Print this page
Tuesday, 03 May 2016 07:55

Metanólblandað bensín eykur eyðslu og minnkar afl

tekið af bifhjol.is

 

 

Ég ætla að skrifa smá reynslupistil eftir að hafa skipt alfarið yfir í viðskipti við Atlantsolíu eftir að fréttir bárust um að öll olíufélögin eru farin að blanda etanóli í bensínið hjá sér nema áðurnefnt félag.  Ég er búinn að rúlla mér um tvö þúsundn kílómetra núna í vor og hef aðeins einu sinni neyðst til að tanka hjólið á N1 í Grindavík, aðeins þó um 3 lítra í það skiptið en hef þar fyrir utan alltaf tankað á Atlantsolíu.

Ég er farinn að finna stóran mun á hjólinu eftir að hafa skipt alfarið um þjónustu.  Hjólið dettur í gang á fyrsta starti og ég þarf ekki að halda við gjöfina eftir gangsetningu heldur gengur það hægaganginn jafnt og reglulega, (eins og virago 1100 á að gera, hökta örlítið) en drepur ekki á sér eftir nokkra snúninga eins og áður.

Aflið er allt annað.  Ég hélt í fyrra sumar að ég yrði að fara með gripinn í stillingu og láta jetta torana en eftir skiptin er aflið töluvert meira og togið talsvert mikið betra.  Það sem kom mér mest á óvart er þó eyðslan á hjólinu.  Í fyrra sumar var eyðslan á því frá þetta 5,9 og upp í 6,5 lítrar á hundrað kílómetra en núna í síðustu tvö skiptin sem ég hef verið að setja á það bensín hafa útreikningar sýnt að eyðslan er dottin niður í þetta 5,1 til 5,5 lítra á hundraðið.

Ég hef því ákveðið að hér eftir verður ekki keypt bensín af þeim aðilum sem blanda etanóli eða öðrum efnum í bensínið hjá sér, enda held ég að þessi tilraun hafi sýnt og sannað að þessi íblöndun minnkar af og eykur eyðslu í mótorhjólum.  Já og reyndar öllum ökutækjum sem brenna bensíni því þeir sem ég hef talað við um þessi mál hafa svipaða sögu að segja af bílum og öðrum tækjum sem þeir hafa skipt um bensín á.

Með vinsemd og virðingu. Jack H. Daníels.

Read 2983 times Last modified on Tuesday, 03 May 2016 14:03