Nýtt Íslandsmet var sett í svonefndum G+ flokki mótorhjóla á þriðju umferð Íslandsmótsins í kvartmílu sem fram fór á kvartmílubrautinni í Kapelluhrauni við Hafnarfjörð.
Þar var að verki Guðmundur „púki“ Guðlaugsson sem ók mílufjórðunginn á 9,432 sekúndum sem svarar til 153,64 mílna hraða, sem jafngildir 246 km/klst.
Þótt dagurinn hafi byrjað vel truflaði rigning keppni síðdegis og tókst ekki að klára alla flokka hennar vegna þessa.
Áður en rigningin lét til sín taka hafði keppni verið lokið í þremur flokkum af fimm. Eftir var að keppa til úrslita í flokki breyttra hjóla og í Street-flokki. Í þeim síðarnefnda var aðeins hrein úrslitaferð eftir.
Þessar viðureignir verða útkljáðar í fjórðu umferði Íslandsmótsins, sem fer fram fer eftir sumarfrí kvartmúlumanna, eða 29 ágúst næstkomandi.
Úrslit dagsins urðu annars sem hér segir:
G+
1. Guðmundur Guðlaugsson
2. Birgir Kristinsson
TS
1. Garðar Ólafsson
2. Daníel G. Ingimundarson
OF
1. Harrý Þór Hólmgeirsson
2. Leifur Rósenbergson
Frá keppni í þriðju umferð Íslandsmótsins í kvartmílu í Kapelluhrauni. Ljósmynd/B&B Kristinsson
Frá keppni í þriðju umferð Íslandsmótsins í kvartmílu í Kapelluhrauni. Ljósmynd/B&B Kristinsson