAR BRAKE

Single 216mm petal-type rotor with single-piston caliper, ABS

FRAME TYPE

High-tensile steel backbone

RAKE / TRAIL

24.0º / 3.9 in.

OVERALL LENGTH

82.7 in.

OVERALL WIDTH

31.5 in.

OVERALL HEIGHT

41.3 in.

GROUND CLEARANCE

5.9 in.

SEAT HEIGHT

32.5 in.

DRY WEIGHT

482 lb.

FUEL CAPACITY

4.5 gal.

WHEELBASE

56.9 in.

COLOR CHOICES

Metallic Spark Black, Flat Ebony

 Kawi 4

Svona til upprifjunar þá örfáir punktar sem við auðvitað vitum öll um !! en góð vísa er aldrei of oft kveðin er það nokkuð ??!!

 

  1. 1.Að vera öruggur á hjólinu er ekki bara að vera góður hjólari sem fylgist vel með öllum öðrum í kringum sig þegar hann ekur hjólinu sínu, nei það þarf líka að hugsa vel um hjólið sitt með einföldu eftirliti á græjunni áður en lagt er í hann, t.d. loft í hjólbörðum, ástand hjólbarða, mæla olíu, athuga ljósbúnað sem og barka þar sem það á við.

 

  1. 2.Að reyna hjóla hraðar en miklu betri hjólamenn ehh nei !!. Þú sjálfur ættir að vita manna best hvað þú getur og það er í raun heimska að reyna eitthvað sem þú ræður bara ekki við. Við getum flest okkar hjólað mjög hratt á beinum vegi, en ef hindrun eða beygja verður á vegi okkar getur ýmislegt farið á annan veg en áætlunin er. Keppnisharka er af hinu góða ef þú ræður við aðstæður og hraða, svo ein góð regla; “ekki taka meira uppí sig en þú getur tuggið” !!!

 

  1. 3.Að aka hægt og þá mjög hægt er alls ekki eins auðvelt og við höldum. Nei það er nokkur kúnst að halda inngjöf réttri - láta kúplingu taka rétt - sem og að getað  notað hemla og haldið jafnvægi. Í mikilli umferð gerist þetta oft og verður oft þreytandi, því sjáum við oft hjólamenn með lappirnar niðri og láta þær svona dragast með jörðinni til að halda jafnvægi. Því er keppt í þessu og það er mjög góð æfing fyrir okkur öll að æfa sig í því að aka mjög hægt.

 

  1. 4.Að kunna að taka vinstri beygjur af öryggi á akvegi sem er með merkta miðjulínu getur verið hættulegt ef þú hugsar ekki um hvað þú ert að gera. Hvað er átt við þarna ?? Jú þú hallar þér inní vinstri beygju og hjólið er innan við hvítu línuna en þú hallar þér hressilega yfir hana og ert þannig komin yfir á hina akreinina allavega með efri hluta líkama þíns og höfuðið, svo kemur annar jafn góður á móti og hvað ?? Já jafnvel stórt ökutæki.

 

  1. 5.Að hugsa um þá sem eru fyrir framan þig og þá um leið þitt öryggi með því að aka alls ekki of nálægt næsta ökutæki. Við þekkjum öll hverning á að hjóla í hóp ekki rétt og flestir gera það rétt, en svo eru það hinir sem hanga beint fyrir aftan þig og þú sérð viðkomandi aldrei í speglinum. Reglan er að þú sjáir alltaf hjálm þess sem á undan fer í spegli hans því annars sér hann þig ekki. Það þarf einnig að huga vel að þessu þegar við ætlum að taka framúr, ekki fara of nálægt ökutækinu sem er fyrir framan þig, gefðu þér pláss og þú sérð þannig einnig miklu betur til umferðarinnar á móti.

 

  1. 6.Þetta atriði er eiginlega að mörgu leiti það sama og það sem sagt var hér á undan, passa sig að vera alltaf sjáanlegur bæði fyrir þá sem aka á undan þér sem og þá sem koma á móti. Litur mótorhjóla búnaðar þ.e. sá búnaður sem hjólamenn klæðast var til margra ára bara keyptur í einum lit: Svart, en sem betur fer hefur þessi tíska tekið miklum breytingum og litagleði er af hinu góða, þeim fjölgar líka sem nota gul vesti með endurskyni: Betur sjáanleg !

 

  1. 7.Að aka framúr framljósi sínu !!! Hvernig er það nú hægt ??!! Jú þú horfir fram á veginn lengra en framljósið þitt lýsir. Það býr margt í myrkrinu ekki rétt og það sem þú sérð ekki getur verið þér hættulegt, því ætturðu að halda þér innan þess svæðis sem þú sérð greinilega. Þú getur æft þig í að hemla á því svæði sem þú sérð greinilega. Reyndar gerum við alltof lítið í því að æfa okkur að hemla hressilega, allavega innan þeirra marka sem þú ræður við án þess að fara á hausinn, sem betur fer er ABS orðið algengt á hjólum og koma þannig oft í veg fyrir að menn læsi framdekki og fari á hausinn.

 

  1. 8.Að láta fagmann yfirfara hjólið sitt reglulega er í raun mjög svo gáfulegt, nema að þú sért jafn klár og fagmaðurinn og það erum við mörg okkar. Mest af þessu er einfalt að miklu leiti t.d. að smyrja keðju – skipta um olíu og síu – skipta um hjólbarða – athuga olíu á drifi (ala BMW) – smyrja barka - sem og að skipta um bremsu og kúplingsvökva þar sem það á við – skoða pakkdósir á framdempurum o.s.frv.. Ef þú ræður ekki við eitthvað af þessu þá fá fagmann í verkið eða góðan vin sem örugglega kann þetta.

 

Við kaupum okkur dýr hjól en tímum oft ekki að halda þeim við og sköpum þannig hættu fyrir okkur sjálf og aðra í umferðinni. Verðum best í öllu sem við gerum ekki rétt eða allavega gerum okkar besta.

 

Endurtekið efni í nýju orðalag stolið og stílfært að vanda (allavega sumt).

 

Óli bruni.

mynd2

mynd3

mynd 1

Thursday, 18 February 2016 08:34

BMW R nineT Scrambler

Hverjum langar ekki í BMW ? Ég þekki allavega einn til tvo, en Bimminn er í flestum tilfellum skemmtilegt hjól og þetta hjól sem við ætlum að fjalla um er annar af tveimur Bimmum sem mig myndi langa í hinn er hin útgáfan af R nine T. En svona okkar á milli í algjörum trúnaði !! þá hef ég eins og allir átt leiðinleg mótorhjól (reyndar bara tvö “leiðinleg” hitt var frá Harley) og eitt þeirra var BMW en það er nú allt önnur og gömul saga.

Saga segir okkur að þegar við erum komin á vissan aldur þá horfum við til fortíðarinnar og kannski má segja svo að BMW menn séu að því eins og fleiri verksmiðjur og það er auðvitað útaf því að kúnninn horfir til baka og vill fá að upplifa ungdóminn aftur og aftur !! Þetta nýja hjól þ.e.a.s. 2016 árgerðin af R nineT Scrambler virðist falla að hugmyndum markaðarins um hvernig mótorhjól ætti að líta út, en þetta hjól er í raun breytt úgáfa af R nineT hjólinu sem kom á markaðinn fyrir ekki löngu og er svona í Café Racer útlíti og það hjól tel ég vera frábærlega vel heppnað.

