Gunnlaugur Harðarson

Gunnlaugur Harðarson

Wednesday, 07 November 2018 17:24

Breskt er best

Það var góð mæting á súpukvöldið í gær, 6/11/2018.

M.a. mættu aðal aðdáendur "breskt er best" eins og sjá má á aukahlutum þeirra sem gera mikið gagn.

 

  20181106 210629

Thursday, 01 November 2018 17:14

Upprunalegt-Original

Það er alltaf gaman að misjöfnu áliti manna (já já konur eru líka menn) um hvað sé rétt þegar kemur að uppgerð ökutækja og miðað hvar þetta verður hugsanlega lesið þá: Uppgerð mótorhjóla af ýmsum stærðum og gerðum. Hvað er rétt í þeim ferli ? Allt munu sumir segja aðrir munu segja verður að vera “original”. Hvor leiðin er réttari ? Báðar eiga rétt á sér því eigandi viðkomandi mótorhjóls ræður alveg för ekki satt ?!

Eins og örfáir hafa tekið eftir þá þykir mér gaman að skrifa smá bull, en öllu bulli/gamni fylgir smá alvara ekki satt ?! Viðbrögð áhugamanna um mótorhjól eru eins mismunandi eins og við erum mörg, þ.e. hvað sé eina rétta leiðin til að viðhalda sögu viðkomandi mótorhjóls. Hvaða rugludalli myndi detta í hug að breyta t.d. fjögurra strokka Henderson í Chopper eða jafnvel café racer ?!

mynd 1

Uss ljótt að sjá hvaða vitleysing dettur svona nokkuð í hug eða er þetta kannski bara “original”

 

Frá því fyrsta mótorhjólið leit dagsins ljós, við að skrifa “ljós” dettur mér strax í hug Lucas rafkerfi, ja það er önnur saga, já frá því að það leit dagsins ljós þá hafa misvitrir eigendur hjóla tekið sig til og breytt viðkomandi hjóli í allt annað en það var hannað fyrir.

T.d. “hvurslags” rugl þetta fallega ómetanlega lang besta (nú næ ég prik) mótorhjól heimsins-BMW-R69S er breytt eins og sjá má á meðfylgjandi mynd :

mynd 2

Hvaða rugludallur gerði þessa hörmung spyr maður sig ! Sko það er bara búið að eyðileggja þetta hjól, meira að segja svartar felgur úff, hvað geta eigendur lagst lágt í eyðileggingunni, maður bara spyr. Ath. sá fær verðlaun sem getur bent á hve mörgu hefur verið breytt á þessum Bimma.

Jafnvel fallegasta hönnun í heimi (nei ekki súkka) er eyðilögð þá á ég við Ducati sjáið þið fyrir ykkur t.d. 900ss t.d. 1975 árgerðina og svo þetta:

mynd 3

Nú segir einhver er eigandinn með á myndinni, nei eigandi tók myndina en lét annað sem honum þykir vænt um að vera með: konuna, hún er reyndar með sólgleraugu til að þekkjast ekki eins vel og horfir til himins, segir það okkur ekki eitthvað !

Jafnvel bestu hjól í heimi eru, heyrðu þú sagðir að BMW væri best, ja sko hum í Þýskalandi, en auðvitað vita allir að lang bestu mótorhjól heimsins koma frá BRETLANDI=breskt er best og til að skýra þetta rugl enn betur þá læt ég eina mynd fylgja með sem útskýrir vitlaust hugarfar vissra manna !!!!!!!!!!!!!

mynd 4

Þarna hefur rugludallur dauðans tekið sig til og notað Norton grind í röngum lit, náð sér í Triumph mótor og sett í grindina, sett eitthvað sem kallað er sæti, náð sér í forljóta frambremsu, BSA hljóðkúta og toppurinn á ruglinu er nafnið TriTon, SKO það er engin TriTon verksmiðja til og hefur aldrei verið, eins gott því þetta hefði aldrei selst, nei ekki möguleiki.

