Gunnlaugur Harðarson

Gunnlaugur Harðarson

Monday, 06 March 2017 08:50

Ný stjórn kosin á aðalfundi Snigla

Gaflarar eiga nú 2 fulltrúa í stjórn Snigla.  Hér er frétt af sniglar.is frá aðalfundi þeirra sem haldinn var 4/3/2017.

 

Aðalfundur Snigla var haldin í gær, laugardaginn 4. mars og þrátt fyrir að langflestir úr stjórn Snigla höfðu ekki gefið kost á sér í stjórn aftur, náðist blessunarlega að kjósa nýja stjórn. Aðeins er einn stjórnarmaður í aðalstjórn frá fyrra ári en það er Díana Hermannsdóttir. Fjórir nýir koma inn í stjórn, en það eru Njáll Gunnlaugsson sem formaður, Elías Fells, Steinmar Gunnarsson og Kristján E. Ágústsson. Varamenn í stjórn eru þau Oddur Bjarnason, Veigar Sigurður Jónsson og Hrönn Bjargar Harðardóttir, fráfarandi fomaður. Hér fyrir neðan má lesa fundargerð aðalfundar ásamt skýrslu stjórnar:

Aðalfundur

Bifhjólasamtaka Lýðveldisins, Snigla
haldinn í félagsheimili Snigla Skeljanesi
Laugardaginn 04. Mars 2017 kl 9:30-11:30

Fundargerð

  1. Fundur settur, skipan embættismanna fundarins: Hrönn Bjargar Harðardóttir formaður setti fundinn kl 9:50. Fundarstjóri var skipaður Gunnar Sigurjónsson og ritari Iðunn Arnarsdóttir. Fundarstjóri tilkynnti að boðað hafi verið löglega til fundarins samkvæmt lögum félagsins. Enginn hreyfði við mótmælum.
    Í upphafi fundar voru mættir 10 fullgildir félagsmenn. Sjá mætingarlista fylgiskjal. 1.1.
  2. Skýrslur stjórnar og starfandi nefnda. Hrönn Bjargar Harðardóttir formaður flutti skýrslu stjórnar og umferðarnefndar. Sjá fylgiskjal 2.1. Opnað var fyrir umræður. Engar fyrirspurnir bárust frá fundarmönnum.

Fundarstjóri Gunnar bað um orðið og ræddi um Mótorhjólamessu sem hann stendur fyrir ár hvert. Það verkefni sem Sniglar eru aðilar að. Vill hann hrósa samtökunum sérstaklega fyrir þátttöku sína í verkefninu.

  1. Endurskoðaður ársreikningur liðins árs.

Hrönn Bjargar fór yfir helstu tölur síðasta árs. Sjá fylgiskjal 3.1. Lækkun á tekjum á milli ára. Minni rekstrarkostnaður á milli ára og rekstrarhagnaður eftir árið 2016.

Engar athugasemdir bárust við ársreikning frá fundarmönnum.

Fundarstjóri lagði til að ársreikning verði framvegis varpað upp á vegg fyrir fundarmenn til að skoða meðan á fundi stendur.

  1. Fjárhagsáætlun fyrir næsta stjórnarár.

Hrönn fór yfir fjárhagsáætlun. Sjá fylgiskjal 4.1. Gert er ráð fyrir að rekstur verði á nánast á sléttu eftir árið. Samþykkt samhljóða.

  1. Ákvörðun félagsgjalda fyrir næsta ár. Stjórn lagði til að félagsgjöld verði óbreytt, kr. 5.800,- fyrir árið. Seðilgjald kr. 350,- leggst ofan á ef greitt er með greiðsluseðli. Eftir umræður var gengið til atkvæða og tillagan samþykkt samhljóða.
  2. Lagabreytingar skv. 11. gr. laga samtakanna.

Engar lagabreytingatillögur lagðar fram.

  1. Kosning stjórnar, varamanna og skoðunarmanna skv. 7. gr. laga samtakanna.
    Fundarstjóri hvatti fundarmenn til að bjóða sig fram til stjórnarstarfa.

Hrönn Bjargar formaður hefur lokið sínu tímabili og gefur ekki kost á sér til endurkjörs.Njáll Gunnlaugsson bauð sig fram til formanns. Samþykkt samhljóða.

Fundarstjóri auglýsti eftir framboði til stjórnarsetu tveggja aðalmanna. Samkvæmt reglu átti að kjósa tvo til aðalstjórnar Iðunn Arnarsdóttir og Kristrún Tryggvadóttir hafa lokið sínu tímabili og gefa ekki kost á sér til endurkjörs. Þrjú framboð bárust til setu í aðalstjórn til tveggja ára. Steinmar Gunnarsson, Elías Fells og Kristján E. Ágústsson Samþykkt samhljóða.

Óðinn Sigurðsson og Díana Hermannsdóttir höfðu beðist undan skyldum sínum fyrir fund og því þurfti að kjósa aðra í þeirra stað. Upplýsingar bárust inn á fund að ef ekki fyndist annar í hennar stað gæti Díana hugsað sér að sitja áfram í stjórn, staðfesti hún það í símtali við Hrönn í síma meðan á fundi stóð og ákvað að klára sitt kjörtímabil næsta ár.N‎ý aðalstjórn skipa því fimm aðalmenn:

Njáll Gunnlaugsson formaður
Elías Fells
Steinmar Gunnarsson
Kristján E. Ágústsson
Díana Hermannsdóttir

Auglýst eftir framboði til setu í varastjórn til eins árs. Sigurgrímur Ingi Árnason, Rögnvaldur Ólafsson og Veigar S, Jónsson hafa lokið sínu tímabili.

Eftirtalin framboð bárust til varastjórnar:

Oddur Bjarnason
Veigar Sigurður Jónsson
Hrönn Bjargar Harðardóttir

Samþykkt samhljóða.

Auglýst eftir framboði til skoðunarmanna reikninga. Fríða B. Bergsdóttir og Guðni Þ. Þorvaldsson hafa lokið sínu tímabili.

Tvö framboð bárust. Kristrún Tryggvadóttir og Guðni Þ. Þorvaldsson

Samþykkt samhljóða

Laganefnd.

Laganefnd skipa nú Gunnar Sigurjónsson, Njáll Gunnlaugsson og Sigurgrímur Árnason.

Njáll baðst lausnar úr laganefnd sökum þess að hann er nýkjörinn formaður.

Aðrir gefa kost á sér áfram. Kristrún Tryggvadóttir bauð sig fram í laganefnd í stað Njáls. Samþykkt samhljóða.

N‎ý stjórn skipar í nefndir á sínum fyrsta fundi..

  1. Önnur mál.

Njáll bað um orðið, hann vakti máls á því að gera þurfi starf samtakanna sýnilegra almenning. Í tengslum við það hafði hann samband við Fréttablaðið, varðandi að útbúa sérstakt umfjöllunarblað um mótorhjól í Fréttablaðinu rétt fyrir hópkeyrsluna 1. maí. i Njáll sagðist einnig hafa sett sig í samband við Runólf formann FÍB varðandi hverskyns konar samstarf, m.a. útgáfumál. Njáll óskaði eftir samþykkt fundarins til að halda áfram með viðræður við FÍB varðandi samstarf. Var það samþykkt. Er möguleiki á að boðað verði til auka aðalfundar síðar til að ræða hugsanlega hækkun á félagsgjöldum í tengslum við samstarf við FÍB.

  1. Fundarslit.

Fundarstjóri þakkaði fundarmönnum góðan fund. Fráfarandi stjórn þökkuð vel unnin störf og Hrönn Bjargar Harðardóttir sleit fundi kl 11:10

Skýrsla stjórnar og nefnda starfsárið 2016.

Samkvæmt venju var ný stjórn kjörin á aðalfundi og voru þau Díana B. Hermannsdóttir og Óðinn Sigursson kjörinn til tveggja ára. Hrönn B Harðardóttir var kjörin formaður til tveggja ára árið 2015 ásamt stjórnarmönnum Kristrúnu Tryggvadóttur og Iðunni Arnarsdóttur. Varamenn kosnir til eins árs voru þeir Sigurgrímur I. Árnason, Rögnvaldur Ólafsson og Veigar S. Jónsson. Stjórn skipti svo með sér verkum: Kristrún varaformaður, Iðunn gjaldkeri, Díana meðstjórnandi og Óðinn ritari.

Í umferðarnefnd sátu eftirtaldir á síðastliðnu starfsári Daníel Árnason, Gunnar Gunnarsson, Hrönn B. Harðardóttir, Iðunn Arnarsdóttir, Kristján Jakobsson, Njáll Gunnlaugsson og Sigurgrímur Ingi Árnason.