Bimmi 2

Þessi nýi Scrambler leitar langt til baka í útliti að miklu leiti, jafnvel baka til áranna uppúr 1950 og allt til 1980, því á þessum árum voru framleidd hjól af ýmsum framleiðendum sem litu út eins og þau gætu verið notuð í utanvega akstur, sem sumir gerðu en voru í flestum tilfellum venjuleg götuhjól með uppliggjandi pústi, þarna má telja hjól eins og Norton (Matchless) P11, Norton Commando S og SS (byrja á því besta !!!) hjól frá Ducati, Triumph og ekki má gleyma öllum Scrambler útlítandi Hondunum ofl. ofl.

En það er öruggt að BMW fer ekki aftur í tímann tæknilega því þessi nýi Scrambler er nýtt hjól frá grunni með þeim búnaði sem hjólamenn krefjast í dag þó hugsað sé til baka í þá gömlu góðu daga með útlitið !! En samt ef við horfum á framenda þessa hjóls þá sjáum við hefðbundin framgaffal með gúmmíhosum og 19” framfelgu, frekar lítinn bensíntank að sjá með innfellum fyrir hné okkar. En eins og alltaf er það “classic” boxer mótorinn sem vekur alltaf mestu athyglina, en þetta fellur samt saman í eina flotta heild eins og við má búast frá BMW.

Bimmi 3

 

 

Stýrið liggur vel fyrir okkur og er ekki of hátt eða of breitt en fótpedalar eru staðsettir þannig að þú situr frekar svona: Fram/aftur heldur en alveg uppréttur og því er þetta hjól frábært í akstri í þröngum beygjum á góðu malbiki, en þú getur samt staðið uppréttur ef vegur er holóttur og erfiður yfirferðar, þessi græja verður samt aldrei neitt alvöru utanvega farartæki frekar en Scrambler frá Ducati eða Triumph. En horfum aðeins meir á útlitið og þá blasir við okkur frábærlega hannað pústkerfi og það gerist ekki oft þessa dagana beint frá verksmiðju að pústkerfi séu vel heppnuð í útliti.

Bimmi 5

Grind hjólsins er stálpípu gerðar og er vel heppnuð í svona anda Ducati ef segja má svo, ekki leiðum að líkjast !! Partur af grindinni er mótorinn sjálfur eins og á ofangreindu hjóli. Taka má farþega sætið af Scramblernum og þá virkar hjólið svona meira “röff”. Þetta hjól kallar á að því sé breytt eftir hugmyndum eiganda (uss hver vill ekki “orginal”), já þessi græja er eins og óklárað málverk. Að framan er hjólið búið tveimur bremsuklossum frá Brembo og eru þær fjögurra stimpla, diskar eru 320mm, en að aftan er einn 265mm diskur og hjólið kemur að sjálfsögðu með ABS, en ekki er hægt að breyta stillingum vegna ABS kerfisins og það mætti koma á næstu árgerð segja blaðamenn mótorhjólablaða. En við eigum ekki að vera tölvustýrðir við erum karlmenn sem getum tekist á við aðstæður eins og þær liggja fyrir okkur dag hvern ekki rétt !!!!!

Bimmi 4

Framdemparar eruu 43mm og ekki mikið hægt að stilla þá og því mætti einnig breyta segja sumir. Að aftan er gafallinn bara öðrum megin eins og oft á BMW og hann er úr áli, er með einum dempara og er stillanlegur í báðar áttir. En eins og áður sagt fjöðrun þessa hjóls er fyrir malbikið ekki torfærur. Hjólbarðar eru frekar grófir en henta samt vel á sléttu malbikinu. Vélin er 1170cc og þvermál stimpla er 101mm en slaglengd er 73mm, afl er gefið upp 110 hestar miðað við 7800 snúninga og tog er 88 pund fet á sexþúsund snúningum. Hjólið kemur með sex gíra kassa og hann virkar vel með þessum frábæra mótor. Mótorinn er að sjálfsögðu með beinni innspýtingu. Hjólið er sagt komast í rúmalega tvöhundruð, en það skiptir engu hér á landi er það nokkuð !!?

Bimmi 6

Það er ekki leiðinlegt að geta valið um nokkra Scramblera frá allavega þremur framleiðendum þ.e. Triumph sem reyndar virðist ætla að selja nýja Bonneville hjólið á þann máta að þú bara breytir hjólinu sjálfur í Scrambler með nýju pústi, sæti o.s.frv. og það verður líka spennandi að sjá hvað nýja Bonnie 1200cc vatnskælda hjólið frá Triumph gerir, svo er það Ducati Scrambler hjólið sem er bara flott en er frekar lítið fyrir minn smekk þegar maður sér það “life”, nýji Scrambler frá BMW á örugglega eftir að gera “lukku” bara spurning með verð, því þú færð varla ódýran bimma. Hér að neðan má sjá “spekkur” bimmans og skoðið hvort allt sé rétt í þeirri upptalningu þ.e. miðað við ljósmyndir, hann Gulli okkar veitir verðlaun fyrir þann sem getur bent á það (kaffi og kleina !!).

Stolið og stílfært af netinu:     Óli bruni

 

 

 

 

 

Drivetrain:

Engine::

Air/Oil-Cooled Two-Cylinder DOHC Boxer, Four Valves per Cylinder

Displacement:

1,170 cc

Bore:

101 mm

Stroke:

73 mm

Maximum Horsepower:

110 Horsepower at 7,800 rpm

Maximum Torque:

88 Pound-Feet at 6,000 rpm

Compression:

12.0:1

Fuel Delivery:

50 mm Throttle Bodies

Engine Control:

BMS-MP

Exhaust:

Closed-Loop Three-Way Catalytic Converter

Alternator:

720 W

Clutch:

Hydraulically-Activated Dry Clutch

Transmission:

Constant-Mesh Six-Speed

Primary Ratio:

1.737

Final Drive:

Universal Shaft

Performance:

Fuel Economy:

44 mpg

0-60 mph:

3.5 seconds

Top speed:

124 mph

Chassis:

Frame:

Tubular Steel Space Frame, Engine Self-Supporting

Suspension, Front:

43 mm Inverted Telescopic Fork, 4.7-inch travel

Suspension, Rear:

BMW Paralever, 5.5-inch travel

Rake:

28.5 degrees

Trail:

4.3 inches

Brakes, Front:

Brembo, Hydraulic Dual 320 mm Disc

Brake, Rear:

Hydraulic Single 265 mm Disc

ABS:

BMW Motorrad ABS

Wheel, Front:

Cast Aluminum, 3.0 x 19 inches

Wheel, Rear:

Cast Aluminum, 4.5 x 17 inches

Tire, Front:

120/70 ZR19

Tire, Rear:

170/60 ZR17

Dimensions:

Length:

85.6 inches

Width (with Mirrors):

34.6 inches

Seat Height:

32.2 inches

Wheelbase:

60.1 inches

Details:

GVWR:

947 Pounds

Curb Weight:

485 Pounds

Fuel Tank Capacity:

4.5 Gallons

Recommended Fuel:

Premium Unleaded

Warranty:

One-Year Limited Warranty:

Color:

Monolith metallic matt

 

tekið af mbl.is

Ástr­alska fyr­ir­ætkið Vozz (www.vozzhel­mets.com) kynnti fyr­ir skemmstu til sög­unn­ar bylt­ing­ar­kennd­an mótor­hjóla­hjálm.