Lang lang lang besta mótorhjól heimsins, uss ruglið heldur áfram, kemur frá landi rísandi sólar og nú erum við að tala um eina sanna Mótorhjólið: SúsúkkkÍ og toppinn á því Bandit (blátt):

mynd 5

Já ekki spurning að það er hægt að gera original Súsúkkkí Bandit fallegri og betri, hafið þið séð fallegra mótorhjól, nei örugglega ekki !! (sagt er að formaður vor sé í breytingum)

Næst besti hrígjónabrennarinn er að sjálfsögðu fyrsta súperbækið: Honda CB750 og hverjum myndi nokkurn tíma detta í hug að hægt væri að “lagfæra fullkomið mótorhjól, nei það er alls ekki hægt og þó:

mynd 6

 

Þetta er algjör fullkomnun, hér er í raun óskarverðlaunin í betrum bætingum hins fullkomna mótorhjóls ekki satt, jafnvel Hondupabbi á suðureyjunni mun gráta af gleði yfir þessari mynd, ja maður lifandi.

 

Þá komum við að endalokum þessarar “greinagerðar” um hvernig á að fullkomna mótorhjól og hvað er nú það spyrja þessir tveir sem lesa þetta (ég meðtalin), jú að sjálfsögðu það sem ekki þarf að “diskótera” um: Ef þú þarft að spyrja þá skilurðu það ekki: Hardley Moving Davidson (Harley Davidson) og þarna tölum við um eina fullkomna heild: Útlit, akstureiginleika, hröðun, þægindi o.s.frv. við erum að tala um Monu Lisu mótorhjólanna, hverjum myndi detta í hug að mála yfir andlit Mónu Lísu, engum, nema kannski einhverjum sem væri andlega veikur og þó, því virðið fyrir ykkur algjöra fullkomnun HD Café Racer touring og annað enn fallegra:

mynd 7

mynd 8

 

Kv. HR. original Óli (bruni)

Monday, 29 October 2018 11:18

“Hriðju”verkamaður !

1969 Honda fyrsta súper bækið

Orðið hriðjuverkamaður er ekki til skilst mér en orðið Hryðjuverkamaður er að sjálfsögðu til og er mjög gamalt hugtak (uss hvað á þetta erindi hér heimasíðu mótorhjóla”samtaka”). Ég ætla ekki að fara skrifa um þetta hugtak með Y-bisloninu, nei hitt orðið Hriðju-verk !! Því það er reginmunur á þessum tveimur orðum Sko ! Sá sem er hryðju notar tæki og búnað eins og skammbyssur, vélbyssur, sprengjur o.s.frv. EN hriðju-maðurinn notar ýmiss handverkfæri: t.d. Slípirokk, járnsög, fræsara (fyrir járn), kúbein og annað svipað sem aðalverkfæri !

En hvað kemur ofangreint mótorhjólum við Jú þó nokkuð mikið, því fyrir nokkuð mörgum árum (já mjög svo mörgum), hófu menn víðsvegar um heiminn, en þó aðallega í USA og UK að eyðileggja “original” mótorhjól í sinni eigu eða jafnvel fyrir aðra. Hvernig þá spyrja þeir sem lesa þetta ? Jú með því að breyta gullfallegu “original” mótorhjóli í eitthvað sem viðkomandi verksmiðju hefði aldrei dottið í hug ! T.d. í USA þá hófu menn eftir seinna stríð að eyðileggja t.d. Harley (hvernig er það hægt !!) og Indian mótorhjól með því að týna af þeim allskonar óþarfa dót, aðallega til að létta þau og gera að sínum. Í Englandi nokkru síðar varð til eitthvað sem menn kölluðu Café racer og það sama gerðist þar, eigendur alveg “original” hjóla fóru að týna af þeim óþarfa dót, eins og bretti, sæti, pústkerfi og annað sem mætti vera til að létta þau og gera þau hraðskreiðari, þessir “Hriðju”verkamenn jafnvel fóru svo langt að setja Triump mótor í Norton grind og bjuggu til “skrímsli” sem kallað var/er TriTon. Já fárveikir einstaklingar þarna á ferð, að eyðlileggja sögu alveg “original” mótorhjóla !

Færum söguna hingað til lands og það þarf auðvitað lækni í mótorhjólafræðum til að takast á við þennan “sjúkdóm” þ.e.a.s. að benda íslenskum “hriðju-verkamönnum” á villu vegar síns og halda í sögu “original” mótorhjóla hér á landi. Læknir þessi sem ber að sjálfsögðu nafnbótina DR hefur reynt (reyndar án mikils árangurs) í nokkuð langan tíma að bjóða íslenskum “hriðju”verkamönnum sérstaka meðferð til að bjarga fallegum, ósnortnum, alveg “original” mótorhjólum frá því að lenda í: slípirokk, járnsög, logsuðu eða öðru “hriðju” verki. Því “miður” hefur honum ekki gengið vel, nema í þeim örfáu tilfellum sem DR hefur tekið upp veskið sitt og keypt það hjól sem eyðlileggja átti. Uss það renna tár við að skrifa þessi orð já eins gott að við eigum DR til að bjarga a.m.k. einhverjum hjólum úr höndum þessara “hriðju” verkamanna.