Árlegur vorfundur Bifhjólafólks var haldin 26.apríl Sniglar buðu á fundinn fyrir hönd Samgöngustofu. Þetta er fimmta árið í röð sem fundirnir hafa verið opnir öllu áhugasömu bifhjólafólki. Gunnar Geir Gunnarsson deildarstjóri öryggis og fræðsludeildar Samgöngustofu hafði veg og vanda af fundinum. Að þessu sinni var farin sú leið að beiðni Snigla að fá forsvarsmenn allra deilda innan samgöngustofu sem tilheyra umferðarmálum. Einnig var fulltrúi frá Lögreglunni á Höfuðborgarsvæðinu og Vegagerðinni á staðnum. Fulltrúa Reykjavíkur borgar var boðið líka en því miður forfallaðist hann. Áhersla var lögð á að skapa eins uppbyggilega umræðu og hægt væri á milli allra sem á fundinn mættu. Segja má að fundurinn hafi farið fram úr björtustu vonum.

Farið var yfir slysatölfræði ársins 2015 sem snerti bifhjólafólk, einnig var fjallað um helstu greinar umferðarlaga er varða akstur bifhjóla af öllum stærðum, forvarnarmál, skoðunarmál, kennslumál og almennar umræður um ástand gatna. Bifhjólafólk sem hafa slasast alvarlega eða látist í umferðinni, fækkaði um 68% á milli ára. Sem dæmi má nefna að samanlagður fjöldi alvarlega slasaðra og látinna árið 2014 var 28 en er kominn niður í 9 árið 2015. Born­ar sam­an við fjölda skráðra bif­hjóla sýndu töl­urn­ar að fækk­un slys­anna sé í öf­ugu hlut­falli við aukn­ingu í fjölda skráðra þungra bifhjóla. Er þetta rakið meðal ann­ars til auk­inn­ar vit­und­ar veg­far­enda um bif­hjól í um­ferðinni, fræðslu og upp­lýs­inga­miðlun­ar og fækk­un í nýliðun bif­hjóla­fólks.

Mikill árangur hefur náðst í umferðaröryggi bifhjólafólks síðustu ár og hefur slösuðum bifhjólamönnum fækkað stöðugt frá árinu 2008 til ársins 2015.

Markmið umferðaröryggisáætlunar stjórnvalda fyrir 2015 var að fjöldi alvarlegra slasaðra og látinna í bifhjólaslysum minkaði árlega um 5%

Vilji er fyrir því að halda þessum Vorfundinum áfram og hafa þá áfram opna fyrir allt bifhjólafólk. Samgöngustofa sá að þessu sinni um húsnæði og veitingar, fundartíminn hlaut talsverða gagnrýni en hann hófst 16:30 og stóð til 18:30 ástæða fundartíma var einfaldlega sú að þeir aðilar sem á fundinn mættu fyrir hönd fyrrgreindra aðila voru að mæta á eigin tíma og af einskærum áhuga.

1.maí var haldinn hátíðlegur og má segja að dagurinn hafi verið frábær í alla staði. Safnast var saman á Laugaveginum líkt og undanfarin ár og má segja að laugarvegurinn hafi verið troðfullur af hjólum, ekið var um Hringbraut, Ánanaust, Sæbraut og endað á Kirkjusandi að þessu sinni. Gríðarleg stemming myndaðist á Laugaveginum eins og svo oft áður og fylgdist mikill fjöldi fólks með keyrslunni og mætti á Kirkjusand. Enda vekur keyrslan meiri og meiri athygli almennings ár frá ári.

Voru það um 7-800 hjól sem komu á Kirkjusand. Fyrir keyrslunni fóru tvö sjúkrabifhjól Slökkviliðsins á Höfuðborgarsvæðinu, ásamt hjólum frá Lögreglunni á Höfuðborgarsvæðinu. Að þessu sinni var það Jere Israel frá Chile sem leiddi hópkeyrslunni en hann keppir fyrir HRC Dakar lið Honda með honum var einnig Jóhannes Sveinbjörnsson sem var nýkominn úr keppni í Abu Dabhi.

Keyrslan gekk vel utan smávægilegra hnökra en mikilvægt er að þeir sem taki að sér verkefni á þessum degi sinni þeim að heilum hug. Eitt smávegis Hvolpaurr þurfti þó í lok keyrslu þar sem einn þáttakandi ákvað að taka barnið sitt með sér í keyrslu, Sniglar hafa hingað til hvatt fólk til að hafa börnin með ef það er möguleiki en það átti þó ekki við í þessu tilfelli þar sem barnið sem var fimm ára var á eigin ökutæki á götu. Slíkt getur þýtt vandræði með leyfi síðar. Lögreglan lítur þetta alvarlegum augum.

Eins og áður þurfti að leita vel að sjálfboðaliðum og voru margir sjálfboðaliðar sem hafa komið að keyrslunni áður sem redduðu með sér mannskap. Fjöldin sem þarf á þessari leið svo vel sé er um 30 manns, til að loka gatnamótum og svo fyllsta öryggis sé gætt. Þess má geta að allir þeir tugir aðila sem koma að 1. maí gefa vinnu sína.

Reykjavíkurborg, Lögreglan á Höfuðborgarsvæðinu, Ökuskóli 3 og Frumherji fá þakkir fyrir að gera daginn mögulegan sem og allir sjálfboðaliðarnir en án þeirra er hópaksturinn ekki mögulegur.

FEMA hélt eins og áður þrjá fundi á árinu og sendum við fulltrúa frá Íslandi á fund í febrúar á síðasta ári í Brussel. Mikilvægt er að halda áfram félagsaðild að FEMA (The Federation of European Motorcyclists‘ Associations) (samband evrópskra hagsmunasamtaka mótorhjólafólks ). FEMA vinnur að hagsmunum mótorhjólafólks í Evrópu gagnvart Evrópusambandinu. Árinu ber helst að nefna í FEMA starfinu að FEMA hefur verið að vinna að undirbúning að samvinnu að FIM. Njáll Gunnlaugsson hefur fylgst með því sem kemur frá FEMA fyrir hönd Snigla.http://sniglar.is/wp-content/uploads/2015/02/Sniglar_frettir.jpg 730w" sizes="(max-width: 300px) 100vw, 300px">

Landsmót var haldið venju samkvæmt og í þetta sinn voru það Goðar Bifhjólaklúbbur sem héldu mótið á . Mótið þótti einkar vel heppnað og skemmti fólk sér konunglega. Landsmót hefur undanfarin ár ferðast um landið Vestmannaeyjar, nú síðast á Iðavöllum við Egilsstaði og nú kemur Ásta Hafberg Snigill ásamt misgáfaða landsmótshópnum til með halda landsmót bifhjólamanna 2017 að Núpi í Dýrafirði.

Sniglar eiga fulltrúa í Fagráði um umferðarmál en þar var því miður enginn fundur haldinn á árinu og verður að lýsa yfir vonbrigðum um það. Fagráð er byggt á grunni gamla umferðarráðs.

Sniglar eiga einnig fulltrúa í Áratugur aðgerða 2011-2020 þar var því miður enginn fundur haldin á árinu og verðum við einnig að lýsa yfir vonbrigðum með það.

Engar breytingar á umferðarlögum voru lagðar fyrir á þingi á síðastliðnu ári og verður að segjast að löngu er komin tími til allsherjar endurskoðun umferðarlaga. Fyrrverandi ráðherrar viðast ekki hafa haft neinn áhuga á umferðarmálum eða fyrrum ríkisstjórn og er málaflokkurinn algjörlega sveltur. Samgöngustofa sem og Vegagerðin sem hafa lagalegum skyldum að gegna í umferðarmálum geta ekki sinnt þeim sem skyldi vegna fjárskorts.

Sniglar hafa átt gott samstarf og samtal við þessa aðila undanfarinn ár og binda vonir við að svo verði áfram. Sniglar gera þá kröfu á hið opinbera, ríki og sveitarfélög að þau fari að sinna umferðarmálum heildrænt og í samstarfi við viðkomandi hagsmunaaðila. Sniglar binda vonir við að nýr ráðherra umferðarmála taki á málunum og veiti fé til þeirrar uppbyggingar sem þörf er á og taki ekki þátt í minni hagsmunir fyrir meiri og skammsýnisdellunni sem hefur einkennt framkvæmdir undanfarinna ára.

Í byrjun starfsársins var farið af stað með 10 markmið sem átti að vinna á starfsárinu og áfram næstu ár þar til þeim væri lokið. Ómögulegt er að vinna að slíkum markmiðum þegar löggjafinn og ráðamenn eru ekki til taks eða viðræðu. Regluleg skipti voru bæði á mönnum innan ráðuneytis og samgöngustofu svo ómögulegt reyndist að fylgja nokkru máli eftir á síðasta starfsári.Kosturinn við það er reyndar að þetta getur bara batnað.

Sniglar sendu frá sér yfirlýsingar varðandi ástand á gatnakerfinu.

Félagsfundur voru haldnir nokkrir í byrjun sumars. Því miður var mæting það léleg að þeir sem ætluðu að halda þeim úti gáfust upp og ákváðu að sleppa þeim. Eftir þetta sumar og sumarið í fyrra má álykta að hinn almenni Snigill /hjólari hafi ekki áhuga á opnu húsi a.m.k. gefur mætingin það til kynna.