Felst sérstaða Vozz-hjálms­ins einkum í því að í stað þess að þurfa að stinga höfðinu inn um op á botni hjálms­ins er hægt að opna aft­ari hluta hjálms­ins og smeygja hon­um yfir koll­inn nán­ast eins og grímu.

Þessi hönn­un hef­ur marga kosti í för með sér. Ligg­ur hjálm­ur­inn t.d. langt und­ir hök­una og þarf ekki að skorða hann fast­an með ól. Þegar hjálm­ur­inn er kom­inn á sinn stað sit­ur hann pikk­fast­ur og loft leit­ar ekki upp und­ir hjálm­inn á ferð.

Til að tryggja að þeir passi full­kom­lega eru Vozz-hjálm­arn­ir gerðir í þrem­ur skelja­stærðum og með með þrem­ur stærðum af fóðri. Með því að velja rétta skel og rétta fóðrun á hjálm­ur­inn að smella eins og flís við rass, sama hvernig höfuðið er í lag­inu.

Merki­leg­ur ör­yggis­eig­in­leiki við hönn­un­ina er að hægt er að smeygja hjálm­in­um af höfðinu án þess að þurfa að toga. Ef mótor­hjóla­maður hef­ur lent í slysi og viðbragðsaðilar þurfa að taka af hon­um hjálm­inn án taf­ar þá er það hægt núna án þess að eiga t.d. á hættu að valda óvart skaða á mænu eða hrygg.

This email address is being protected from spambots. You need JavaScript enabled to view it.

Auðvelt er að ná hjálminum af þegar neyðartilvik koma upp.

Auðvelt er að ná hjálm­in­um af þegar neyðar­til­vik

koma upp.

 

www.vozzhel­mets.com

Löng mótorhjólaferðalög eru góð fyrir heilsuna

“ekki spurning”

 

(ATH. hátíðlegar hugleiðingar um ofangreind ferðalög ! Lestur getur leitt til svefndoða !!)

 

Hvort sem um er að ræða ferðalag 23 ára gamals læknanema frá Argentínu sem fór um alla Suður Ameríku á eins strokka 500cc Norton og gerði það ferðalag frægt með bókinni Motorcycle Diaries eða aðrar góðar ferðasögur á mótorhjóli þá er það ekki spurning að þessi ferðalög hafa áhrif á þrennt a.m.k. Slökun - sjálfskoðun og endurhleðsla ef segja má svo !! Í svona ferðalögum þar sem þú þarft að treysta á sjálfan þig og græjuna sem þú ferðast á þá lærir þú margt um sjálfan þig og ef þú ferðast með öðrum þá lærir þú mikið um ferðafélaga þína.

 

En hvers vegna ætti ég að fara í mótorhjólaferðalag ? Þú átt að fara í gott ferðalag vegna þess að:

 

Mikið af skemmtilegum sögum:

 

Meðan við ferðumst verður á vegi okkar oftast mikið af ókunnu skemmtilegu fólki, við sjáum alltaf eitthvað nýtt, við borðum flest okkar öðruvísi mat, við skemmtum okkur þegar kvölda fer alltaf á nýjum stað. Þarna er aðeins lítillega farið yfir þau atriði sem verða á vegi okkar, en við munum lifa á þessu til æfiloka, því að kynnast náttúrunni sem og þeim sem við hittum er bara allt öðruvísi þegar ferðast er á mótrhjóli.

DSCF6944

 

 

 

Við lærum að þekkja okkur sjálf miklu betur:

 

Að fara í lengri ferðir á mótorhjóli og þurfa að treysta á sjálfan sig að mestu leiti kennir okkur flestum mikið um okkur sjálf. Það kemur oft fljótlega í ljós á svona ferðalögum hvað mann þú hefur að geyma, hvort sem þú ferðast einn eða með öðrum. Þú kemst fljótlega að því hvort þú hafir tekið alltof mikið með þér af búnaði eða alltof lítið, hvort sem það er, þá er það lítið mál því oftast má bara kaupa nýtt eða þvo það sem er óhreint. Flestir taka alltof mikið með sér í sitt fyrsta langa mótorhjólaferðalag. Þarftu að fara í bað daglega ? Geturðu sofið í sama herbergi og margir aðrir, eða kemur tjaldnotkun ekki til greina. Það má lengi telja en margir segja að það sem reynir mest á menn eru ferðafélagar t.d. þegar þú hefur aldrei ferðast með viðkomandi ferðafélaga og ekkert hefur verið ákveðið fyrirfram, ekki hvernig og hvar á að gista, hvar á að borða og svo hver leiðir ferðina o.s.frv. Margir hafa vaknað upp við vondan draum þegar í ljós kemur að ferðafélaginn er bara fúll á móti ef ekki er farið eftir hans hugmyndum um allt og ekkert, t.d. það ekið of hægt of hratt, of stutt á milli hjóla ofl. Gist á röngum stöðum, matstaður ekki rétt valinn. Hefur ferðalagið heppnast eftir að hafa ferðast með öðrum ? Ef spurt er: Hvernig var ferðin og myndurðu fara aftur með þessum ferðafélaga þá er oft bara öðru atriðinu svarað. En af þessu öllu lærir þú mest á sjálfan þig og lífið er sem og mótorhjólaferðalög er einn stór gagnabanki þar sem þú lærir á sjálfan þig og í leiðinni er þetta besta skemmtun í heimi.

Ameríka á hjóli 2014 063

 

 

Þeir sem þú munt hitta á ferðalagi þínu:

 

Það eru ekki til neinar leiðbeiningar í raun hvernig þú átt að koma fram við þá sem þú hittir á ferðalagi þínu, þetta á oftast við ferðalög á erlendri grund, þú verður bara að læra allt svoleiðis með eigin reynslu. En að fara í langt ferðalag mun alltaf verða mikil upplifun og allir ættu að fara í svoleiðis ferðalag allavega einu sinni á æfinni. Þessi ferðalög eru yfirleitt ekki ódýr og tala nú ekki um ef þú býrð á eyju útí ballarhafi. Ferðin þarf oftast að vera nokkuð vel undirbúin og þá sérstaklega ef nokkrir ferðast saman, en það sem lagt er fram í peningum sem og undirbúningsvinnu, er borgað margfalt til baka með skemmtilegri upplifun og minningum sem lifa með þér til loka.

Ameríka á hjóli 2014 310

 

Ferðalagið mun örugglega gera þig að sjálfstæðari einstaking:

 

Þetta á bæði við hvort sem þú ferðast einn eða með öðrum, en á meira við ef þú ferðast einn. Ef þú ferðast einn þarftu að taka allar ákvarðanir einn og sjá einn um hjólið þitt sem og annað sem þú tekur með þér. Gæturðu treyst ókunnum fyrir hjólinu þínu og farangri meðan t.d. að þú skreppur eitthvað til að borða eða annað og þér sýnist þú vera staddur í svona frekar vafasömu umhverfi ? En sagt er að öll svona reynsla skerpi bara meðvitund þína á umhverfi þínu sem og þeim sem þú kemst í kynni við. Að ferðast einn hefur líka marga kosti þú ræður hvort þú hjólar langt eða stutt, á hvaða hraða (löglegum), hvar á að gista, hvað á að borða og hvenær o.s.frv. Sem sagt þú ert þinn eigin húsbóndi.