En afhverju dettur einhverjum EIGANDA alveg “original” mótorhjóls að breyta því ? Það hefur jafnvel tekið ameríksa (ha nei), enska og japanska verkfræðinga og hönnuði mörg ár að hanna eitt stk. mótorhjól og síðan koma einhverjir misvitrir mótorhjóla-EIGENDUR og taka sig til með slípirokk, járnsög og logsuðutæki og eyðileggja alveg gullfallegt “original” hjól. Já þá er eins gott að a.m.k. einn DR sé hér á landi til að bjarga því sem bjargað verður, já maður lifandi eins og einn maður sagði, sem tók sig til og eyðilagði (sagði reyndar að það hefði verið partahjól) alveg gullfallega Hondu (eins gott að það var ekki Súkka !) í Café racer, seldi það reyndar fljótlega því sérfræði tímar hjá DR voru alltof dýrir.

Hér á landi hafa nokkrir (uss eins gott að þeir séu ekki margir) “hriðju”verkamenn haldið áfram að eyðileggja algjörlega “original” mótorhjól, já jafnvel gengið það langt að tappa “original” lofti af hjólbörðum sem og olíu, uss já nú fóru tárin að leka aftur. Já það er eins gott að þessir “hriðju” verkamenn hafi ekki náð því að eyðileggja t.d. alveg “original” jeppa.

Þessi “bullsaga” er aðallega skrifuð til að reyna að koma í veg fyrir að þessi “hriðju” verk haldi áfram og t.d. að hjól sem var aðeins framleitt í 250.000 eintökum verði eyðlilagt af íslenskum “hriðjuverkamanni” og þetta minnir mig að á aðra sögu sem var hér á síðunni fyrir nokkru og fjallaði um þá sem kunna allt um hvernig alveg “original” mótorhjól eigi að líta út, hver bolti, ró, skinna, eigi að vera, ekkert sem ekki kom á hjólinu frá verksmiðju á að vera á því ! Hver hefur að gera með rafmagnskveikju, betri bremsur, hjólbarða og annað, halda menn virkilega að framleiðendur þessara “örfáu” hjóla sem framleidd eru viti ekki neitt.

Jæja nóg komið af bulli, því nær einu skemmtilegu bullsögunar koma frá eyju sunnan megin við stærri eyjuna. Ég veit að það munu hrúgast inn athugasemdir við þessi skrif, ja eins og verið hefur á heimsíðu vorri. Koma svo björgum því sem bjargað verður og leitum læknis ef óeðlilegar hugsanir um “hriðju”verk koma uppí hugann !

Höfundur vill halda nafnleynd, en þeir sem vildu ræða beint við hann getað leitað til DR (leiðbeinir) eða “Bruna”

 

p.s. tvær myndir fylgja þessu erindi að sjálfsögðu af Hondu því þær eru oftast eyðilagðar af “Hriðju” verkamönnum ! Segir það okkur eitthvað um þann framleiðanda ? Hver veit !

 

 

 

 

 

 

 

 

Wednesday, 24 October 2018 17:24

Spyrnan

Norton

 

Honda 

 


Spyrnan

 

 

Sagan hefst í raun fyrir langa langa löngu, maður lifandi ! Já þegar menn voru menn og konur konur (MeeToo). Í þá daga byrjuðu strákar að leika sér á “skellinöðrum” frá unga aldri, löngu fyrir þann tíma sem þeir máttu aka “skellinöðrum” löglega fimmtán ára. Þessir ungu menn keyptu alls konar dót, því ekki var úrvalið í raun mikið og auraráð enn minni (nema þeir sem áttu ríka foreldra !!). Keyptar voru t.d. gamlar NSU”r, Kreidler og annað jafn gáfulegt, síðan voru það einu alvöru hjólin HONDUR ( já já ég veit það er annað til). Þarna komu til sögunar Hondur árg. 1963 sem voru 50cc með fjögurra gíra gírkassa. Flott hjól með sérstakri framfjöðrun síðan komu auðvitað, súkkur og yammar en það voru svona “nörðrur” sem skildu eftir sig reykjarslóð eins og indjánavarðeldur.