Gunnar Sigurjónsson „kraftaklerkur“, hefur staðið fyrir Mótorhjólamessu á annan í hvítasunnu nú nokkur ár í röð. Grillhúsið hefur styrkt Hollvini Grensásdeildar með sölu „Kraftaklerksins”  – hamborgara sem boðið er upp á matseðli Grillhússins þennan eina dag á ári. Sniglar, hafa jafnframt styrkt Grensásdeild með sama framlagi og safnast á Grillhúsinu við sölu Kraftaklerksins.
Að þessu sinni söfnuðust kr. 208.452,- og fengu Hollvinir Grensásdeildar því afhent samtals 417 þús.

Upphæðinni verður að sögn varið til að endurnýja húsbúnað í æfingaíbúðinni á Grensásdeild.

Þrátt fyrir að Sniglar séu einu hagsmunasamtök bifhjólafólks og vinni að því að gæta hagsmuna þeirra í hvívetna hefur greiðandi félögum því miður farið fækkandi undanfarin ár. Þótt verið sé að vinna að málefnum sem snertir allt bifhjólafólk af öllum stærðum og gerðum hvort sem það sér fært að greiða árgjald eður ei. Enn greiða þó nokkur hundruð manns félagsgjöld á hverju ári. Síðastliðinn ár hefur greiddum meðlimum fækkað um u.þ.b. 30% og er það miður en það helst í hendur við þróun hjá sambærilegum samtökum erlendis. Fáir aðilar á hverjum tíma sinna starfi samtakanna og erfitt hefur verið þó það sé MJÖG mikilvægt að fá ferskt blóð til starfa.

Nýlega var sett inn á vef samtakanna samantekt á því hagsmunastarfi sem Sniglar hafa verið í fararbroddi fyrir síðastliðinn 30 ár eða svo. Þess má geta að þessi yfirferð er þó alls ekki tæmandi. Sniglar eru viðurkennd rödd bifhjólafólks á Íslandi og hafa áorkað heilmiklu í gegnum tíðina.

Njáll Gunnlaugsson sá um að taka þessar upplýsingar saman fyrir okkur og erum við honum þakklát fyrir það.

Stjórn Snigla þakkar þeim sem lögðu hönd á plóg í þeim fjölbreyttu verkefnum sem unnin voru á síðasta starfsári.

Sunday, 05 March 2017 11:33

Rétt tegund eða hvað ??

Söguhetjan hafði ákveðið að nú væri rétti tíminn til að kaupa sér “rétta” tegund af mótorhjóli og hvað er rétt tegund  á því herrans ári 2001 ? (SúúúSúkíí !) Nú auðvitað Harley Davidson annað telst ekki til mótorhjóla ekki satt og ef þú vilt ekki skilja þessa fullyrðingu þá er ekki hægt að útskýra þetta fyrir þér kæri lesandi !! Þ.e.a.s. þeir sem enn eru að lesa, læt eitt smá innskot fylgja áður en lengra er haldið: Ég spurði einu sinni Harley eiganda eftir að hann sagði frá því að konunni hans langaði að fá sér mótorhjól, en taldi að Harley hjól væru of þung fyrir sig, jæja tillaga mín eða spurning var: Afhverju fær hún sér ekki t.d. Hondu Shadow 600 eða svipað ?? Harley eigandinn svarar með áherslu: Þú setur ekki asna inní hesthús !!!!

CVO

Ég er mættur í umboð hinnar einu tegundar og hitti þar fyrir eiganda fyrirtækisins og tjáði honum að ég vildi eiganst Harley Davidson, það var eins og ég hefði sagt honum að hann hefði unnið stóran lottóvinning, hann brosti og sagði: Jæja kæri vinur (við þekktumst ekkert) nú erum við að tala saman, þú hefur semsagt áttað þig á því að Harley er ekki bara mótorhjól heldur lífstíll og yfirlýsing. Síðan fór hann yfir sögu Harley frá upphafi vegar, ég yrði að ganga í klúbb Harley eiganda ofl ofl ofl. Ég var í raun ekki bara að kaupa Harley heldur heila fjölskyldu félaga sem aka um á hinni einu réttu tegund ! Loksins þegar ég komst að til að segja af hvernig Harley ég væri að leita og hvaða eiginleika það ætti að hafa, þá er mér bent á eitt í búðinni sem var nú ekki stór og þetta hjól var svona frekar gamaldags ef segja má svo, með svona hliðartöskum úr leðri með alls konar sylgjum og króm smellum, meira að segja voru ekki standpedlarar heldur svona stigbretti (gott fyrir eldri borgara), stýrið virtist mjög svo hátt og svo var stærðar “rúða” á hjólinu, þessi Harley var í eina litnum: Svart, já eins og Henry gamli Ford sagði: þú getur fengið alla liti svo lengi sem hann er svartur !!

Road King

Eigandi umboðsins er svo vel máli farin að hann gæti örugglega selt eskimóa ísskáp og áður en langt er um liðið er hann búin að sannfæra mig um að nýlega hjólið mitt sem er ekki “réttrar” tegundar þó það komi frá Þýskalandi sé í raun verðlaust en hann muni gera mér greiða og taka það uppí á “sanngjörnu” verði (þessi þýskari var í raun dýrari en Harleyinn !!!). Það líða varla tveir dagar og ég er orðin eigandi af nýjum Harley með alveg ný hönnuðum mótor sem kallaður er Twin cam, en í raun er sami mótorinn og sá fyrsti V mótor sem þeir Davidson bræður og William S. Harley hönnuðu og smíðuðu, þ.e.a.s. tveggja strokka V mótor með undirlyftustöngum fyrir ventla o.s.frv. En þessi nýi mótor var nú með tveimur knastásum og enn með undirlyftustöngum og sagður ekki leka olíu. Þessi mótor var 88 c.inc. Eigandi umboðsins sagði mér að þetta hjól væri mjög aflmikið, en engin færi útúr umboðinu á hjólinu óbreyttu, ég yrði að fá mér aðra hljóðkúta, annað kveikjukerfi sem og lofthreinsara og “jetta” yrði blöndung. Ég fór heim og ræddi þessa nauðsynlegu hluti við konuna mína og dásamaði nýja Harley hjólið mitt, en hún sagði bara: Koma þessi hjól ekki með hljóðkútum !!!

 Softail

Þó svo að ég hafi áður átt Harley (smá viðbótarsaga) en það hjól keypti ég nær ónotað árið 1991 í USA. En þessi Harley var svokallaður Sporster 1200cc árgerð 1990. Ég man enn þegar ég labbaði inní umboðið þarna í Baltimore USA og skoðaði þau hjól sem voru til sölu þarna, sem voru meðal annars alveg nýr Fatboy árgerð 1990 (fyrsta árið sem það hjól var kynnt til sögunar), síðan 1988 FXR sem ekið var 18000 mílur ef ég man rétt. Þarna í þessu litla umboði sem staðsett var nálægt miðbænum tók umboðsmaðurinn sjálfur á móti mér og sýndi mér það sem var til sölu. Þegar ég sýndi áhuga minn á Sporsternum þá spurði hann mig: Er þetta fyrsta hjólið sem þú kaupir ?? (kannski átti hann við Harley!!) Nei nei svara ég fyrsta hjólið mitt var Honda 50 keypt 1966 ! Já segir hann en þú vilt samt kaupa Sporster ? Já já segi ég er þetta ekki flott hjól og aðeins ekið 1200 mílur !! Ja sko um ah jú jú segir umboðsmaðurinn, en viltu ekki frekar FXR hjólið það er hörku hjól !.

Sporster

Sporsterinn er keyptur og kemur nokkru síðar í mínar hendur í flottum kassa eftir nokkrar tafir í tollinum. Ég man að mér leið eins og litlum krakka á jólunum þegar ég hjólið er tekið úr kassanum og geymir tengdur, sem og sett bensín á flotta nýja Harleyinn minn. Það er skjálfhentur maður sem setur þetta besta hjól heimsins (já já SúúúSúkíí) í gang og það hrekkur í gang eftir nokkrar tilraunir, það hljómar eins og ja eins og Sporster, hristist all hressilega í hægagangi, enda 1200cc mótor boltaður beint í grindina. Ég ákveð að prufa græjuna þó engin skráninganúmer séu á hjólinu. Ég fer frá heimili mínu í suðurhlíðum og ætla upp að Perlunni, í fyrstu beygju rek ég niður standpedala all hressilega, smá hraðahindrun og demparar slá saman, síðan hristist græjan eins og blautur hundur af sundi ef hressilega er gefið inn. Hvað er ég eiginlega búin að kaupa og það koma upp í huga mínum orð umboðsmannsins í USA: Viltu ekki frekar skoða FXR hjólið !! Til að gera langa sögu stutta, þá reyndi ég ýmislegt til að gera Sporsterinn að einhverju sem það varð aldrei, nýtt púst, nýtt kveikjukerfi, heitari knastásar, “jettaður” blöndungur, ofl ofl, en það skipti engu, þetta var enn sama hjólið !!