 

Þú lærir á hjólið þitt:

 

Á lengri ferðalögum gætir þú þurft að strekkja keðju (já ég veit um Bimma með bílaskaft), skipta um kerti, perur, jafnvel bremsuklossa, já ekki má gleyma olíu og síuskiptum. Auðvitað vitum við það að þetta kunna allir ekki rétt ! En að gera við bilanir á nútíma hjólum er allt annað því oftast þarf einhvern tölvubúnað sem segir manni svo aftur að hjólið sé bilað !! En ekki er slíkur búnaður tekin með. Þá er eins gott að vita um næsta umboð eða einhvern sem gæti lagfært græjuna. Þess vegna er mikilvægt að yfirfara hjólið vel áður er lagt er í hann t.d. olíuskipti, hjólbarðar nýlegir og með réttum loftþrýsting, smyrja það sem smyrja þarf sem og barka, keðju og ef hjólið er ekið nokkuð marga km. þá að skoða vel ástand keðju og tannhjóla. Hlaða hjólið ekki of mikið af farangri og huga vel að því að fljótlegt sé að taka farangur af sem og að setja hann á. Semsagt læra vel á hjólið sitt áður en lagt er í hann, en svo sem ekkert að því að læra meira á græjunar á ferðalaginu. Ekki gleyma þeim búnaði sem þú ætlar að klæðast að hann henti vel til ferðalagsins.

 20140606 131832

 

 

 

Þú munt heimsækja staði sem þú taldir vera utan þinna marka:

Þröngar götur og sund eru oftast engin hindrun þegar þú ekur mótorhjóli og þannig kemstu á staði sem þú hefðir aldrei farið á bifreið. Síðan getur þú lagt hjóli þínu eiginlega hvar sem er án þess að verða fyrir því að fá sekt eða hjólið dregið í burtu en þetta gerist þó svo það er eins gott að skoða vel umhverfi sitt þegar þú leggur hjóli þínu, því sagan segir okkur að menn hafa komið frá því að bara að borða og hjólið er horfið, en því var ekki stolið nei það var bara bannað að leggja græjunni þarna og hún fjarlægð af einhverri dráttarbifreið. Sumir eru heppnir og aðrir hjólamenn hafa fært hjólið þitt á öruggan stað. En það miklu meira jákvætt við það að aka mótorhjóli heldur en hið andstæða.

Ameríka á hjóli 2014 450

Niðurlag:

Þessi skrif eru orðin líkari ritgerð meira segja ég er farin að “drepa tittlinga” (þið þessir eldri vitið hvað þessi setning þýðir) en ykkur til skemmtunar þá bendi ég á tvö ferðalög sem gerðir voru þættir úr og gaman að þeim báðum þó sumt sé svona “feik” í sumu þ.e.a.s. að menn séu alveg einir á ferð og verði að bjarga sér sjálfir, en þessir skemmtilegu þættir eru Long Way Round og Long Way Down. Benda má á að í seinni seríunni þá blanda eiginkonur ferðalanga í málið og þá vitið þið hvað gerist. Hvernig er hægt að bera saman að ferðast á bifreið eða mótorhjóli, nei það er bara ekki hægt, nei engin samanburður, eina sameiginlega er það að hugsanlega koma bæði tækin þér á áfangastað. En gleymum ekki einu það er ekki vegalengdin sem farin er, nei það er ferðalagið sjálft. Öfugt við marga aðra þá spyrja margir íslenskir mótorhjólamenn oft um hvað margir KM voru eknir en ekki hvort það hafi verið gaman. Jæja svo nú er bara að skipuleggja næsta mótorhjólaferðalag til fjarlægra landa ekki rétt.

Andlegra hugleiðingar stolnar héðan og þaðan:

Óli bruni

 

Friday, 05 February 2016 22:37

Honda CRF1000L Africa Twin 2016

Markaðurinn fyrir þessi svokölluðu alhliða mótorhjól fer stækkandi með hverjum degi þ.e.a.s. hjól sem má nota jafnt á malbiki sem á grófum malarvegum, svona græju sem hentar bæði vel í Reykjavík (holubæ) og á Kjalvegi. BMW R1200GS hjólið hefur í raun átt þennan markað að miklu leiti og þessi “ódýri” bimmi hefur selst eins og heitar lummur um allan heim. Honda hefur ekki mikið sótt inná þennan “dual” markað undandarin ár en nú verður breyting á með tilkomu gamals vinar: CRF 1000L Africa Twin og það er ekki dónaleg endurkoma.

 

A T - 3

Þetta hjól var hannað af Hondu með tvö orð í huga FER ALLT. Og það má sjá á hjólinu að markmiðinu virðist vera náð. Þótt hjólið virðist geta farið yfir nær flestar ófærur þá er það ekki mjög hátt í sæti og þyngdarpunkturinn er neðarlega. Mótorinn er tveggja strokka (paralle twin) 998cc. Afhverju ekki V mótor ? Jú með þannig mótor hefði hjólið orðið of langt segir Honda, sem og að með þessum mótor verður hjólið “grant” um mittið ef segja má svo. Hönnun mótors sækir mikið til hefðbundinna “drullumallarra”, með alls konar vigtarendum á hreyfanlegum hlutum innan mótors, mýkra átak minni titringur.

A T - 4

 

Honda kynnti hjólið til sögunnar á viðeigandi stað þ.e.a.s. í suður Afríku á lokuðu svæði sem hugsað er fyrir veiðimenn sem vilja skjóta villt dýr löglega. Mótorhjólablaðamenn frá hinum ýmsu mótorhjólablöðum var boðið að prufa hjólið í tvo daga (ég sá reyndar enga mynd af Njáli ökukennara/blaðamanni !). Blaðamenn sögðu strax við fyrstu prufur að hjólið væri alveg sérstaklega meðfærilegt við flestar aðstæður, en byrjað var á malbiki síðan malar og moldarvegum. Mótorinn togar virkilega vel frá lágum snúning, titrar nær ekkert þó hressilega sé snúið uppá rörið. Hjólið slær ekkert slöku við þó tveir sitji á því og vel fer bæði um ökumann og farþega. Hjólið liggur virkilega vel í gegnum beygjur þó undirlag sé laust í sér, en ekki reyndi eins mikið á hjólið á malbikinu því án gríns þá svona flaut það vegna hita þegar hjólið var prufað, ja hérna þetta gerist líka annars staðar en á Íslandi !!!! Búum við þá í vanþróuðu landi ??!! Hjólið vigtar um 503 lbs. og uppgefin hestöfl eru 94, þannig að þetta er ekki nein CBR1000RR Honda.

A T - 5

 

Hjólið kemur með ABS sem og átakstýringu í afturhjól og allt stillanlegt miðað við aðstæður, t.d. bara hægt að hafa ABSið á afturhjólbarða og þetta ABS kerfi kom mönnum vel á óvart hvað það virkaði vel í möl og lausu undirlagi, öfugt við mörg önnur mótorhjól með ABS. Tölvustýrða átakskerfið í afturhjól er með fjórar stillingar: O.Af – 1.sport og þá rennur hjólið til að aftan í hressilegri inngjöf og grípur lítið inní – 2. Heldur þér nokkuð frá því að fara á hausinn en samt smá spól – 3. Þú mátt bara ekki gera neitt spennandi! Þessi búnaður þ.e. bæði ABS og spyrnuátakið (traction control) er einfaldur í notkun. Hondu hönnuðir lögðu nokkuð mikið á sig í því að hjólið tæki sem minnst vind á sig, hvort sem það er á hlið eða að framan. Vindhlífin þ.e. glerið veitir þér góða vörn og í raun of góða því ökumaður þurfti að standa upp þegar það rigndi því ekki var hægt að sjá yfir gler sitjandi.

