Útför mótorhjólamannsins Hauks Richardssonar fer fram frá Fríkirkjunni í Reykjavík föstudaginn 1. júní kl 15:00. Safnast verður saman í hópkeyrslu honum til heiðurs kl 17:00 og er samkomustaðurinn BSÍ við Hringbraut. Þaðan verður ekið undir flöggum klúbba hans að Stöðinni í Hafnarfirði þar sem verður samverustund og skipst á góðum hjólasögum í minningu hans. Allir eru velkomnir í þessa keyrslu en í fylkingarbrjósti verða bresk mótorhjól sem voru alltaf í miklu uppáhaldi hjá honum. Spáin lofar góðu veðri, 14 stigum og heiðskírt.