Street glide

Aftur að alvöru hjólinu þ.e.a.s. softail hjólinu með 1450cc twin cam mótornum, nú er 2001 og að sjálfsögðu er þetta fullvaxinn Harley og ekkert í líkingu við Sporster eða hvað !! Að sjálfsögðu fór ég eftir “leiðbeiningum” umboðsmannsins og hóf að kaupa allt sem ég gat, því eins og menn/konur vita þá koma nær allir Harley þannig að þeir eru eins og naktar “Barbie” dúkkur í kassa þ.e. það þarf að kaupa allt í aukahlutalistanum til að hjólið verði flott ekki satt ??!!. Byrjað var á nýjum hljóðkútum, öðrum lofthreinsara, “jett” kitti fyrir blöndung, síðan ný handföng, flottari göngubretti, nýtt þetta nýtt hitt já það var örugglega veisla hjá umboðsmanninum, ég fékk krómeitrun og eina lækningin var að kaupa meira króm. En hvernig var þetta besta mótorhjól heimsins (já SúúúSúkíí) eftir allt þetta, aflið ógurlegt !!, aksturseiginleikar frábærir !! o.s.frv. Nei þetta var enn Softail Harley og svo sem ágætis hjól, ef þú hugsar rólega og tekur því rólega, því eins og áður sagt var þetta Harley og ef það þarf að útskýra þetta fyrir þér þá skilur þú þetta ekki. En ég er eins og kanarífuglinn sem flýgur á glerrúðuna aftur, aftur og aftur, ég átti eftir að kaupa marga Harley í viðbót við þessa tvo, en í dag á ég ekkert mótorhjól heldur bara, nokkra breta, (nýja og gamla), eina Hondu og einn Kawa og ef ég þarf að útskýra af hverju þá skilur þú þetta ekki eða hvað !!!!!!

 Street Rod

Höfundur er meðlimur í Göflurum og hefur því ekkert vit á mótorhjólum: Og ef það þarf að úskýra þetta fyrir þér þá skilur þú það ekki !!!

p.s. nokkrir af Harley hjólum sem ég átti þ.e.a.s. eins og myndir sýna

Monday, 27 February 2017 17:34

Sannar sögur # 3

 

Vindurinn í fangið og malbikið og hjólið eru eitt, ég á götuna, engin getur vitað um líðan mína nema eigandi Yamaha, það er ekki til annað mótorhjól það veit Yamma eigandinn sem og allir aðrir eigendur mótorhjóla, aðrar tegundir eru bara eftirlíkingar ekki satt ??!!!!!) Ferðin hafði hafist í Hafnarfirði að vanda og ein söguhetjan (Yamma eigandinn) hafði ákveðið að farið yrði sem leið liggur til Þorláks/Stokks /Eyrar bakk/hafnar og þaðan á Selfoss til að fá sér pylsu og kók. Vel er mætt í þessa hópferð og þar á  meðal er Kawa eigandi einn sem ekur um á nýuppgerðu hjóli, en sagan segir að þessi Kawi sé reglulega enduruppgerð af fagmanni í Keflavík, þ.e.a.s. alltaf þegar fagmaðurinn ætlar sér í sólarfrí ásamt fjölskyldu sinni, Kawar þurfa reglulegt eftirlit og uppgerðir, þessi uppgerði Kawaeigandi hefði betur keypt sér Yamma, reyndar hefði þá fagmaðurinn aldrei komist í sólarfrí.

Smá framhald af byrjun hópferðar: Eins og vanalega var tilbúið kaffi og kók, ásamt smá meðlæti fyrir félaga, alltaf allt klárt að vanda hjá gjaldkera vorum sem eins og allir vita heldur þessu félagi gangandi með smá aðstoð formanns !! Kawaeigandinn gengur milli manna og reynir að tala við þá, en hann skilst ekki vel því hann elskar meðlætið sem boðið er uppá (alltaf með munninn fullan!!) er notað vel, Kawaeigandinn hefur lært þetta af einum af félögunum sem segir stöðugt: Allt frítt er gott, (ath. sá ekur um á breta). Áður en lagt er í hann þá ákveður Kawaeigandinn að taka með sér smá nesti t.d. kók og kleinur, enda er þetta langt og strangt ferðalag sem liggur fyrir höndum ! Kawaeigandinn er eins og venjulega nýrakaður og ilmar eins og nýklippt rós, já hann vill vera í stíl við nýuppgerða Kawann.

Hópurinn stillir sér upp og þarf aðeins að bíða eftir Kawaeigandanum því hann hafði verið að spyrja nær alla félaga sína hvað myndi fara í bensín í þetta langa ferðalag, einnig tekur það hann smá tíma að koma sér fyrir á nýuppgerða Kawanum því kókdósir og kleinur fara ekki vel í vasa. Hópurinn leggur af stað og eins og hefðin er þá er formaður fremstur og síðan gjaldkeri, eflaust er þessi á bretanum framarlega, því hann vill alltaf vera sem næst formanni sínum !! Ferðin gengur vel og hópurinn nær að halda sér í þéttum hóp, enda allir með augun á fararstjóra. Farið er um Þrengsli og hraðinn er mjög þægilegur svona rétt rúmlega 100 km á klst, já umferðarhraði eins og alltaf (þó sumir segi annað en það er nú eldri saga !!). Ekið er framhjá afleggjara að Þorlákshöfn því engin á erindi þangað nema þegar haldið skal á Suðureyjuna þ.e. lengri leiðina, stefnan tekin á Stokkseyri en markmiðið er Selfoss þar sem einu sinni bjó Snigill nr. 1, en hann hann síðan kveikti á perunni og flutti í Hafnarfjörð en það er nú allt önnur saga.

Pysluvagn Selfoss (já þessi rétt hjá brúnni frægu) blasir við og hópurinn raðar hjólum sínum fallega í nágrenni við þennan fræga matsölustað, nema bretaeigandinn hann vill alltaf leggja sér, kannski vill hann ekki skyggja á önnur hjól, hver veit ??!! Menn eru mislengi að leggja hjólum sínum, en fara jafn óðum inní pylsuvagninn og panta það sem þeim langar í, enda svangir eftir þetta langa ferðalag. Sumir fá eina pylsu og kók, meðan aðrir fá sér tvær og jafnvel þrjár pyslur.

Það er komið að þeim nýrakaða þ.e. eiganda nýuppgerða Kawans og hann spyr eina stúlkuna í afgreiðslunni mjög svo lágt, já svo lágt að hundur hefði ekki heyrt til hans: Áttu sprungnar pylsur ?? Ha segir stúlkan og segir viltu pylsu ?? Nei áttu sprungnar segir Kawa eigandinn aðeins hærra ! Ha segir stúlkan eina með öllu ?? Nei áttu sprungnar pylsur fyrir hundinn minn segir Kawaeigandinn nú alltof hátt svo allir heyra !! Stúlkan svona brosir og segir: Já það eru örugglega til þó nokkrar gamlar sprungnar pylsur til handa þér. Sá nýrakaði brosir útað eyrum og segir við þá sem bíða eftir afgreiðslu: Sko ja ha sko ég á hund sko !! Stúlkan kemur fljótlega með þó nokkrar pylsur í höndunum og heldur á þeim með svona einnota plasthönskum, réttir Kawaeigandanum sem tekur við þessum allavega tíu pylsum og byrjar að raða þeim í vasana, skiptir ekki máli þó þær séu ekki innpakkaðar því hundurinn hans kvartar örugglega ekki þó þær séu aðeins skítugar !! Fyrir utan pylsuvagninn eru menn á spjalli og borða pylsurnar sínar og sötra kók með, menn ræða um daginn og veginn og mótorhjól. Sá nýrakaði sest á einn bekkinn þarna og tekur upp kókdós úr vasa sínum og byrjar síðan að borða mat hundsins, hundurinn verður örugglega mjög svekktur að fá engan pylsu í kvöldmatinn, þessari Kawaveislu líkur með einni kleinu sem kemur uppúr vasa þess nýrakaða. Menn ræða aðeins sýn á milli um hvenær sá nýrakaði hafi eignast hund !!