A T - 7

 

Eftir hvern dag gátu blaðamenn spurt þá sem þekktu hönnun hjólsins, því Honda í allri sinni japönsku nákvæmni (lærðu þetta af Englendingum !) höfðu fengið þá sem eins og áður sagt hönnuðu hjólið frá A-Ö á staðinn til að svara öllum spurningum fagmannlega. T.d. svaraði einn aðalhönnuðirinn spurningum um hvað það væri sem gerði hjólið svona gott í meðförum við flestar aðstæður: Þrjú aðal atriði sagði hann: Grindin þarf að vera nógu stíf en ekki of stíf-hlutföl milli mótors og grindar þ.e. að mótor taki ekki of mikið pláss sé partur af grindinni – því er mótorinn festur í grindina á sex stöðum. Miðað við spurningar og svör prufuökumanna blaðanna þá sagði þessi hönnuður að nær öllum atriðum hefði verið náð og hjólið fengi nærri því 10 í einkunn ekki leiðinleg niðurstaða í nýhönnuðu hjóli, því oft er sagt að kaupa aldrei fyrstu árs framleiðslu af nýju hjóli.

 

Hjólið er með stillanlega fjöðrun bæði framan og aftan og jafnvel verksmiðjustilling virkaði vel við flestar aðstæður og misjafna þyngd ökumanna. Mjög gott er að standa á hjólinu þegar ekið er yfir ójöfnur því jafnvel standandi liggur stýrið vel fyrir flestum ökumönnum sem og hjólið er mittismjótt eins og áður sagt, stýrið leggur vel á svo hægt er að aka hægt í gegnum krappar beygjur án fyrirhafnar. Africa Twin hjólið er boðið velkomið aftur þín hefur verið saknað sögðu blaðamenn, Bimminn má fara að vara sig því: There is a new kid in town !! En hér að neðan má sjá tæknilegar “spekkur” sem og kosti og galla, því jafnvel Honda framleiðir ekki gallalaus hjól (úff ætli vinur okkar Tryggvi Bacon í Eyjum hafi heyrt þetta).

A T 9

 

Stolið og stílfært af netinu

 

Óli bruni

 

UPS

DOWNS

2016 Honda CRF1000L Africa Twin

  • Clean-sheet design that delivers in all conditions
  • Good suspension and chassis
  • Refinement at every level
  • Power-to-weight ratio could be better
  • Vague on-road handling
  • A bit too sensible

 

SPECIFICATIONS

PRICE

$12,999 base; $13,699 DCT

ENGINE

Liquid-cooled parallel twin

DISPLACEMENT

998cc

BORE x STROKE

92.0 x 75.1mm

INDUCTION

EFI

TRANSMISSION

Constant mesh 6-speed manual/6-speed DCT w/ on- and off-road riding modes

FRONT SUSPENSION

45mm Showa cartridge inverted fork; 9.0-in. travel

REAR SUSPENSION

Pro-Link single shock w/ hydraulic preload; 8.7-in. travel

BRAKES

Dual 310mm wave discs front, 256mm wave disc rear; ABS; parking brake on DCT model

FRONT TIRE

90/90R-21 tube type

REAR TIRE

150/70R-18 tube type

SEAT HEIGHT

34.3 & 33.5 in.

WHEELBASE

62.0 in.

RAKE / TRAIL

N/A

FUEL CAPACITY

5.0 gal.

CLAIMED WET WEIGHT

511 lb. ABS, 534 lb. DCT/ABS

 A T 8  gamalt og nýtt

 

 

Ekið á gangandi vegfaranda:

 

  1. 1.Hann hljóp í átt að gangstéttinni, en ég náði honum !
  2. 2.Ja hann bara hljóp útum allan veg, ég beygði í allar áttir áður en ég ók á hann !
  3. 3.Ég var alveg öruggur á því að sá gamli myndi aldrei ná uppá gagnstétt svo ég ók á hann !
  4. 4.Svo ég myndi ekki aka á bílinn fyrir framan þá ók ég á þann gangandi
  5. 5.Sá gangandi vissi ekkert í hvaða átt hann átti að forða sér svo ég bara ók á hann !
  6. 6.Ökumaður á undan ók á þann gangandi svo ég bara ók á hann líka !
  7. 7.Ég sá sorgmætt andlit gamla mannsins þegar framdekkið hjá mér lenti á honum, já það gerðist eins og þetta væri sýnt hægt !
  8. 8.Sá gangandi lenti á mér og fór undir hjólið !
  9. nr 1

 

 

Ekið á bíl:

 

  1. 1.Ég ók á bíl sem kom úr andstæðri átt kyrrstæður !
  2. 2.Hann bara bakkaði á mig og lenti á konunni minni !
  3. 3.Hann bara ók á mig án þess að láta mig vita að hann ætlaði að aka á mig !
  4. 4.Hjólinu mínu var löglega lagt þegar ég ók á bílinn !
  5. 5.Þegar ég sá að ég gæti engan veginn forðað árekstri þá gaf ég hjólinu í botn til að forða árekstri !
  6. 6.Ég hægði á mér en bílarnir fyrir framan mig voru miklu meira stopp en ég hélt !
  7. 7.Ég var að renna til hliðar svo ég reddaði mér með því að aka á bílinn !
  8. 8.Ég var bara að aka útúr stæðinu heima í rólegheitum þegar hann ók á mig á sama stað og oft áður !
  9. 9.Sá sem var á bílnum fyrir framan mig stöðvaði á gulu ljósi svo ég varð bara að aka á hann !
  10. nr 2

 

Ýmis óhöpp:

 

  1. 1.Ég var bara að fara heim þegar ég ók á rangt hús og síðan á tré sem ég á ekkert í !
  2. 2.Ég sagði löggunni að væri óslasaður, en þegar ég tók af mér hjálminn þá fann ég að ég var höfuðkúpubrotinn !
  3. 3.Ég tók af stað frá stæðinu, horfði á farþega minn og hann bakkaði á mig !
  4. 4.Ég kom að gatnamótum og þá allt í einu var komið þarna stöðvunarskildumerki sem hafði aldrei sést þarna áður svo ég bara ók á bílinn !
  5. 5.Ég var að reyna að drepa flugu þegar ég ók á staurinn !
  6. 6.Ég flaug af hjólinu útí skurð og þar fundu nokkrar beljur mig nokkru síðar !
  7. 7.Ljósastaur nálgaðist mig mjög hratt og reyndi að beygja en hann ók á mig !
  8. 8.Það kviknaði bara í hjólinu mínu og einhver rétti mér teppi til að breiða yfir mig !
  9. nr 3

 

 

Hver á sökina ?:

 

  1. 1.Engin á sökina en þetta hefði samt aldrei gerst hefði ökumaður bílsins verið betur vakandi !
  2. 2.Ég hélt að sagður hámarkshraði ætti ekki við eftir miðnætti !
  3. 3.Ekki spurning að örsökina má rekja til ökumannsins á lítla bílnum með stóra kjaftinn !
  4. 4.Ég var á svona 85 km hraða þegar kærasta mín greip um punginn á mér og árekstri var ekki forðað !
  5. 5.Ég var á leiðinni til læknis með slitna keðju og þá fór ég á hausinn !
  6. 6.Ég fór á hausinn þegar ég veifaði til manns sem ég rakst á í síðustu viku !
  7. 7.Ekkert vitni var að óhappinu fyrr en eftir óhappið !
  8. 8.Ég var búin að vera með próf í yfir þrjátíu ár þegar ég sofnaði !
  9. 9.Helvítis strætóinn var fyrr á ferðinni en venjulega svo ég ók á hann !
  10. 10.Hann var alveg ósýnilegur bílinn sem ég ók á !
  11. 11.Ég var að fylgjast með bílnum fyrir framan mig sem og aftan mig, þegar ég horfði á bílinn á hægri hönd mína og þeir voru valdir að óhappinu !
  12. 12.Helvítis hundurinn olli óhappinu með því að reyna að halda í við minn hraða !
  13. nr 4
  14. nr 5

 

 

Við Gaflarar eigum örugglega engin svona svör eftir óhöpp, Hafnfirðingar eru mikið betur gefnir ekki rétt ?