Frá því ökutæki voru fundin upp hafa menn reynt sig í “spyrnu” sín á milli, já jafnvel áður en hjólið var fundið upp (uss er þetta fornleyfafræði). Og auðvitað strax þarna í árdaga “skellinöðrunnar” reyndu hinir ungu menn með sér hver væri sá hraðasti á meðan horfðu ungar stelpur á (já já þær geta líkað “spyrnt”). Á þessum tíma voru ekki svo mörg mótorhjól hér á landi voru, en nokkuð mikið af “skellinöðrum” og þó skrítið sé þá var stór hluti þessara tækja staðsett á mjög lítilli eyju ekki langt frá aðaleyjunni eða er þetta sagt á hinn veginn !! Á þessari eyju er það hefð að allir beri aukanafn sem ekki er skráð í kirkjubækur (má ekki ennþá segja kirkja ?). Ef aukanafnið er ekki nefnt þá þekkir þá engin.

Á þessari eyju voru guttarnir sem áttu þessar nöðrur svo heppnir að eiga feður sem sigldu eins og sagt var og því gátu þeir beðið pabba að kaupa smá dót til að hressa nöðruna við. Því ekki mátti tapa í spyrnunni. NEI það var bara eitt sæti í þessari keppni á milli ungu ökumannanna NR-1. (þarna er ekki átt við meðlimanúmer í hjólaklúbb!!). Auk þess að vera spyrna var líka keppni í að prjóna (nei ekki þannig prjón Sko stelpur sjá um handprjón). Að geta ekki prjónað á nöðrunni sinni var í raun leið til að verða uppnefndur: Jarðbundin, flatur, flýgur látt og annað gáfulegt ! Þá fundu þeir upp nýtt heiti: Púkaprjón og þar var í raun allt leyfilegt bara að framdekkið færi frá jörðu.

En höldum okkur við spyrnuna: Þarna á þessari eyju þar sem vegir eru ekki margir og ekki hægt að aka hratt því þá var gatan bara búin ! Þá var stolist á flugvöllinn og reynt með sér þar. Síðan urðu götur betri og lengri og hægt að taka alvöru spyrnur og allir gírar notaðir. Þegar hér var komið í sögunni, þá voru skellinöðurnar orðnar gamall draumur (þó sumir eigi enn minningarnar í föstu formi) og menn farnir að kaupa sér alvöru mótorhjól, flest þeirra komu frá Bretlandi enda breskt best ! Síðan kom sá tími að Hrísgrjónaveldið fór að framleiða mótorhjól með stóru emmmmmi ekki bara skellinöðrur. Já hver man ekki eftir t.d. 300 Hondunni sem var oftast rauð og þótti ofurhjól, síðan kom t.d. Svarta sprengjan 450cc og þetta gat varla orðið meira: EN maður lifandi svo kom til sögunar fyrsta Súperbækið (ja sko held að Triumph og BSA hafi orðið á undan með 750cc þriggja strokka hjólin !). Þetta “fyrsta” Súperbæke var Honda CB750, fjögurra strokka línumótor, fjórir blöndungar, rafstart (konutakki), diskabremsa að framan og það fór alltaf í gang og SKO lak ekki olíu.

Nú veit ég að nokkrir olíumettaðir strompar eru farnir að segja: Uss hann veit ekki neitt þessi, hvað með Kawasaki 500 þriggja strokka hjólið sem reykti meira heldur hann afi gamli með pípuna sína. Það er bara þannig að sagan segir okkur að á þessum tíma sem CB750 Hondan fæddist og menn voru að tala um Mike the bike Hailwood og Agostini ofl: Að öll hjólblöð sögðu: Þarna er komið til sögunnar fyrsta Súperbækið (uss verð að skrifa þetta aftur) CB750 Honda.