Ferðin er hafin að nýju og nú skal stefna á Hveragerði , þá Kambar á Hellisheiði, skemmtileg brekka með ágætum beygjum, allavega þegar búið er að sópa brekkuna af sandi og möl sem berst inná hana og þá sérstaklega á vorin. Þessi brekka sem er nokkuð fræg allavega í gamla daga þegar Kambarnir voru ómalbikaðir og í raun stórhættulegir, brekkan hefur þau áhrif á suma allavega að menn telja sig miklar ökuhetjur og aka hana upp á eitthvað hærri hraða heldur en stendur á leiðbeiningarskiltum sem staðsett eru með reglulegu millibili, en á þeim stendur æskilegur hraði í beygjum. En ekki fyrir Yamaha, þessi brekka var sérstaklega höfð í huga þegar það hjól var hannað, Yamma eigandinn vill leiða hópinn hratt og vel upp þessa hættulegu brekku og að sjálfsögðu fylgja félagar hans honum, ja allavega reyna það, en það eru ekki nema einn eða tveir sem ná að fylgja Yammanum, einn á utanvegahjóli og annar á konu Harley, en að sjálfsögðu komast þeir ekki framúr Yammanum, það hefur engin gert enn í þessum hóp og mun eflaust ekki gerast fyrr en einhver fær sér aflmeiri Yamma. En hvað er frétta af þeim nýrakaða á nýuppgerða Kawanum ?? Jú hann skilur ekkert í þessum vitleysingjum sem fara upp Kambana eins og þeirra bíði naktar meyjar á heiðinni.

Hann reynir að fylgja hópnum en nær honum ekki, þó hann sé þó nokkuð léttari áður en  hann lagði af stað frá Hafnarfirði (reyndar má benda á að hann var með þetta nær allt innvortis!!). Hann gefst fljótlega upp því Kawinn virðist ekki hafa áhuga á svona akstri þó hann sé nýuppgerður. Formaðurinn stöðvar næst við Rauðavatn til að kveðja hópinn sinn. Skömmu síðar kemur nýuppgerði Kawinn með þeim nýrakaða, sem stígur af hjólinu og spyr: Hvað er þetta ekki hópkeyrsla fyrir alla ?? Jú jú svara allir í kór og bæta við: einn leiðtogi einn hraði og menn brosa útað eyrum, þakka fyrir góðan túr, biðja síðan að heilsa hundi Kawaeigandans sem virðist eitthvað hafa gleymt nafninu á honum þegar hann er spurður, en kannski fáum við að vita það í næstu ferð.

p.s. meðfylgjandi er mynd af hundi Kawaeigandans og segir sagan að myndin sé tekin eftir að hundurinn hafði fundið pylsulykt af fötum eiganda síns en engar pylsur og því heimtað að fá að fara í næstu hjólferð.

Höfundur er óþekktur.

 

Monday, 20 February 2017 17:07

Sönn saga

Það var fallegt veður og sól skein í heiði, söguhetjan á Súúúsúkíí Bandító átti veginn, hjólið og hann voru eitt enda ekki hægt að finna betra eða fallegra mótorhjól þó víða væri leitað! Dagurinn hafði hafist á smá tékki á fallega hjólinu, vantaði nokkuð olíu, var keðja smurð og í lagi, öll ljós í lagi, já allt skoðað eins og vanalegt er hjá Súkku eigendum. Minn maður hafði ákveðið að fara einn í þessu fallega veðri og taka smá hring, fara til Grindavíkur og þaðan um Suðurstrandaveginn, fá sér smá snarl á Selfossi og síðan til baka um Þrastaskóg að Þingvöllum og Mosfellsheiðina heim, auðvitað var allt í fyrirfram ákveðnu plani, annað er óþekkt hjá eigendum SúúúSúkíí.

Ferðin gekk vel og lítil umferð á Reykjanesbrautinni sem og Grindarvíkurveginum. Söguhetjan stöðvar aðeins á bensínstöð í Grindavík svona til að tékka á öllu aftur því engin alvöru mótorhjólaeigandi sleppir því að skoða stöðu drifkeðju, smyrja hana og loft í hjólbörðum (eflaust betra að gera það í upphafi ferðar !!). Nú liggur fyrir að taka hinn margrómaða Suðurstrandarveg og minn maður hefur ákveðið að nú skuli losa sót úr Súkkunni.  Söguhetjan prjónar frá bensínstöðinni sem er eðlilegt því á planinu standa tvær ca. fimmtán ára stelpur og horfa með aðdáun á riddarann á Súkkunni (allavega fannst söguhetjunni það !).

Framundan er nokkuð beinn vegur og minn maður komin í efsta gír, kemur sér vel fyrir á sæti hjólsins, horfir á baksýnisspeglana og sér engin önnur ökutæki, engin fyrir framan og engin fyrir aftan. Nú er bensíngjöfinni snúið nokkuð hressilega og Súkkan tekur hressilega við sér, hljómurinn frá fjögurra strokka línumótornum er engu líkur, ekkert mótorhjól í heiminum hljómar eins fallega og Bandító, þetta er eins og að hlusta á fjóra tenóra taka fallega aríu, engin annar en Súkku Bandító eigandi getur upplifað þetta hugsar söguhetjan með sér.

Hraðmælir sýnir nú 180 km hraða á klst og það er nóg eftir, vegurinn virðist þrengjast og allt gerist hraðar, þetta er engu líkt ekki einu sinni kynlíf vekur slíkar tilfinningar (ath. ekki er vitað um aldur söguhetju !). En allt í einu (svipað og cotius interruptus) heyrir söguhetjan flaut já svona hjáróma bílflautu, hann horfir í baksýnisspegilinn og hvað er þetta, eitthvað grátt mótorhjól og ökumaður er með bleikan hjálm á höfðinu og virðist vera í svona kögur- leðurdressi. Já þessi á gráa mótorhjólinu meira segja veifar vinstri hendi og virðist vilja fara fram úr !! En minn maður á besta hjólinu ætlar sko ekki að láta eitthvað grátt ljótt mótorhjól fara fram úr sér (hann sá að þetta var ekki Súúúsúkíí). Hann gefur hressilega inn og Súkkan virðist fljótlega vera komin á “hljóðhraða” og nú ætlar söguhetjan að sýna þessum vitleysing með bleika hjálminn hvað alvörumótorhjól geta !!

 

En hver djöfulsins gráa brakið er komið að hlið Súkkunnar og ökumaður gráa hjólsins veifar nú eins og lítil stelpa á Bííbber tónleikum, já bendir líka á Súkkuna og aftur og aftur og síðan aftur á gráa brakið sem söguhetjan sér nú að er Harley Davidson V-Rod, sem er eins og allir vita hugsar söguhetjan með sér nr. eitt ekki alvöru Harley og það sem meira er að aðeins, dvergar, kerlingar og hommar aka um á V-Rod ! Súkkunni er gefið enn meira inn og söguhetjan veit að engin Harley í heiminum getur tekið Súúúsúkíí Bandító í spyrnu. Söguhetjan er hætt að horfa á hraðamælinn, nei bara einbeitir sér að akstrinum, hann er lagstur niður á bensíntank hjólsins, er búin að klessa hné sín að tanknum og jafnvel búin að leggja vinstri hendina þétt að hlið hjólsins. En enn og aftur er þetta skrapatól komið uppað hlið Súkkunnar og nú fer þetta andskotans , helvítis, djöfulsins brak fram úr Súkkunni og í sama mund skellur steinn eða eitthvað annað sem datt af þessu olíuleka skrani í hjálm söguhetjunnar !!

Mínum manni bregður mjög svo við þetta og snarhægir á Súkkunni og að lokum leggur söguhetjan Súkkunni sem lengst til hægri í vegkanti, drepur á hjólinu, tekur af sér hjálminn til að skoða hjálminn, sem er mjög svo nýlegur, já lakkið á nýja hjálminum hefur skemmst það er svona hálfgerð hola rétt fyrir ofan glerið og það sést í hvítt. Minn maður situr þarna og bölvar í hljóði þegar enn og aftur kemur þetta gráa Harley brak, þessi andskoti hefur snúið við og nú tekur þessi ökumaður með bleika hjálminn U-beygju fyrir aftan söguhetjuna, já meira segja spólar í hálfhring. Bleikhöfði leggur gráa Harley brakinu og stígur af baki, tekur af sér bleika ógeðið og þá sér söguhetjan að Harley ökumaðurinn er stórglæsileg ung kona, með ljóst hár en frekar stutt. Hún gengur hægum skrefum að Súkkunni með bleika hjálminn í vinstri hendi og stöðvar rétt við hlið Súkkunnar og svona “dæsir” og segir svona frekar hásri sexý rödd:     Ég ætlaði nú bara að spyrja þig hvernig ég kæmist í fjórða gír, því ég er á lánshjóli !!!

Höfundur er óþekktur.

Friday, 17 February 2017 19:38

Sannar mótorhjólasögur

Allar mótorhjólasögur eru sannar ekki satt, allavega man ég ekki eftir mótorhjólasögu sem ekki er sönn eða hvað með þig. En mig grunar samt að aðrar sögur en þær sem eru aðeins “stílfærðar” gleymist fljótt !!