 

 

 

Óli bruni með smá bull af netinu !!

tekið af mbl.is

Þó hlífðarfatnaður verði senn að uppfylla evrópska staðla þá er ekki þar með sagt að ...

stækka

Þó hlífðarfatnaður verði senn að upp­fylla evr­ópska staðla þá er ekki þar með sagt að það sé lög­bund­in skylda fyr­ir fólk að klæðast hon­um. mbl.is/​afp

Í síðustu viku samþykkti þing Evr­ópu­sam­bands­ins ný lög sem segja að hlífðarfatnaður fyr­ir mótor­hjóla­fólk verði að upp­fylla evr­ópska staðla.

Hingað til hafa aðeins verið staðlar fyr­ir hanska, stíg­vél og per­sónu­hlíf­ar en nú er semsagt búið að bæta fatnaðinum sjálf­um við. Þetta þýðir á manna­máli að inn­an ör­fárra ára verður all­ur mótor­hjólafatnaður sem er seld­ur í Evr­ópu að upp­fylla sama ör­yggis­prófaða staðal­inn. Fatnaður­inn verður að veita lág­marks­vörn gegn nún­ingi og höggi. Eins og á stíg­vél­um og hönsk­um verður að vera miði inn­an á fatnaðinum sem staðfest­ir að fatnaður­inn upp­fyll­ir kröf­urn­ar sem til hans eru gerðar. Einnig verða að vera upp­lýs­ing­ar um viðhald, þvott, geymslu og notk­un í gall­an­um. Ekki er enn ljóst ná­kvæm­lega hvenær þess­ar kröf­ur verða að veru­leika en bú­ast má við að það verði inn­an fárra ára eins og áður sagði.

Lög­bind­ur ekki notk­un

Nýju lög­in þýða ekki að mótor­hjóla­fólki sé skylt að nota hlífðarfatnað, alla­vega ekki í öðrum lönd­um Evr­ópu. Þessi reglu­gerð er fyrst og fremst sett til að setja regl­ur á hvað er selt og hvað má ekki selja sem hlífðarfatnað. Að sögn aðal­rit­ara FEMA (Evr­ópu­sam­taka mótor­hjóla­sam­taka), Dolf Willi­gers, hef­ur Evr­ópu­sam­bandið eng­ar áætlan­ir um að setja lög um notk­un hlífðarfatnaðs. „Þetta er neyt­enda­vörn sem við höfðum ekki áður. Svo lengi sem Evr­ópu­sam­bandið mun ekki nota lög­in til að neyða fólk til að nota hlífðarfatnað fögn­um við þess­um lög­um. Við mun­um líka sjá til þess að það ger­ist ekki,“ sagði Dolf Willi­gers um nýju lög­in. Formaður Snigla, Hrönn Bjarg­ar Harðardótt­ir, er ekki eins bjart­sýn. „Sett voru lög fyr­ir nokkr­um árum síðan á Íslandi sem skylda mótor­hjóla­fólk til að nota hlífðarfatnað,“ sagði Hrönn í viðtali við Morg­un­blaðið. „Lög­in höfðu að hluta til öfug áhrif, fram að laga­setn­ingu hafði notk­un hlífðarfatnaðar ekki verið sýni­legt vanda­mál en eft­ir gildis­töku lag­anna fór meira að bera á því að fólk notaði ekki hlífðarfatnað, sum­ir mögu­lega í mót­mæla­skyni,“ sagði Hrönn. Snigl­ar hafa áhyggj­ur af því að lög­in verði mögu­lega nýtt á rang­an hátt til stuðnings hlífðarfatnaðarskyld­unni hér­lend­is, þó svo að þeim sé ein­göngu ætlað að vernda kaup­end­ur. „Auðvitað er það gott mál að all­ir noti hlífðarfatnað en það á að vera val hvers og eins, hversu mik­inn hlífðarfatnað hann eða hún not­ar, af hvaða gerð eða þess vegna hvaðan hann er keypt­ur. Þeir sem vilja góðan hlífðarfatnað gætu hins­veg­ar nýtt lög­in til að sjá hvaða fatnaður upp­fyll­ir bestu staðlana,“ sagði Hrönn enn­frem­ur.

Flest mótor­hjóla­fólk á Íslandi tel­ur sjálfsagt og eðli­legt að nota hlífðarfatnað á mótor­hjól­um, seg­ir Hrönn Bjarg­ar Harðardótt­ir, formaður Snigla.

This email address is being protected from spambots. You need JavaScript enabled to view it.

Nei þetta er ekki fyrirsögn fyrir einhverja vafasama sögu, sem kannski myndi fá meiri lestur heldur en þessar síendurteknu greinar um mótorhjól !! Reyndar var hann Húni (Bjössi) okkar búin að biðja mig um að skrifa nú eitthvað virkilega hressandi, en kannski átti hann við skrif um Harley !!

 

Hönnuðir sem og eigendur Yamaha hafa áttað sig á því eins og mörg önnur mótorhjólafyrirtæki að flestir kaupendur mótorhjóla vilja sjá hvernig hjólið lítur út “nakið”, án allra hlífa o.s.frv. Reynar eru alltaf tískusveiflur í heimi mótorhjóla og tískan í dag er á ýmsum nótum. Til batnaðar ? Spurning sem er bara smekkur manna þann og  þann daginn, líka hjarðhegðun ekki satt !!

 

Mörg af þessum nýju hjólum líta út eins og þau séu hugsuð í næstu Mad Max bíómynd og hvað segið þið um nýja “nakta” hjólið frá Yamaha, sem er sagt sé í raun nakinn R1 sem er nú ekki dónalegt ef segja má svo ! Yamaha menn segja þetta sé næsta þrepið í þróun hjóla og í raun framhald MT og FZ hjólanna og toppurinn í þessari þróun sé hjólið MT-10 , sem eins og áður sagt er nakinn YZF- R1. Mótorinn er endurhannaður 998cc með meira tog í huga heldur en afl.

 

Hvað segið þið um útlitið ? já mér sjálfum datt í hug þessi Mad Max stíll eða bara framtíðin, til batnaðar ? Alltaf smekkur manna sem ræður för, eða hvað aðrir segja ha !!?? Hvað er sparað í þessu hjóli miðað við R1, jú t.d. í stað titanium stimpilstanga koma hefðbundnar stál stimilstangir. Mótorinn er  79mm x 50.9mm (bore & stroke). Þjappan er nokkuð hressileg eða 12.0:1 og leitast við að ná sem mestu afli niðri og á miðjusviði snúningshraða. Aflið er sagt vera a.m.k. 150 hestar í afturhjólbarða.