Aftur til eyjunnar góðu, Hondan var mætt á svæðið í öllu sýnu veldi og það var strax farið að reyna með sér. Hondan góða (uss hvað varstu heilaþveginn) skildi flest hjól eftir í rykmekki ef segja má svo því ekki reykti hún, ja sko allavega ekki í byrjun ! Eina hjólið sem tók hana í spyrnu (segir sagan) var besta mótorhjól í heimi (já lesið bara mótorhjólablöð) var Norton Commando sem var bara tveggja strokka og lak oftast olíu. Síðan komu alls konar eftirlíkingar af fyrsta súperbækinu og þá enn betri hjól, nú brosa Kawamenn, ja þeir sem nennt hafa að lesa svona langt: Já það var Kawasaki Z1 900cc sem tók Honduna gömlu í nefið, enda tók það Kawamenn um þrjú ár að ná þessu fram !

Nú förum við örfá ár aftur í tíman já örfá: Þessir upphafsmenn “spyrnunnar” á eyjunni góðu eru orðnir fullorðnir menn (ja sko samkvæmt kennitölum) og enn eru þeir að tala um hver sé bestur NR. 1 (ekki klúbbnúmerið sko maður lifandi). Og nú finna þessir gömlu gráhærðu, já jafnvel afar uppá nýrri spyrnu og þar eru veitt verðlaun til þess sem tapar: Hann fær að gjöf risasnuð (þó mér hefði fundist gáfulegra að menn fengju frekar að svona kissa brjóst). Snuð þetta skal sá sem tapar sjúga í votta viðurvist. Á þessum tíma voru ekki mörg alvöru alveg “original” hjól sem gætu breytt sögunni í aðra átt en gamlar úreltar sögur sögðu. Nei reyndar bara ca. tvö hjól (eða aðrir þorðu ekki) Þetta var auðvitað besta hjólið (lesið blöðin) Norton Commando og eigandi þess er höfundur eftirnafns sem kennt er við breska heimsveldið, Norton-ið góða var og er algjörlega “original” jafnvel loftið í hjólbörðum þess og svo auðvitað fyrsta Súperbikið Honda CB750, eigandi þess ber eftirnafn í höfuð vinsæls morgunmatar sem bretar fundu upp er mér sagt ! Þessi Honda er líka algjörlega “original” sagt er að bensínið sé enn það sama og sett var á hjólið í Japan þegar það var prufað í verksmiðjunni.

“Spyrnan” Dagurinn er runninn upp og nú eru menn mættir á þessum tveimur alveg “original” hjólum, eyjan er í raun óvirk, búið að loka flestum fyrirtækjum og allir bátar í landi, aðeins eitt fyrirtæki opið bókabúðin í bænum (eitthvað með að borga þurfi ebay ??). Þessar tvær öldnu kempur eru tilbúnar, klæddir í sína leðurgalla, ekki neitt vélsleðagoritexjukk þarna. Þeir standa þarna við hjólin sýn, stífbónuð að vanda. Sumir spyrja hvaða Honda er þetta ? Átti hann ekki bláa Hondu ? Jú jú en hann á ein sex sett á græjuna, sko tanka og hlíðarhlífar öll í mismundandi lit maður lifandi. Jæja komið að því og við látum ökumenn þessara frægu hjóla segja frá:

Breska heimsveldið: Uss andskotinn það er olíublettur á götunni, vona að engin sjá þetta, djöfull er þetta ætlar hann ekki í gang, það er ekki létt að “kikka” þessu í gang á startsveifinni, ég sem fór yfir Amal blöndunga níu sinnum í nótt. Uss ég vona að ég klúðri ekki startinu, muna að keyra hann út í öllum gírum, ég ætla sko að rúlla upp þessu hrísgrjónadrasli. Æ æ komið að þessu, helvítis glottið á þessum vélstjóra, ég skal sko sína honum að breskt er SKO enn best.

Ég þen besta hjólið og læt kúpplinguna snuða aðeins, flott start og annar gír, æ smá mistök yfir í þriðja og helvítis Hondan er við hlið mér, fjórði og ég sé að þetta verður tæpt, hjólið titrar eins og graðhestur við hlið fallegrar meri, hægri spegill hefur snúist og mér virðist eins og hjólið ætli að hrista mig af sér, já þrátt fyrir mótorpúða. Ég nálgast endamarkið og smá lægð í götunni og mér finnst eins og hjólið lyftist, en lítið mál því við erum að tala um alvöru breska grind og fjöðrun (fjöðrun ha !). Ég hef unnið eins og ég vissi alltaf, þetta var lítið mál ! Verður þetta eins og í gamla daga þegar stelpurnar hrúguðust að manni eftir góða spyrnu, nei eflaust ekki og þó.