Þessi “sanna” saga gerist fyrir ekki svo löngu, það er laugardagur og mitt sumar og aðal söguhetjan hann SigurHansi er í óða önn að gera Honduna sína klára fyrir dagsferð með félögum sínum í félagi sem kennt er við bæjarfélag. Auðvitað var formaður þessa félags búin að segja SigurHansa að hann ætti að kaupa sér Súúsúkkíí og þá helst Bandító en ekki einhverja gamla CB Hondu, en SigurHansi hafði heyrt frá aðal Hondumanni landsins að ekkert hjól kæmist með tærnar þar sem CB Hondan væri með hælana ef segja má svo. Þessar CB750 Hondur væru maður lifandi ofurhjól samtímans (ja kannski í kringum 1969 !!) en þessi sanna saga gerist 2016.

Það er fallegt veður og CB Honda SigurHansa er glæsileg á að líta, allavega úr fjarska, eitthvað hefur nú misfarist í málningu þessa hjóls þó sagan segi að CB Hondan sé með “orginal” lakk. Ef vel er hlustað þá hljómar mótor þessarar CB750 Hondu eins og einhver hafi gleymt nokkrum lausum boltum í sveifarhúsi !! Reyndar hafði útlendingur sem búsettur er á eyju við suðurströnd þeirrar eyju þar sem þessi sanna saga gerist sagt SigurHansa að einhver á lyfjum hafi örugglega átt og gert “upp” þessa alveg “orginal” CB ofur Hondu, sagt SigurHansa í algjörum trúnaði og það mætti ekki fréttast: Þessi Honda er bara ónýt ! og það sem verra er að hún er ekki “orginal” eins og mínar Hondur !! En hvað vissi þessi “útlendingur”.

SigurHansi leggur CB Hondunni á áberandi stað við félagsheimili  félagsins því hann vildi að aðrir njóti “fegurðarinnar. SigurHansi heilsar félögum sínum og spyr þá hvert eigi að halda í þessu fallega veðri. Honum er sagt að aðeins einn maður ráði því: Semsagt Súúsúkíí eigandinn og formaður félagsins. SigurHansi heilsar uppá formanninn með orðunum: Fallegur CB dagur félagi. Formaðurinn virðist ekki heyra og fer að tala um mikið afl og tog í Bandítóinum sínum og hvað Súkku hönnuðir séu þeir einu með viti á eftir ja Harley !! SigurHansi bendir brosandi á sína CB Hondu og segir: Er hún ekki glæsileg, en tekur ekki eftir því að formaðurinn er farin að tala við einhvern sem gengur þarna framhjá um eitthvað sem heitir Mopar !! SigurHansi fær loksins uppgefið að halda eigi í gegnum Hvalfjarðargöng og síðan í Borgarnes og þar tekin smá kaffipása, þaðan yrði haldið að Vegamótum á Snæfellsnesi , endatakmarkið yrði Hellnar.  SigurHansa lýst vel á þetta en spyr samt um eitt: Hvaða hraða akið þið á kæru félagar ? Og bætir við ég vill alls ekki of hratt !

 

Ferðin er hafin og SigurHansi hefur komið sér mjög framarlega í fimmtán hjóla röð, já vel mætt í þennan hópakstur góðra félaga. Auðvitað eiga fallegustu og bestu hjólin að vera sem fremst ekki satt hugsar SigurHansi með sér og brosir útað eyrum þar sem hann situr á alveg “orginal” CB Hondunni sinni. Ferðin gengur vel og meðalhraði er í kringum 90 km á klst. Áður en SigurHansi veit af er CB Hondan og hann komin í Borgarnes. Þar taka menn sér smá pásu, spjalla saman og fá sér kaffi. SigurHansi gengur milli manna og bendir þeim á í raun fallegsta og besta hjólið í ferðinni CB Honduna. Hann fær misjafnar undirtektir því eins og eðlilegt er þá finnst mönnum sín tegund best, formaðurinn vill bara ræða Súúsúkkí. En þetta er góður dagur sólin skín og allir í góðu skapi.

SigurHansi passar sig að vera klár þegar ekið er af stað til að vera framarlega í röðinni, það er ekið rólega frá Borgarnesi og að hringtorgi einu sem er staðsett við gatnamótin útá Snæfellsnes. Hópurinn er í fallegri röð og SigurHansi er ánægður með félaga sína, engin framúrakstur og ekið á góðum og jöfnum hraða. En brosandi CB Hondu eigandinn er varla búin að sleppa þessum fallegu hugsunum þegar fyrsta hjólið ekur fram úr honum, síðan næsti, það skiptir ekki máli þó það séu beygjur og blindhæðir eða jafnvel bílar á móti það bara ætla allir framúr CB Hondunni hans SigurHansa. Hann horfir á hraðamælirinn og hann sýnir 100 km á klst. SigurHansi hugsar með sér: Ég læt ekki einhverjar Súkkur, Heimaha eða Kawasúkkí fara fram úr mér !! SigurHansi snýr uppá rörið og hraðinn eykst, nú er CB Hondan á réttu róli enda þarna á ferð Súperbike (fortíðarinnar). En andskotinn hugsar SigurHansi með sér þegar einhver Bretadrusla á kuppadekkjum fer fram úr CB Hondunni, nei þetta gengur ekki segir SigurHansi við sjálfan sig, ég læt ekki míglekan breta fara fram úr mér. Það er enn meira snúið uppá rörið og SigurHansi sér að CB Hondan er komin í 150 km hraða á klst, en það er nóg eftir veit hann.

SigurHansi finnst hann vera komin á ógnarhraða, mótorinn í CB Hondunni hljómar eins og einhver sé að hrista málningarfötu fulla af nöglum, næsta beygja nálgast ógnar hratt og SigurHansi verður að hafa sig allan við til að ná þessari kröppur beygju, en helvítis djöfulsins glæpamaður er þetta sem fer fram úr CB Hondunni og já hægra megin meira að segja og þetta er gamall Vængur framleiddur af Honda ! Hvílíkt virðingarleysi er þetta hugsar SigurHansi, eru menn brjálaðir í þessu félagi, vita menn ekki að hámarkshraði er 90 km á klst. á þessum vegi ??!!. SigurHansi lendir á smá hæðarmismun á okkar góða malbiki, CB Hondan tekur stökk og allir demparar slá saman (enda orginal), hjólið hristir sig eins og blautur hundur af sundi og SigurHansi horfir eina ferðina enn á hraðamælinn og hann sýnir nú 170 km á klst og þá allt í einu kemur lítill svokallaður hippi framúr CB Hondunni, sá ökumaður virðist njóta sín vel, er með lappirnar svona lagðar á einhverja pedala fremst á grind hjólsins. Er maðurinn brjálaður hugsar SigurHansi heldur hann að þetta sé GP kappakstur og hann sé Valentino Rossi eða hvað. CB Hondan virðist vera að hristast í sundur og hún skekur sig eins og góður graðfoli í nálægð merar, ætlar þetta aldrei að taka enda segir SigurHansi við sjálfan sig, næsta beygja blasir við og nú er það aðeins frábær aksturskunnátta SigurHansa sem bjargar því að hann aki ekki útaf á 180 km hraða á klst.

 

Loksins loksins loksins Vegamót og SigurHansi ekur CB Hondunni inná bílastæðið við þenna áfangastað. Hann stígur af hjólinu og sér þá að það virðist leka olía frá nær öllum hlutum þessa besta mótor heimsins, annar afturdemparinn virðist hafa losnað frá, annar spegillinn er horfin, já meira segja skráningarnúmerið hefur losnað og hangir á öðrum boltanum. Hvílíkt og annað eins hugsar SigurHansi með sér, enda var ekið á nær 190 km hraða á klst. þegar hraðast var ekið (ath. orginal hraðamælir). Þarna þegar SigurHansi er að skoða afleiðingar þessa brjálæðis akstur kemur að honum einn félaginn, já þessi á bretadruslunni og segir brosandi: Breskt er best og bætir við: Hef ekki séð svona mikla olíu utaná mótorhjóli síðan ég átti einu sinni Harley. SigurHansi nær öskrar á þennan vitleysing og segir: Þetta bretadrasl er eingöngu hægt að nota í brotajárn !!

SigurHansi ákveður nú að tala við formann þessa félags og segja honum að hann muni aldrei nokkurn tíma fara í hópakstur með þessum helvítis hraðafíklum. SigurHansi segir formanni hvað honum finnst um þennan hóp og bætir við: Ég held ég haldi heim á leið, CB Hondan þolir varla meira svona bull, ég bið að heilsa ykkur. Formaðurinn skilur ekkert í þessu og reynir að leiðrétta sagðan ökuhraða því hann hafi verið fremstur og hafi aldrei farið yfir 110 km hraða á klst. En SigurHansi hristir bara hausinn setur á sig hjálminn og sest á CB Honduna og reynir gangsetningu, mótorinn á CB Hondunni virðist vera þreyttur eftir þetta allt saman og svona dregur djúpt andan og rekur upp nokkur andköf, það kemur sprenging og svo önnur, en að lokum fer CB Hondan í gang, en virðist ekki ganga á öllum. SigurHansi ekur burt frá þessum hraðafíklum og CB Hondan skilur eftir sig smá slóð af olíu, hjólið virðist halla aðeins til hægri en hverfur að lokum sjónum manna sem standa þarna og skilja ekkert í þessu tali um hraðakstur. Sagan segir að SigurHansi hafi komist heim að lokum, hann hafi þakkað það frábærri hönnun Honda, því hvaða ökutæki þolir til lengdar 200 km hraða á klst !!!!!!