 

Inngjöf er eins og oftast í dag rafmagnsstýrð, þ.e. engir barkar. Allt tölvustýrt til að aðstoða ökumann við allar aðstæður t.d. spólvörn og stillanlegt afl í afturhjól. Snuðkúppling (slipper clutch) gerir það að verkum að hægt er að skipta hressilega niður án þess að læsa afturhjólbarða. Hjólið verður örugglega í hörku samkeppni við t.d. BMW S1000R og Aprilla Tuono V4 en verðið ræður örugglega mestu um hvað menn kaupa eða kannski gæði.

 

Grind hjólsins er vígaleg að sjá, er úr áli og líkist mikið grind R1 hjólsins. Framdemparar eru 43mm, þessir sem kallaðir eru inverted eða bara á hvolfi ! aftur gafflall er líka úr áli með einum dempara, öll fjöðrun er stillanleg. Hjólið kemur með ABS bremsum og felgur eru 17 tommu bæði framan og aftan. Þessi grein er aðeins formáli á vonandi annarri grein þar sem fjallað verður betur um aksturseiginleika þessa hjóls, þau tækniatriði sem ekki koma fram hér ofl., þ.e.a.s. ef ég man eftir að skrifa aðra grein ha !!

 

Fengið að láni að vanda af netinu

 

Óli bruni

MT-10  2

MT-10   3

MT-10   5

MT-10    3

MT-10    6

 

Mótorhjól eru ekki spurning skemmtileg ökutæki. Það er í raun ekki skemmtilegra en að fara út að hjóla og já bara eitthvað sem og að vera frábært samgöngutæki (ja suma mánuði hér á landi).

 

 

 

Þessi tveggjahjóla ökutæki eru ekki bara skemmtileg heldur flest falleg á að horfa, en það eru allavega nokkur atriði sem fara í taugarnar á sumum okkar og hér eru nefnd tíu þessara atriða:

 

 

 

 

 

1. Umferðateppa

 

 

 

Mikil umferð er frekar leiðinleg og að þurfa að bíða í langri röð ökutækja án þess að getað farið á milli eða meðfram bílaröðinni er bara “pain in the ass”. Að vera búin að klæða sig í viðeigandi búnað og á hugsanlega ætla að hjóla með hóp vina og þú leggur af stað brosandi en ekki líður á löngu þangað til þú situr í umferðarteppu þar sem ekkert hreyfist. Og þú sem hélst að góða verðið  og fallegt útsýni myndi bíða þín sem og góðir samferðamenn, en nei aðeins mengun frá bíldruslum og viðeigandi spilun á bílflautur. Nær allir þessir ökumenn bíla eru að fara eitthvað en þú hjólamaður ert þarna til að hafa gaman af ferðalaginu á mótorhjólinu þínu. Verð að bæta því við að flestar siðmenntaðar þjóðir leyfa mótorhjólamönnum að aka milli bílaraða sem og meðfram þeim, en mótorhjólamenn gera það sjálfsögðu á eigin ábyrgð. Margir sem reiðhjólamenn gera þetta í dag og hafa gert nokkuð lengi og engin er svo sem að röfla yfir því (ekki mikið allavega) þó þeir séu á akbrautum, en um leið og mótorhjólamaður gerir þetta verða margir ökumenn bíla mjög svo fúlir vægt til orða tekið. (svona okkar á milli gæti ég skrifað miklu meira um umferða “menningu” reiðhjólamanna en sleppi því hér (á og nota reiðhjól sjálfur).

 

 1 - Traffic

 

 

 

2. Aumur afturendi (rass).

 

 

 

Hver man ekki því að eftir að hafa ekið mótorhjóli í a.m.k. tvær klukkustundir að verða orðin svona frekar aumur í rassinum og þessi kjötmesti hluti (hjá flestum) líkama þíns virðist orðin eins og straubretti. Að öllu jöfnu skiptir sætið auðvitað miklu máli, en það kemur alltaf að því að þú ert orðin svona frekar aumur og þreyttur þarna, í löngum ferðalögum virðist þetta venjast með dögunum, en alltaf kemur að því að þú ert farin að færa þig til í sætinu til að finna minna til. Það eru að sjálfsögðu til alls konar aukahlutir sem hjálpa til t.d. “sílikon” púðar o.s.frv. En að loknum löngum degi á hjólinu ertu orðin aumur, svona á léttu nótnum ætti formaður vor að koma á reglu um “rassnudd” frá félögum í lengri ferðum !!!!!!!!!!!

 

Sé Gulla fyrir mér að nudda rassinn á Sigurjóni (nei ekki falleg hugsjón !!)

 

 2-2 rass

 

 

 

3. Rigning

 

 

 

Að hjóla í rigningu er svo sem ekkert leiðinlegt ef þú ert rétt stemmdur og klæddur réttum búnaði, en oftast er það nær ekkert gaman að hjóla í rigningu, tala nú ekki um eins og akvegir okkar eru í flestum tilfellum. Af hverju er svona leiðinlegt að hjóla í rigningu ? þú getur orðið blautur, þér getur orðið kalt, grip versnar um heila helling, að taka af stað, í beygjum, við hemlun ofl. Og að sjálfsögðu verður skyggni verra, hjálmur getur móðast og tala nú ekki þá sem nota gleraugu. Ökumönnum á blikkbeljum líður bara að öllu jöfnu vel við þessar aðstæður þó þeir aki við sömu aðstæður, þ.e.a.s. þeir sjá verr, þeirra skyggni versnar einnig og grip hjá þeim er líka verra, en margir þeirra taka nú ekkert tillit til þessara aðstæðna og alls ekki gagnvart mótorhjólaökumönnum, nei hver hefur ekki fengið yfir sig vatnsgusu frá blikkbelju í rigningu, já jafnvel sumir sem virðast hafa gaman af því að gusa yfir hjólamenn og jafnvel gangandi, tala nú ekki um í borg Holuhjálmars. Bæti hér við að það eru alls konar leiðbeiningar á netinu hvernig best er að haga akstri mótorhjóla á netinu eða bara hlusta vel á vanari menn sem viðurkenna að það sé hættulegra að aka í rigningu.

 

 

3 - rigning og hjol

3-2 rigning

 

 

 

4. Að þurfa að halda á hjálmi sínum að loknum akstri

 

 

 

Ef þú ekur mótorhjóli mest innanbæjar eða bara stuttar ferðir í nágrannasveitarfélög þá kannastu nær örugglega við það að vilja ekki skilja hjálm þinn eftir á hjólinu án þess að getað fest hann við hjólið á öruggan máta, því hjálmar eru í flestum tilfellum frekar dýr búnaður. Þú vilt bara halda á honum til að tryggja að honum verði ekki stolið, eða falla af hjólinu og skemmast. Sum hjól eru með búnaði til að festa hjálmana við á nokkuð öruggan máta, en það gerist sam að það er rekist utan í á með þeim afleiðinum að þeir rispast og jafnvel skemma hjólið. Hver hefur ekki séð menn taka sér sæti á veitingastað fyrir hjálminn sinn eða bar næsta borð, með misjöfnum ánægjuröddum rekstraraðila eða annarra gesta.