Japanska keisaraveldið: Uss þetta verður létt, smá snerting á konutakkann á meðan þessi gamli er nú þegar orðin sveittur við að reyna að koma þessu breska dóti í gang. En hver andskotinn ætlar hún ekki í gang æskuástin mín koma svo koma svo. Það er bara svona með þessar original græjur þær geta verið dutlungafullar ja eins og æskuástin var. En jú hún fer í gang, ég hafði bara gefið henni of mikið inn þegar ég ítti á konutakkann. Ég glotti til félaga míns ég veit að hann fer á taugum, en nei hann bara horfir bara gegnum mig, ískaldur og rólegur. Ég læt hann heyra alvöru hljóð og það megi sko snúa þessu meira en 5000 snúninga. Nú sný ég uppá rörið eftir að hafa sett í fyrsta (hérumbil gleymdi því) og mótorinn alveg öskrar (já þessar original Hondur gera það sko). Af stað, æ æ lét kúpplinguna snuða of mikið, en uss þetta verður létt. Annar gír, þriðji, fjórði og uss mig vantar afl enda “original” mótor, fimmti og ég hef gleymt að athuga hvar gamla breska draslið er. Ég er á súperhraða enda á Súperbæk-I, hljóðið í mótor er orðin hálf skrýtin, ætli “original” stimplasettið hafi eitthvað gefið eftir ? Endamarkið og ég er búin að vinna, enda maður lifandi á Hondu. Mín bíður sú ánægja að setja snuðið uppí gamla gaurinn, engin stelpuhópur við endamarkið enda mín bara að vinna (ebay).

Já sagan er orðin of löng en sagt er að báðir hafið unnið ! Spyrnurnar urðu fleiri og sögurnar um niðurstöður enn fleiri. Já þessi alveg “original” Honda keppti við nær öll ökutæki eyjunnar á tveimur hjólum, já meira að segja græju á kubbadekkjum. Og nú eru ekki nema örfáir dagar síðan síðasta keppni fór fram og þar var meira segja rant tant tant rant tant græja notuð. Ekki skiptir hver vann er það nokkuð, eða eins og alvöru íþróttamenn segja: Aðalatriðið er að vera með ! Við sem fylgjumst með úr fjarlægð vonum að þessir ofurhugar á suðureyjunni haldi áfram að SPYRNA.

Ath. allt hér að ofan er alveg satt eins langt og það nær, spyrjið bara bestu sögumenn suðureyjunnar, þeir meira að segja tölusetja sýnar sögur og sagt er að nú nefni menn bara tölur t.d. 48 og þá fara allir að hlægja, með því er hægt að segja miklu fleiri sögur SKO.

Óli “bruni”

 

Norton

Honda

 

 

 

 

Wednesday, 19 September 2018 22:35

Kawi á 400 km/h

Lárus H. Bjarnason, félagi okkar, sendi þetta eftir spjall á þriðjudagsfundinum:

https://auto.ndtv.com/news/kenan-sofuoglu-hits-top-speed-of-400-kmph-on-the-kawasaki-ninja-h2r-1426766

 

 

Wednesday, 12 September 2018 18:02

Frá Spáni

Eiður, félagi okkar, er á Spáni núna og sendi nokkrar myndir þaðan af 4 þríhjólum Swisslendinga sem hann mætti þar.

Sjá mynda albúm    http://gaflarar.com/index.php?option=com_igallery&view=category&igid=190&Itemid=117 

Sunday, 09 September 2018 17:05

Þriðjudagsfundur

Næsti hittingur verður fyrsti fundur vetrarins þriðjudaginn 18. september kl. 20:00 á Strandgötunni.

Kaffi, kleinur, konfekt og spjall.

Stjórnin

Thursday, 21 June 2018 20:46

Eiður á ferðinni

Tuesday, 05 June 2018 21:41

Mótorhjólaskógur

Formaðurinn og gjaldkerinn fóru laugardaginn 2. júní s.l. og báru áburð á svæðið sem klúbburinn hugsar um hjá Hekluskógum í samstarfi við nokkra mótorhjólaklúbba.  Sjá nokkrar myndir í nýju albúmi sem sýna hvað plönturnar dafna vel.

Tuesday, 05 June 2018 21:23

Þriðjudagshittingur 5/6/18

Það fóru 11 félagar rúntinn í kvöld.  Sjá nokkrar myndir í nýju albúmi.

Page 1 of 30