Alveg sönn saga sögð af SigurHansa !

Kæri “vitlausi” bíleigandi/notandi, já þú þarna sem keyptir þér bíl sem er notaður er sem skattheimta við kaup á þessu “óþarfa” tæki, þú borgar innflutningsgjöld, af bílunum sem og flutningi hans til landsins, síðan vaskur ofan á allt saman. Þú þarft að tryggja bílinn og óbeint er að sjálfsögðu skattur af tryggingum bílsins, svo þarftu að kaupa eldsneyti, olíu, hjólbarða varahluti, viðgerðir og allt er skattlagt, síðan koma “smá” bifreiðagjöld, við tölum ekkert um afföll af þessu “óþarfa” tæki sem verður í raun verðlaust á örfáum árum og lánið sem þú tókst til að fjármagna bílakaupinn þarf líka að endurgreiða með vöxtum. Nú svo þurfum við stundum að fara á staði þar sem gjaldtaka er fyrir að leggja bílnum ekki satt. Eftir þessa upptalningu hverjum eiginlega dettur í hug að “fjárfesta” í bíl og já ég hef örugglega gleymt mörgu ?! Nei við eigum að nota almenningssamgöngutæki sem er auðvitað frábært því okkar góða veðurfar bíður uppá það mesta hluta ársins ekki satt, þó það rigni aðeins og smá snjór að viðbættu roki þá klæðum við okkur bara betur ! Þeir sem eiga börn skilja þetta enn betur hvað það er gott að fara með börn á ýmsum aldri í okkar almenningssamgöngutæki. Þetta er yfirleitt ekki nema nokkrir kílómetrar í næsta strætó frá heimili okkar ekki satt ! Það eru allstaðar góð strætóskýli sem verja þig og börnin þín fyrir öllu veðri ekki satt ?! Svo er það auðvitað eina raunverulega lausnin: Reiðhjól fyrir alla í fjölskyldunni, þetta frábæra samgöngutæki hentar öllum á öllum aldri ekki satt, það felur í sér stórlækkaðan kostnað ef bílnum er sleppt og hentar við öll tækifæri, allan ársins hring og í öllum veðrum ekki satt ?! Reiðhjólið er mjög heppilegt ja t.d. þegar við förum að versla inn mat og eða t.d. að kaupa okkur skáp í Ikea, já bara frábært tæki, ódýr líkamsrækt, aldrei að kaup eldsneyti, já bara við að skrifa þetta þá fer ég með mína bíldruslu á bílasölu á morgun og fæ að njóta góða veðursins á reiðhjólinu, þó reyndar í dag sé rigning og 25-30 metra vindur á sekúndu ! Hverning kem ég börnum mínum eða barnabörnum í skólann á reiðhjólinu ? Þ.e.a.s. þau sem geta ekki hjólað sjálf við allar aðstæður í skólann, íþróttir og áhugamál. Ég sé fyrir mér föður eða móður setja tveggja mánaða barnið sitt í barnastól á hjólinu eða í kerruna sem fest er við hjólið, smá frost og snjór eða rok og rigning skiptir ekki máli eða er það nokkuð ?! Svo er það unglingurinn minn sem neitar að fara í kerruna sem fest er við hjólið mitt, hann bara skilur ekki af hverju við eigum ekki bíl eins og aðrir “vitleysingjar”. En miskiljið mig ekki reiðhjól er frábært samgöngutæki við réttar aðstæður og hentar sumum en alls ekki öllum. En nóg komið þó ég hefði getað skrifað miklu meira, en hver er kveikjan að þessum skrifum: Jú nýjasta hugmynd núverandi stjórnvalda að fara innheimta nýjan skatt af “vitleysingjum” sem eiga bíla, þ.e.a.s. þeim sem langar að fara útfyrir stór Reykjavíkursvæðið ! Semsagt taka upp gjaldheimtu eins og í Hvalfjarðar-göngunum, ekki spurning að þetta er frábær hugmynd að skattleggja enn meira þá “vitleysingja” sem eiga og nota bíl, nú er það ekki lengur þeir sem stjórna Reykjavíkurborg sem vilja útrýma bílnum, nei nú eru það líka þeir sem stjórna landinu okkar. Bendi á að til að allir bíleigendur standi í sömu sporum, þá yrði auðvitað að setja gjald á þá sem vilja aka útfrá t.d. Akureyri, Ísafirði, Neskaupsstað, Hornafirði, því ekki má mismuna íbúum þessa lands, það verður að innheimta gjald af öllum þeim sem nota þau göng sem eru nú þegar tilbúin og þau eru þó nokkur víðs vegar um landið. Hvert stefnum við eiginlega í þessu landi okkar, allavega er ég hættur að skilja hver stefnan er, mig grunar að ríkiskassinn yrðu hálf tómur ef aðeins væru til ökutæki í eigu hins opinbera eða einkafyrirtækja þ.e.a.s. aðeins rútur-strætó-lögreglu og sjúkrabílar-steypubílar og já engin á einkabíl sem er eflaust draumur nokkurra sem stjórna okkar ástsælu höfuðborg í dag. Læt þetta duga því eflaust nennir engin að lesa þetta því allir eru að flýta sér að ná næsta “strætó”.

kveðja

Vitlausi bíl og mótorhjólaeigandinn

Thursday, 09 February 2017 08:58

Nýtt Honda Rebel minnaprófshjól frumsýnt

tekið af bifhjol.is

Einu sinni fyrir ekki löngu var smiður sem var að fara á eftirlau eftir að hafa  unnið við viðhald og viðgerðir í sama hverfinu í 45 ár . Daginn sem hann hættir hefur hann ákveðið að heimsækja alla viðskiptavini sína í þessu rólega hverfi. Allir vissu Sigurjón”geir” væri að hætta því hann hafði sagt öllum frá þessu og hvað hann ætlaði að gera þegar hann væri komin á eftirlaun, t.d. að hressa uppá Challangerinn sinn, en Sigurjón”geir” var Mopar maður í gegn, síðan ætlaði hann að nota meira Harleyinn sinn, fara oftar í ferðalög með konunni sinni á húsbílnum þeirra, en hjónin voru í klúbb húsbílaeiganda sem kallaður var Gómarnir.

Jæja þennan síðasta dag hringir hann bjöllunni á fyrsta húsinu og þar tekur á móti honum eldri kona sem kyssir hann á kinn og kveður hann með nokkrum fallegum orðum og einum skiptilykli. Næsta hús aðeins yngri kona og hún bíður honum uppá kaffibolla sem og kveður hann með handarbandi og réttir honum kaffikrús merktri Harley. Þriðja húsið þar fær hann einn bjór hjá ekkjumanni sem og er kvaddur með dagatali með myndum af húsbílum.

Þannig líður dagurinn og minn maður hann Sigurjón”geir” er komin með fullan bíl af dóti og fallegar minningar, síðasta húsið blasir við og Sigurjón”geir” man eftir að í þessu húsi býr ung kona verulega falleg og alltaf kurteis en frekar kuldaleg í framkomu. Hann hringir bjöllunni og hurðin opnast og þar stendur þessi fallega kona í mjög svo þunnum undirfötum og engu öðru, hún tekur í höndina á Sigurjón”geir” og leiðir hann inní svefnherbergi og þar upplifir Sigurjón”geir” það besta kynlíf sem hann man eftir, en hann er ekki ungur lengur og því sofnar hann eftir þessa einu bestu upplifun lífs síns. Þegar hann vaknar er komin morgun og hann finnur eggja og baconlykt í loftinu, hann fer fram í eldhús og þar stendur unga konan og er að klára að laga morgunmat, hún segir: heyrðu gamli farðu bara í sturtu og morgunmaturinn verður orðin klár þegar þú ert búin.

Sigurjón”geir” borðar morgunmatinn eftir góða sturtu og meðan hann er borða þá tekur hann eftir eins dollara seðli (sko þetta gerðist í USA !!) sem er snyrtilega lagður við hlið matardisksins. Sigurjón”geir” segir: Þetta er búið að vera stórkostlegt og ég á eftir að minnast þessarar stundar til æfiloka, en hvað er með þennan eins dollara seðil ???? Unga konan brosir fallega og segir: Í morgun þegar maðurinn minn var á leiðinni útum hurðina á leið í vinnu á Fordinum sínum þá sagði ég við hann: Hann Sigurjón”geir” smiðurinn okkar hér í hverfinu er að fara á eftirlaun og allir ætla gefa honum eitthvað í eftirlaunagjöf og hvað ætti ég að gefa honum ?? Maður ungu konunnar segir: Ah SCREW him, give him a dollar !!!