 

 hjalmur undir hendi

4-2 kaffi

 

5. Hjálma hár !

 

 

 

Veit nú varla hvernig á að skrifa þetta, en reyni: Hverjum líður vel með hvernig hárið lítur út eftir að hjálmurinn er tekin af höfði voru. Ja allavega miðað við það sem ég les þá er fullt af eigendum mótorhjóla sem eru mjög fúlir hvernig hárgreiðslan fer í vaskinn við notkun hjálms, en ég trúi því varla að þarna sé verið að tala um KARLMENN, nei þetta hlýtur að eiga við konur og það skil ég svo sem, því ég hef heyrt konuna mína tala um þetta vandamál, en hugsanlega eru jafnvel einhverjir “hárgelkarlar”sem hafa áhyggjur af hári sínu vegna notkunar hjálms ! Er þá bara ekki rétt að raka af sér hárið ha ?! Spurning hvort er meira atriði innhald höfuðs ökumanns eða útlit hárgreiðslunnar ?

5 - hár

 

 

 

 

 

6. Að verða fyrir óhappi er vont

 

 

 

Það er mikill munur að sitja í járnbúri sem blikkbeljur eru þ.e.a.s. öryggissins vegna. Ökumenn bíla geta leyft sér ýmislegt við akstur sem útiloka er fyrir hjólamenn að gera. Bílstjórar gera ýmislegt undir stýri, t.d. borða, mála sig, greiða sér, tala í símann og telja sig samt hafa stjórn á blikkbeljunni. Þetta er hættulegt fyrir þá sem og aðra í umferðinni, ég tala nú ekki um eftir að svokallaðir “smart” símar komu til sögunnar, því þó símarnir séu “smart” þá eru ökumenn bíla sem nota þessi tæki til að lesa fésið, senda sms, nota snappchatt, lesa meil og senda !! Kannski ekki jafn “smart”. Allt ofangreint skapar hættu fyrir hjólamenn og þeir geta ekki leyft sér þetta því þeir þurfa að vera með hugann 100% við akstur mótorhjóls og vera rétt búnir til akstur þó þeir líti út fyrir að vera geimfarar, því einan vörnin við óhapp er klæðnaður þinn og því komum við að næsta atriði.

 

 6 - krASS

 

 

 

7. Rándýr búnaður hjólamanna

 

 

 

Að eiga og aka mótorhjóli er dýrt, ekki bara hjólið, tryggingar o.s.frv., nei sá búnaður sem bið þurfum að kaupa eins og t.d. hjálmur, klossar, hanskar, buxur, jakki, undirfatnaður, brynja, sólgleraugu, síðan regngalli og/eða svokallaðir Goretex gallar sem sameina marga hluti. Reynslan hefur sýnt okkur að það borgar sig yfirleitt ekki að kaupa eitthvað ódýrt, því sá búnaður endist ekki vel, gerir ekki það sem hann er auglýstur fyrir o.s.frv. Síðan er það spurning hvort við eigum að verðleggja öryggi okkar og þægindi. Vonandi verður þessi búnaður ódýrari í framtíðinni vegna breytinga á aðflutningsgjöldum, eða framleiðendur og söluaðilar lækka verð (já manni má dreyma!!).

 

7 -1 - fot

7-2 fot 

 

 

 

8. Vörubílar, rútur og strætó

 

 

 

Hafið ekið fyrir aftan stóran vörubíl eða rútu á heitum degi innanbæjar ? Sumir líkja því við að vera inní viðarkynntum pizzaofn, eða vera fastur fyrir aftan slík tæki á umferðaljósum ? Engin hefur áhuga að taka upp pípureikingar er það og nota púströr díeselvörubíls sem pípu ??!! Fyrir utan hvað þessi tæki eru oft hávaðasöm og hægfara, sem og að taka mikið pláss. Kannski eina jákvæða við rútur og strætó er að venjulegum bílum fækkar á akbrautum, allavega stundum. Sagt er að ráðamönnum höfuðborgarinnar dreymi um að allir séu á reiðhjólum eða taki strætó, það væri nú flott nóg pláss fyrir mótorhjólaökumenn= draumaheimur !!

 

 8 - rúta

 

 

 

9. Sprungin hjólbarði

 

 

 

Eini kosturinn við að aka á bíl að í þeim flestum er varahjólbarði, en ef við værum með slíkan búnað yrðum við að hafa tvo því ekki er hægt að nota afturfelgu að framan, ef einhver spyr afhverju ekki ? Ja sá ætti að halda sér við bíl er það ekki !! Það er frekar leiðinlegt að verða fyrir því að missa loft úr hjólbarða, tala nú ekki um einhversstaðar utan byggðar, fyrir utan hættuna sem getur skapast ef það “púnkterað”en þeir sem eru á hjólum með slöngulausum hjólbörðum geta bjargað sér með viðgerðarsetti og loftpumpu, t.d. eru eigendur og notendur drullumallara oft snillingar í því að gera við slöngur, svo bara að hafa einn slíkan alltaf með í för !! En hvað fer mest í taugarnar á flestum hjólamönnum?? Lesum um það að lokum (ja þeir sem hafa nennt að lesa hingað!!).

 

 

9-1 -flat tire 1

9-2 - flat tire 2

 

 

10. Farangur

 

Hverjum þykir gaman að því að vera með mikin farangur á hjóli sínu, t.d. tvær hliðartöskur, topptösku og jafnvel tanktösku, þær töskur eru mjög svo hollar fyrir lakkið á bensíntanknum !! Hjólið verður yfirþungt, já bara yfirleitt leiðinlegt í akstri, allavega leiðinlegra. Tala nú ekki um ef þú tekur farþega með að auki, allt í einu hefur hjólið jafnvel tvöfaldað þyngd sína. Ferðin verður bara allt öðruvísi, þú hallar hjólinu öðruvísi, þar er miklu erfiðaðra að leggja því og einnig er verra að stöðva. Sumir nota bakpoka en þá verður hugsanlegur farþegi að taka við honum. Svo verður þessi bakpoki til skemmtunar!!! þegar stöðvað er eða þannig (ekkert sko). Fá eða engin hjól eru flott með töskum, ja kannski nokkrir Harley og einn Bimmi. En stundum verðum við bara að taka með farangur, þá er eins gott að huga vel að því hvernig honum er komið fyrir á hjólinu, jafnt báðu megin og alls ekki of miklu hlaðið á hjólið. Ég man eftir einni utanlandsferð með konu minni, ég fékk leigt hjól með hliðar og topptösku (á Spáni) og þær voru sko fullvaxnar allar þrjár, að sjálfsögðu þurfti kona mín að taka með fimm skópör, nokkrar buxur, blússur, ofl. sem og hárþurrku, ja svona þetta all nauðsynlega !! Nú þegar ég ók af stað með farangur og konu mína, fann ég nærri því strax að framhjólbarði snerti varla malbikið og ég hafði litla stjórn á hjólinu, ég var svo heppinn að ferðafélagar gátu tekið sumt fyrir mig, því ég vissi að ég yrði frekar skilin eftir heldur en farangur konu minnar !! Erlendis verða í raun þessar töskur að vera læsanlegar því teygjur og bönd stöðva ekki þá sem vilja fá lánað hjá þér án þess að spyrja !!

10 - farangur

 

En þrátt fyrir allt sem ofan er talið þá er bara ekkert skemmtilegra en að aka mótorhjóli, svo það eru engin vandamál hjá hjólamönnum aðeins lausnir ekki rétt ??

 

 

 

 

 

Stolið og stílfært af netinu

 

Óli bruni