 

Sigurjón-geir smiður 

 

 

 

Einu sinni fyrir löngu löngu síðan var lítill strákur sem heitir Sigurjón”geir”, þessi strákur var duglegur strákur sem alltaf var að bralla eitthvað, gat aldrei setið lengi kyrr, alltaf að spyrja að einhverju og vildi alltaf verða fyrstur í öllu sem gert var.

Nú þegar þessi “sanna” saga gerist þá var Sigurjón”geir” byrjaður í skóla og þar sem annars staðar fannst Sigurjón”geir” allir hlutir gerast of hægt. Alltaf þegar kennarinn spurði einhvers þá var minn maður alltaf fyrstur til að rétta upp höndina til að svara. Kennarinn var kona á óráðnum aldri og frekar feiminn. Þessa kennslukona var orðin nokkuð vön því að Sigurjón”geir” væri alltaf fyrstur að rétta upp hönd ef einhvers var spurt. Einn daginn þegar kennslukonan var að reyna að kenna krökkunum reikning og það gekk alls ekki of vel, þá kom henni til hugar að koma með dæmisögu:

Hún segir: einu sinni var veiðimaður sem sá þrjár rjúpur sitja á grindverki og hann skýtur eina rjúpuna, hvað eru þá margar eftir krakkar ?? Sigurjón”geir” eins og vanalega er fyrstur að rétta upp höndina og segir: Engin !! Nei nei segir kennslukonan veiðimaðurinn skaut bara eina og þá eru eftir hve margar. Sigurjón”geir” svarar hratt: Sko hann skaut eina en hinar urðu hræddar við hvellinn og flugu í burtu !! Kennslukonan brosir og segir: Mér líkar hvernig þú hugsar Sigurjón”geir” minn en þetta er nú ekki svarið sem ég leitaði eftir.

Nokkrum dögum síðar er Sigurjón”geir” í tíma hjá kennslukonunni þegar hann réttir upp höndina og segir: Má ég spyrja þig spurningar kennslukona ?? Já já segir kennslukonan frekar óþolinmóð því Sigurjón”geir” var alltaf að spyrja spurninga og segir hvað er það: Sko það var þannig að á góðviðrisdegi sátu þrjár ungar konur á bekk og voru að borða ís, ein þeirra var að sleikja ísinn sinn, ein var svona á bíta í ísinn sinn og sú þriðja var að sjúga ísinn sinn, hver þeirra er gift spyr Sigurjón”geir” ?? Kennslukonan roðnar og svona hikstar og segir: Ætli það sé ekki sú sem er að sjúga ísinn sinn !!!! Nei nei segir Sigurjón”geir” það er auðvitað sú sem er með giftingarhringinn, en mikið líkar mér hvernig þú hugsar !!!

Borða ís

Höfundur er óþekktur á þessum sönnu sögum !!

Kawasaki Versys 1000 ABS LT-2017

Kawi Versis 1

Stóri Versysinn hefur vakið athygli sem og hrifningu alls staðar þar sem hann hefur verið prufaður og þ.e.a.s. eftir að hann var endurhannaður í núverandi útlit og gerð, en fyrsta útgáfan af þessum 1000cc Versys vakti ekki svo mikla athygli eða hrifningu en það er önnur saga sem lesa má á netinu eins og allt annað eins og t.d. að aðeins ætti að kaupa eina tegund mótorhjóla Súsúkki !! (Formaður vor telur mig leggja hann í einelti, en dæmi hver fyrir sig !!, en svona okkar á  milli þá læt ég þessa setningu: “Súsúkki er best” fylgja ölllum greinum héðan í frá, en smá bull er alltaf “hollt”, en hugsanlega verður ekki pláss fyrir þessa grein vegna ritskoðunar !!!!!!!! )

Eins og við munum öll þá vakti litli bróðir þ.e. 650cc hjólið mikla hrifningu þegar það var kynnt til sögunar, en þó vantaði uppá afl og tog (ég átti meira segja litla Versysinn !!) fannst mörgum og Kawa verksmiðjan hlustar á notendur eins og flestir framleiðendur. Stóri Versysinn hefur verið valið hjól ársins hjá nokkrum hjólblöðum í USA síðastliðinn tvö á og það segir ýmislegt um hjólið.

Þetta hjól, sem kynnt var til sögunnar fyrir rétt rúmum tveimur árum er með 1043cc vatnskældum mótor, beinni innspýtingu og sex gíra gírkassa, kemur með “slipper” kúplingu, hægt að stilla framrúðu, litlum handhlífum, ABS, sem og 28 lítra hliðartöskum sem hægt er að fjarlægja, þessar töskur koma í sama lit og hjólið, mælaborðið segir þér líka í hvaða gír þú ert ásamt ýmsum öðrum upplýsingum, ekki dónalegur pakki ef segja má svo. Svo er hægt að kaupa t.d. stærri framrúðu ofl.

Hjólið er sagt frábært ferðahjól hvort sem þú ert einn á því eða með farþega, frábært tog, verulega góða akstureiginleika við misjafnar aðstæður, fer vel á malarvegi líka, en er engan vegin utanvegahjól. LT Versysinn er flaggskipið í Versys útgáfunni. Það er hægt að telja upp ýmislegt sem hjólið bíður uppá og fátt sem hægt er að nefna neikvætt (jú jú ekki Súsúkkí !!). Jafnvel við háan snúning mótors þá finnur ökumaður nær engan titring uppí stýri né standpedala, en eins og áður sagt nóg af afli og alveg frábært tog. Rafframleiðsa er sögð mjög góð (nauðsynlegt í usa því þeir nota, hitahandföng, hitaskó, hitavesti, hitabuxur, GPS, kaffibrúsahitara ofl ofl !!) en útgefið afl er sagt 15.3 amps við 1100 snúninga=nauðsynlegt að vita !!.

Eins og áður sagt hjólið kemur standard með ABS frá Bosch, en að framan eru tveir 310mm diskar og einn 250mm að aftan. Hjólið kemur með alls konar tölvubúnaði sem gefur ökumanni möguleika á að stilla átak til afturhjólbarða og þetta kerfi er kallað KTRC(KP) og er stillanlegt á þrjá vegu. Hægt er að bæta við sig fullt af upplýsingum um hjólið og þá eins og venjulega af netinu, t.d. er ein greinin svo tæknileg að mig fór að dreyma um kaup á Súkku (uss uss nú er nóg komið af bulli !!).

Stolið og stílfært af netinu

Óli bruni

Kawi Versis

ENGINE
Displacement 1043cc 
Type 4-stroke In-Line Four 
Bore and stroke 77.0 x 56.0 mm 
Cooling Liquid 
Compression ratio 10.3:1 
Valve system DOHC, 16 valves 
Fuel system Digital fuel injection with four 38 mm Keihin throttle bodies 
Ignition Digital 
Lubrication Forced lubrication, wet sump 
BRAKES
Front: type Dual semi-floating 310 mm petal discs 
Front: calipers Dual opposed 4-piston 
Rear: type Single 250 mm petal disc 
Rear: calipers Single-piston 
DIMENSIONS
Overall length 2,240 mm 
Overall width 895 mm 
Overall height 1,400 mm / 1,465 mm (High Position) 
Wheelbase 1,520 mm 
Ground clearance 150 mm 
Seat height 840 mm 
Curb mass** 249 kg 
Fuel capacity 21 litres 
DRIVETRAIN
Transmission 6-speed, return 
Final drive Chain 
Primary reduction ratio 1.627 (83/51) 
Gear ratio: 1st 2.692 (35/13) 
Gear ratio: 2nd 1.950 (39/20) 
Gear ratio: 3rd 1.529 (26/17) 
Gear ratio: 4th 1.304 (30/23) 
Gear ratio: 5th 1.136 (25/22) 
Gear ratio: 6th 0.958 (23/24) 
Final reduction ratio 2.867 (43/15) 
Clutch Wet multi-disc, manual 
FRAME
Type Aluminium twin-tube 
Wheel travel: front 150 mm 
Tire: front 120/70ZR17M/C (58W) 
Wheel travel: rear 150 mm 
Tire: rear 180/55ZR17M/C (73W) 
Caster (rake) 27° 
Trail 106 mm 
Steering angle (left/right) 34° / 34° 
PERFORMANCE
Maximum Power‡ 88 kW {120 PS} @ 9,000 rpm 
Maximum Torque‡ 102 N.m {10.4 kgf.m} @ 7,500 rpm 
SUSPENSION
Suspension, front 43 mm inverted fork with rebound damping and springpreload adjustability 
Suspension, rear Horizontal Back-link, gas-charged, with rebound damping and remote spring preload adjustability 
DETAILS
Warranty 12 months warranty

Kawi Versis 3

 

tekið af bifhjol.is